လံာ်စီၤၡမူၤအ့လးခံဘ့ၣ်တဘ့ၣ် 20:9 - Sgaw Karen Common Bible

⁹ စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:5

ဖဲပှၤတဂၤကသုးဘူးအသးဆူစီၤအးဘၡါလိၣ်အအိၣ်လၢကတီၤလီၤလၢ အမဲာ်ညါန့ၣ်, စီၤအးဘၡါလိၣ်ကယူာ်ဃီၤအစုဒီးဝံၣ်ဆၢထၢၣ်အီၤဒီးနၢမူအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:25

(စီၤအးဘၡါလိၣ်ပာ်ထီၣ်စီၤဧမါစၤ ဒ်သုးခိၣ်ကျၢၢ်လၢအသုးမုၢ်အဖီခိၣ်လၢစီၤယိၤအာ်အလီၢ်န့ၣ်လီၤ. စီၤဧမါစၤမ့ၢ်ပှၤယံးၡမၤအ့လးဖိစီၤယ့သ့ၢ်အဖိခွါလီၤ. အမိၢ်မ့ၢ်ဝဲနီၢ်အဘံၤကါယံးလး, စီၤနၤဃၣ်အဖိမုၣ်ဒီးစီၤယိၤအာ်အမိၢ် နီၢ်စရူၤယၤအဒီပုၢ်ဝဲၢ်မုၣ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 18:29

စီၤပၤသံကွၢ်ဝဲဒၣ်, “မ့ၢ်ပှၤသးစၢ်စီၤအးဘၡါလိၣ်အိၣ်မုာ်ဆိးပၢၤကစီဒါဧါ” စီၤအဃံမ့ၤဧးစံးဆၢဝဲဒၣ်, “တၢ်ဒိၣ်ဧၢ, ဖဲနသုးခိၣ်စီၤယိၤအာ်ဆှၢလီၤယၤန့ၣ်, ယထံၣ်တၢ်မၤအသးရူၢ်ရူၢ်တၢတၢဖးဒိၣ်တမံၤ, ဘၣ်ဆၣ်ဒီးတၢ်န့ၣ်မ့ၢ်မနုၤလဲၣ်န့ၣ်ယတဲတဘၣ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

လံာ်စီၤပၤအခီၣ်ထံးတဘ့ၣ် 2:32

ယွၤကစံၣ်ညီၣ်စီၤယိၤအာ်လၢတၢ်မၤသံတဖၣ်လၢအဝဲမၤတ့ၢ်ဝဲ, တအိၣ်ဘၣ်ဒီးယပၢ်စီၤဒၤဝံးအတၢ်သ့ၣ်ညါထွဲဘၣ်အဃိန့ၣ်လီၤ. စီၤယိၤအာ်မၤသံကွံာ်ပှၤခံဂၤလၢအတၢ်ကမၣ်တအိၣ်ဘၣ်ဒီးမ့ၢ် တ့ၢ်ပှၤလၢအဂ့ၤန့ၢ်အီၤ, အံၣ်စရ့းလးအသုးမုၢ်သုးခိၣ်ကျၢၢ်စီၤအဘံန့ၢ်ဒီးယူဒၤအသုး မုၢ်အသုးခိၣ်ကျၢၢ်စီၤဧမါစၤတဖၣ်န့ၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 26:23

တၢ်ကတိၤပာ်မၤအသးလၢအပာ်ခူသူၣ်နတၢ်ဆိကမိၣ်နီၢ်နီၢ်န့ၣ်, လီၤဂာ်ဒီးစ့အအ့ၣ်အိၣ်လၢသပၢၤဟီၣ်ခိၣ်လၢအလုၢ်အပှ့ၤတအိၣ်ဘၣ် တဖျၢၣ်အဖီခိၣ်အသိးန့ၣ်လီၤ.

တၢ်ကတိၤဒိ. 27:6

တံၤသကိးတဂၤမ့ၢ်မၤဘၣ်ဒိဘၣ်ထံးနၤဒၣ်လဲာ်, အတၢ်ပာ်အသးမ့ၢ်တၢ်တီတီလိၤလိၤလီၤ. ဘၣ်ဆၣ်, ဖဲဒုၣ်ဒါတဂၤပာ်ထီၣ်အစုလၢနဖံဘၣ်ခိၣ်ဒီး, ပလီၢ်နသးတက့ၢ်.

လံာ်ယံးရမံယၤ 41:2

စီၤယံးၡမၤအ့လးဒီး ပှၤအဂၤတဆံ ထုးထီၣ်အနးတဖၣ် ဒီးမၤသံကွံာ်စီၤကဒါလယၤန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.