လံာ်စီၤၡမူၤအ့လးခံဘ့ၣ်တဘ့ၣ် 21:17 - Sgaw Karen Common Bible

¹⁷ ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 21:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:7

ဒီးခဲကနံၣ်အံၤတၢ်ဒိၣ်ဧၢ, ယဘူးယတံၢ်ခဲလၢာ်ဃၣ်ကွံာ်အသးထီဒါယၤ ဒီးဃ့ဆူၣ်ဝဲလၢယကဘၣ်ဟ့ၣ်လီၤယဖိခွါဆူအဝဲသ့ၣ်အအိၣ် ဒ်သိးအဝဲသ့ၣ်မၤသံကွံာ်အီၤကသ့, လၢအဝဲမၤသံတ့ၢ်အဒီပုၢ်ဝဲၢ်ခွါအဃိန့ၣ်လီၤ. အဝဲသ့ၣ်မ့ၢ်မၤတၢ်အံၤဒီးယကအိၣ်လီၤတဲာ်တအိၣ်ဒီးဖိခွါနီတဂၤဘၣ်လီၤ. အဝဲသ့ၣ်ကမၤဟးဂီၤယတၢ်မုၢ်လၢ်လၢခံကတၢၢ်ဒီးဖိခွါတဂၤလၢ ကစိာ်မူထွဲဒ်ယဝၤအမံၤန့ၣ်တအိၣ်လၢၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:3

အဝဲသ့ၣ်စံးဆၢဝဲဒၣ်, “နတဘၣ်လဲၤဃုာ်တၢ်ဒီးပှၤဘၣ်. ပဝဲအကျါတနီၤမ့ၢ်ဃၣ်ကဒါက့ၤအသးဒီးဃ့ၢ်မ့ၢ်ဂ့ၤ, ပဝဲအကျါတဝာ်မ့ၢ်ဘၣ်တၢ်မၤသံကွံာ်အီၤမ့ၢ်ဂ့ၤန့ၣ်တမ့ၢ်ကလီၤ ဆီနီတမံၤလၢပဒုၣ်ပဒါအဂီၢ်ဘၣ်ဆၣ်, နလုၢ်ဒိၣ်ပှ့ၤဒိၣ်ထဲသိးဒီးပဝဲအဂၤတကလးညါန့ၣ်လီၤ. နမ့ၢ်အိၣ်လၢဝ့ၢ်ပူၤဖဲအံၤဒီးဆှၢလီၤန့ၢ်ပှၤတၢ်မၤစၢၤန့ၣ် ဂ့ၤဒိၣ်ဒၣ်တၢ်တက့ၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 22:19

ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ဟဲဒုးယၤ, ဘၣ်ဆၣ်ယွၤဒီဒၣ်အိၣ်ပှိၤယၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:29

ယွၤဧၢ, နဲဒၣ်အံၤ, နမ့ၢ်ယတၢ်ကပီၤန့ၣ်လီၤ. နနီၣ်ကွံာ်ယတၢ်ခံးတၢ်နၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:36

ဘၣ်ဆၣ်ယကပျဲစီၤၡလိၤမိၤအဖိခွါပၢၤဃာ်ဒံးဒူၣ်တဒူၣ်, ဒ်သိးထီဘိယကအိၣ်ဒီးယခ့ယပှၤစီၤဒၤဝံးအစၢၤအသွဲၣ်တဂၤလၢ အပၢတၢ်လၢဝ့ၢ်ယရူၤၡလ့ၣ်, ဝ့ၢ်လၢယဃုထၢတ့ၢ်အီၤဒ်သိးတၢ်လီၢ်လၢတၢ်ကဘူၣ်ထီၣ်ဘါထီၣ်ယၤ အဂီၢ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:4

ဘၣ်ဆၣ်လၢတၢ်ကွၢ်မဲာ်စီၤဒၤဝံးအဃိန့ၣ်ယွၤ, အကစၢ်ယွၤဟ့ၣ်လီၤစီၤအဘံယၣ်လၢအဖိခွါတဂၤဒ်သိးကပၢတၢ်လၢ အဝဲအလီၢ်ခံလၢဝ့ၢ်ယရူၤၡလ့ၣ်အပူၤဒီးဒ်သိးကမၤဂၢၢ်မၤကျၢၤဝ့ၢ် ယရူၤၡလ့ၣ်အဂီၢ်န့ၣ်လီၤ.

စံးထီၣ်ပတြၢၤ 132:17

ယကဒုးကဲထီၣ်စီၤဒၤဝံးအစၢၤအသွဲၣ်တဖၣ် အကျါတဂၤလၢ စီၤပၤဖးဒိၣ်ဖဲအံၤ, ဒီးယကကတီၤဃာ် ယစီၤပၤလၢ ယဃုထၢအီၤ အတၢ်ပၢတၢ်ပြးန့ၣ်လီၤ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 46:1

ကစၢ်ယွၤမ့ၢ်ပတၢ်ပူၤဖျဲးအလီၢ်ဒီးပဂံၢ်ပဘါလီၤ. လၢတၢ်ကိၢ်တၢ်ဂီၤအကတီၢ်န့ၣ် အဝဲအိၣ်ကတဲာ်ကတီၤအသးထီဘိလၢ ကမၤစၢၤပှၤန့ၣ်လီၤ.

လံာ်ယံးရမံယၤ 40:15

အန့ၣ်ဒီး, စီၤယိဃၤနၣ်စံးဘၣ်အီၤလၢတၢ်ခူသူၣ်အပူၤ, “ပျဲယလဲၤဒီးမၤသံစီၤယံးၡမၤအ့လးတက့ၢ်. ဒီးမတၤမၤတၢ်အံၤလဲၣ်န့ၣ်, ပှၤတသ့ၣ်ညါနီတဂၤဘၣ်. ဘၣ်မနုၤအဃိအဝဲဘၣ်တၢ်ကပျဲအီၤလၢကမၤသံနၤန့ၣ်လဲၣ်. တၢ်န့ၣ်ကကဲထီၣ်တၢ်လၢအမၤလီၤပြံလီၤပြါကွံာ်ကယဲၢ် ပှၤယူဒၤဖိလၢအအိၣ်ဝးတရံးနၤတဖၣ်ဒီးတၢ်ကဟဲစိာ်တၢ် တတၢးတနါဆူကယဲၢ်ပှၤဂီၢ်မုၢ်အလိၤလၢအအိၣ်လီၤ တဲာ်လၢကီၢ်ယူဒၤအပူၤန့ၣ်လီၤ.”

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.