လံာ်စီၤၡမူၤအ့လးခံဘ့ၣ်တဘ့ၣ် 21:22 - Sgaw Karen Common Bible

²² ပှၤလွံၢ်ဂၤအံၤမ့ၢ်ပှၤဟဲလီၤစၢၤလီၤသွဲၣ်လၢပှၤနီၢ်ဒိၣ်တဖၣ် လၢဝ့ၢ်ကၤသးအပူၤဒီးအဝဲသ့ၣ်ဘၣ်တၢ်မၤသံကွံာ်အီၤလၢ စီၤဒၤဝံးဒီးအပှၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:16

ပှၤဖးဒိၣ်တဂၤလၢအမံၤမ့ၢ် စီၤယံၡဘနိးလၢအစိာ်ဘီတိၢ်ဘီလၢအတယၢၢ်ဃၢဝဲၡက့လးသၢကယၤ, ဒီးသိးဃာ်နးအသီတဘ့ၣ်န့ၣ်, ဆိကမိၣ်ဝဲလၢအမၤသံစီၤဒၤဝံး ကန့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:21

အဝဲဒုၣ်ဒွဲၣ်ဒီးတၤတၢ်ဒီးပှၤအံၣ်စရ့လးဖိတဖၣ်အဃိ စီၤဒၤဝံးအဒီပုၢ်ဝဲၢ်ခွါစီၤၡံမံၤအဖိခွါစီၤယိနၤသၣ် မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 20:8

ပှၤသၢဂၤလၢအဘၣ်တၢ်မၤသံကွံာ်အီၤလၢစီၤဒၤဝံးဒီးအပှၤသ့ၣ် တဖၣ်အံၤ, မ့ၢ်ပှၤတဖၣ်လၢအဟဲလီၤစၢၤလီၤသွဲၣ်လၢပှၤနီၢ်ဒိၣ်နီၢ်ထီတဖၣ် လၢဝ့ၢ်ကၤသးန့ၣ်လီၤ.

စံးထီၣ်ပတြၢၤ 108:13

ပကမၤတၢ်ဒီး တၢ်ဂံၢ်ဆူၣ်ဘါဆူၣ်လၢ ယွၤလီၤ. အဂ့ၢ်ဒ်အံၤ, အဝဲဒၣ်န့ၣ် ကယီၢ်တံၢ်လီၤ ပဒုၣ်ပဒါလီၤ.

စံးထီၣ်ပတြၢၤ 118:15

ဒိကနၣ်တၢ်သးခုအတၢ်သးဝံၣ်လၢတၢ်မၤနၢၤအဂီၢ် လၢကစၢ်ယွၤအပှၤဂီၢ်မုၢ်အဒဲတဖၣ်အပူၤတက့ၢ်, “ယွၤအစိအကမီၤဖးဒိၣ်မၤဝံၤတ့ၢ်လံတၢ်လံ.

စံးထီၣ်ပတြၢၤ 60:12

ကစၢ်ယွၤမ့ၢ်အိၣ်ဒီးပှၤဒီးပကမၤနၢၤတၢ်, အဝဲကမၤနၢၤပဒုၣ်ပဒါတဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

လံာ်စီၤယိၤၡူ 14:12

လၢတၢ်န့ၣ်အဃိ, အခဲအံၤဟ့ၣ်လီၤယၤလၢကစၢၢ်န့ၣ်လၢယွၤအၢၣ်လီၤတ့ၢ်ယၤတနံၤဃီ ဖဲယၤဒီးယပှၤတဖၣ်ပပာ်ဖျါက့ၤတၢ်ဂ့ၢ်န့ၣ်တက့ၢ်. ပစံးဘၣ်တ့ၢ်သုလၢပှၤ အနီၢ်ဒိၣ်လၢအဘၣ်တၢ်ကိးအီၤလၢပှၤဧနးဖိတဖၣ်အိၣ် ဖဲန့ၣ်လၢဝ့ၢ်တဖၣ်လၢအအိၣ်ဒီးအခိၣ်ဒူဖးဒိၣ်အပူၤန့ၣ်လီၤ. ယွၤမ့ၢ်အိၣ်ဒီးယၤဒီးယကဟီထီၣ်ကွံာ်အဝဲသ့ၣ်ဒ်ယွၤစံးဘၣ်တ့ၢ်အသိးန့ၣ်လီၤ.”