လံာ်စီၤၡမူၤအ့လးခံဘ့ၣ်တဘ့ၣ် 21:16 - Sgaw Karen Common Bible

¹⁶ ပှၤဖးဒိၣ်တဂၤလၢအမံၤမ့ၢ် စီၤယံၡဘနိးလၢအစိာ်ဘီတိၢ်ဘီလၢအတယၢၢ်ဃၢဝဲၡက့လးသၢကယၤ, ဒီးသိးဃာ်နးအသီတဘ့ၣ်န့ၣ်, ဆိကမိၣ်ဝဲလၢအမၤသံစီၤဒၤဝံး ကန့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:16 Iomraidhean Croise

လံာ်တၢ်ကဲထီၣ်အခီၣ်ထံး 14:5

ဒီးလၢတဆံလွံၢ်နံၣ်တနံၣ်န့ၣ်စီၤပၤစီၤကဒၢ်လဧိမ့ၢ်ဒီးအသိၣ် အမှံၤစီၤပၤအဂၤသ့ၣ်တဖၣ်ဟဲလၢအသုးမုၢ်ဒၣ်ဝဲဒီးမၤနၢၤပှၤ ရၤဖၤဖိအိၣ်လၢဝ့ၢ်ဧၤၡတါရိၤကၢ်နါယံၣ်, ပှၤစူစၤဖိအိၣ်လၢကီၢ်ဟၣ်အပူၤ, ပှၤအ့ၣ်ဖိအိၣ်လၢၡၤဝ့ကးရ ယးသံၣ်အတၢ်ပျီပူၤ,

လံာ်တၢ်ကဲထီၣ်အခီၣ်ထံး 6:4

လၢမုၢ်နံၤတဖၣ်အပူၤန့ၣ်ဒီးဆူညါဒၣ်လဲာ်န့ၣ်, ပှၤနီၢ်ဒိၣ်ဖိတဖၣ်အိၣ်ထီၣ်လၢဟီၣ်ခိၣ်ချၢ, ပှၤလၢအဟဲလီၤစၢၤလၢပှၤကညီပိာ်မုၣ်ဒီးကစၢ်ယွၤအဖိခွါတဖၣ် န့ၣ်လီၤ. အဝဲသ့ၣ်မ့ၢ်ပှၤဒူပှၤဃိၤဖးဒိၣ်တဖၣ်ဒီးပှၤမံၤဟူသၣ်ဖျါလၢ ပျၢၤလံၤလံၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:18

တၢ်အံၤဝံၤအလီၢ်ခံ, တၢ်ဒုးတၢ်ယၤဒီးပှၤဖလ့ၡသးဖိ အိၣ်ထီၣ်တဘျီဖဲဝ့ၢ်ကိာ်, ဒီးဖဲတၢ်ဒုးအံၤအခါန့ၣ်ပှၤဃူၡသးဖိ စီၤစံၤဘကဲ မၤသံကွံာ်ပှၤအနီၢ်ဖးဒိၣ်တဂၤလၢအမံၤမ့ၢ်စီၤစာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:20

အန့ၣ်ဝံၤဒီးတၢ်ဒုးတၢ်ယၤအဂၤတဘျီအိၣ်ထီၣ်ကဒီးဝဲ လၢဝ့ၢ်ကၤသးဖဲပှၤအနီၣ်ဖးဒိၣ်လၢအအဲၣ်တၢ်ဒုးတၢ်ယၤတဂၤအိၣ် ဝဲအလီၢ်န့ၣ်လီၤ. အဝဲအိၣ်ဒီးအစုမုၢ်ဃုဘိ, လၢအစုတခီစုာ်စုာ်အလိၤဒီးအခီၣ်မုၢ်အိၣ်ဃုဘိ, လၢအခီၣ်တခီစုာ်စုာ်အလိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 21:22

ပှၤလွံၢ်ဂၤအံၤမ့ၢ်ပှၤဟဲလီၤစၢၤလီၤသွဲၣ်လၢပှၤနီၢ်ဒိၣ်တဖၣ် လၢဝ့ၢ်ကၤသးအပူၤဒီးအဝဲသ့ၣ်ဘၣ်တၢ်မၤသံကွံာ်အီၤလၢ စီၤဒၤဝံးဒီးအပှၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:18

ပှၤဖလ့ၡသးဖိတဖၣ်ဟဲတုၤဝဲဆူရၤဖၤအတၢ်တြီၤပူၤဒီးမၤန့ၢ် အီၤန့ၣ်လီၤ.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်တၢ်ဂံၢ် 13:28

ဘၣ်ဆၣ်ဒီးပှၤဂီၢ်မုၢ်လၢအအိၣ်ဖဲန့ၣ်တဖၣ်အဂံၢ်အဘါဆူၣ်ဝဲ, ဒီးအခူအဝ့ၢ်တဖၣ်ဒိၣ်ဝဲဒီးအခိၣ်ဒူအိၣ်ကျၢၤဝဲဂ့ၤဂ့ၤလီၤ. အၢန့ၢ်အန့ၣ်ဒၣ်လဲာ်ပထံၣ်တ့ၢ်ပှၤနီၢ်ဒိၣ်နီၢ်သွါအစၢၤအသွဲၣ် တဖၣ်ဖဲန့ၣ်လီၤ.

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 2:10

(ပှၤတကလုာ်လၢအဂံၢ်ဆူၣ်ဘါဆူၣ်ဒီးအနီၢ်ဒိၣ်နီၢ်သွါလၢအဘၣ်တၢ် ကိးအီၤလၢပှၤအ့ၣ်မ့းဖိတဖၣ်ညီနုၢ်အိၣ်ဆိးဝဲဖဲဝ့ၢ်ဧၢ်န့ၣ်လီၤ. အဝဲသ့ၣ်အနီၢ်ထီဝဲထဲသိးသိးပှၤဧနးဖိတဖၣ်လၢအမ့ၢ်ပှၤနီၢ် ဒိၣ်နီၣ်သွါတကလုာ်န့ၣ်လီၤ.

လံာ်သိၣ်လီၤသီလီၤတၢ် 2:11

ဒ်ပှၤဧနးဖိတဖၣ်အသိး, အဝဲသ့ၣ်ဘၣ်တၢ်သ့ၣ်ညါအီၤဒ်ရးဘးဖိ အသိးန့ၣ်လီၤ. မ့မ့ၢ်ပှၤမိၤအးဖိတဖၣ်ကိးအဝဲသ့ၣ်လၢပှၤအ့ၣ်မ့းဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 2:21

အဝဲသ့ၣ်အနီၢ်ထီဝဲထဲသိးသိးဒီးပှၤဧနးဖိတဖၣ်န့ၣ်လီၤ. အဝဲသ့ၣ်အိၣ်ဖဲန့ၣ်အါအါဂီၢ်ဂီၢ်ဒီးမ့ၢ်ပှၤဖးဒိၣ်တကလုာ် လီၤ. ဘၣ်ဆၣ်ဒီးယွၤမၤဟးဂီၤကွံာ်အဝဲသ့ၣ်ဒီးလၢတၢ်န့ၣ်အဃိ, ပှၤဧၣ်မိၣ်ဖိတဖၣ်, ဟံးန့ၢ်ကွံာ်အဝဲသ့ၣ်အကီၢ်ဒီးနုာ်လီၤအိၣ် ဆိးဝဲဖဲန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်သိၣ်လီၤသီလီၤတၢ် 9:2

ပှၤဂီၢ်မုၢ်တဖၣ်အနီၢ်ကစၢ်ဒၣ်ဝဲအနီၢ်ထီဒီးအဂံၢ်အဘါဆူၣ်ဝဲဒၣ် လီၤ. အဝဲသ့ၣ်မ့ၢ်ပှၤနီၢ်ဒိၣ်နီၢ်သွါတဖၣ်ဒီးသုနၢ်ဟူတ့ၢ်လၢပှၤ စံးဝဲလၢပှၤဆၢထၢၣ်ထီဒါအဝဲသ့ၣ်တန့ၢ်နီတဂၤဘၣ်န့ၣ်လီၤ.

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤယိၤၡူ 15:14

စီၤကၤလ့းဟီထီၣ်ကွံာ်စီၤ ဧနးအစၢၤအသွဲၣ်တဖၣ်လၢဝ့ၢ်အပူၤလၢအမ့ၢ်စီၤၡ့ၡဲ, စီၤအဃံမ့ၣ်ဒီးစီၤတးလမဲအဒူၣ်ထၢတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:7

အဘီန့ၣ်တီၢ်ထဲသိးပှၤထါထၣ်ဖိအထၣ်နီၣ်ဘိဒီးအကနၣ်ထးန့ၣ် အတယၢၣ်အိၣ်ဝဲၡက့လးဃုကယၤလီၤ. ပှၤသုးဖိတဂၤလဲၤတၢ်အမဲာ်ညါဒီးစိာ်န့ၢ်အီၤအကတီၤတဘ့ၣ်န့ၣ် လီၤ.