လံာ်စီၤၡမူၤအ့လးခံဘ့ၣ်တဘ့ၣ် 21:12 - Sgaw Karen Common Bible

¹² အဝဲလဲၤဒီးဟံးန့ၢ်စီၤစီလူးဒီးအဖိခွါစီၤယိနၤသၣ်အဃံတဖၣ် လၢဝ့ၢ်ယၤဘ့ၣ်အပူၤလၢကီၢ်ကံးလဧးအပှၤဂီၢ်မုၢ်အအိၣ်န့ၣ်လီၤ. (အဝဲသ့ၣ်ဟုၣ်န့ၢ်တ့ၢ်တၢ်တဖၣ်န့ၣ်လၢဝ့ၢ်ဘ့ၤသၡၣ်အတၢ်လီၢ်လီၤပျီ, ဖဲပှၤဖလ့ၡသးဖိတဖၣ်ဘျးထီၣ်တ့ၢ်တၢ်အစိၣ်တဖၣ်န့ၣ် ဖဲမုၢ်တနံၤလၢအဝဲသ့ၣ်မၤသံကွံာ် စီၤစီလူးလၢကစၢၢ်ကံးလဘိးအလိၤအခါန့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 21:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:21

မ်မူခိၣ်စူၤထံမ့ၢ်ဂ့ၤ, ပစီၤထံမ့ၢ်ဂ့ၤသုတလီၤလၢကံးလဘိ အတၢ်လူၢ်တဖၣ်အဒီခိၣ်တဂ့ၤ. မ်အစံၣ်ပျီတဖၣ်အိၣ်သယုၢ်အိၣ်လီၤဃီထီဘိတက့ၢ်. အဂ့ၢ်ဒ်အံၤ, ပှၤအဒူအဃိၤအကတီၤတဖၣ်ဒါလီၤအသးဖဲန့ၣ် လၢတၢ်မဲာ်ဆှးအပူၤလီၤ. စီၤစီလူးအကတီၤန့ၣ်တဘၣ်တၢ်ဖှူကပီၤထီၣ်အီၤလၢသိ နီတစုလၢၤဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 1:6

အဝဲဒၣ်စံးဆၢဝဲ, “ယလဲၤဘၣ်အတီၤလၢကစၢၢ်ကံးလဘိ အဒီခိၣ်, ဒီးယထံၣ်လၢစီၤစီလူးထိၣ်လီၤဃံၤအသးလၢအဘီ ဖီခိၣ်ဒီးဒုၣ်ဒါအလ့ၣ်ကဟၣ်ဒုးသုးတဖၣ်ဒီးကသ့ၣ်ဒုးသုးတဖၣ် ဘူးတ့ၢ်မးလၢကတုၤဆူအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:4

အန့ၣ်ဝံၤဒီးပှၤကီၢ်ယူဒၤဖိတဖၣ်ဟဲဆူဝ့ၢ်ဃ့ဘြိၣ်ဒီးဖှူ စီၤဒၤဝံးဒ်ကီၢ်ယူဒၤအစီၤပၤအသိးန့ၣ်လီၤ. ဖဲစီၤဒၤဝံးနၢ်ဟူတ့ၢ်လၢပှၤဂီၢ်မုၢ်လၢဝ့ၢ်ယၤဘ့ၣ်အိၣ်လၢ ကီၢ်ကံးလဧးအပူၤခူၣ်လီၤဘျၢလီၤစီၤစီလူးန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 21:11

ဖဲစီၤဒၤဝံးနၢ်ဟူဘၣ်တၢ်လၢနီၢ်ရံးစဖၤမၤတ့ၢ်ဝဲအဂ့ၢ်န့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 21:13

စီၤဒၤဝံးဟံးန့ၢ်စီၤစီလူးဒီးစီၤယိနၤသၣ်အဃံတဖၣ်ဒီး ပာ်ဖှိၣ်စ့ၢ်ကီးအီၤပှၤနွံဂၤလၢအဘၣ်တၢ်စၢၣ်သံအီၤအဃံတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:1

ဒီးပှၤဖလ့ၡသးဖိဒုးတၢ်ဒီးပှၤအံၣ်စရ့လးဖိလၢကစၢၢ်ကံး လဘိအလိၤန့ၣ်လီၤ. ဒီးပှၤအံၣ်စရ့လးဖိအါဂၤဘၣ်တၢ်မၤသံအီၤဖဲန့ၣ်ဒီးပှၤလၢ အအိၣ်လီၤတဲာ်တဖၣ်, အိၣ်ဃုာ်ဒီးစီၤပၤစီၤစီလူးဒီးအဖိခွါဃ့ၢ်ပူၤဖျဲးကွံာ် ဝဲဒၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:12

ပှၤကညီအဒူကတၢၢ်တဖၣ်လဲၤဒီးဟံးန့ၢ်စီၤစီလူးဒီးအဖိခွါ တဖၣ်အစိၣ်, ဒီးဟဲက့ၤစိာ်ဝဲဆူဝ့ၢ်ယၤဘ့ၣ်န့ၣ်လီၤ. ဒီးခူၣ်လီၤကွံာ်အဝဲသ့ၣ်ဖဲသ့ထိးဖၣ်တထံးအဖီလာ်ဒီးဒုၣ်တၢ် အီၣ်နွံနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 10:8

ဖဲတၢ်ဒုးဝံၤအလီၢ်ခံမုၢ်ဆ့ၣ်ထီၣ်န့ၣ်, ပှၤဖလ့ၡသးဖိတဖၣ်လဲၤ ဒ်သိးကဘ့ၣ်ကွံာ်ဒီးဂုာ်န့ၢ်ပှၤသံတဖၣ်အကူအသိးန့ၣ်လီၤ. အဝဲသ့ၣ်ထံၣ်ဘၣ်စီၤစီလူးဒီးအဖိခွါတဖၣ်အစိၣ်အိၣ်ဒါလီၤ အသးလၢကစၢၢ်ကံးလဘိအလိၤန့ၣ်လီၤ.

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:4

ပှၤဖလ့ၡသးဖိအသုးမုၢ်တဖၣ်ပာ်ဖှိၣ်ထီၣ်အသးဒီးသူၣ်လီၤအဒဲ ဖဲအဘူးဒီးဝ့ၢ်ၡူန့ၣ်လီၤ. စီၤစီလူးပာ်ဖှိၣ်ပှၤအံၣ်စရ့လးဖိတဖၣ်ဒီးသူၣ်လီၤအဒဲဖဲ ကစၢၢ်ကံးလဘိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:1

ပှၤဖလ့ၡသးဖိတဖၣ်ဒုးတၢ်ဒုးတဘျီထီဒါပှၤအံၣ်စရ့လးဖိတဖၣ် လၢကစၢၢ်ကံးလဘိအလိၤလီၤ. ပှၤအံၣ်စရ့လးဖိအါဂၤဘၣ်တၢ်မၤသံကွံာ်အီၤဖဲန့ၣ်ဒီးပှၤ အိၣ်တဲာ်လၢအကျါဃုာ်ဒီးစီၤစီလူးဒီးအဖိခွါတဖၣ်ထွးထီၣ် ဃ့ၢ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:3

တၢ်ဒုးတၢ်ယၤဆူၣ်ဝဲဒၣ်ဝးတရံးစီၤစီလူးဒီးအနီၢ်ကစၢ်ဒၣ်ဝဲ ဘၣ်ဒိလၢဒုၣ်ဒါအပျၢ်တဖၣ်ဆါဆါကလဲာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.