လံာ်စီၤၡမူၤအ့လးခံဘ့ၣ်တဘ့ၣ် 20:7 - Sgaw Karen Common Bible

⁷ လၢတၢ်န့ၣ်အဃိ, စီၤယိၤအာ်ဒီးအပှၤတဖၣ်, စီၤပၤအပှၤခိးအသးသမူတဖၣ်ဒီးကယဲၢ်ပှၤသုးဖိအဂၤခဲလၢာ်ဟး ထီၣ်ဝဲလၢဝ့ၢ်ယရူၤၡလ့ၣ်ဃုာ်ဒီးစီၤအဘံၡဲၤဒ်သိးကလူၤစီၤ ၡဘၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:18

ကယဲၢ်အပဒိၣ်ပပှၢ်ခဲလၢာ်ဆၢထၢၣ်ဖဲအဝဲအဃၢၤ, ဖဲပှၤခိးစီၤပၤအသးသမူတဖၣ်လဲၤခီဂာ်တၢ်လၢအဝဲအမဲာ်ညါအခါန့ၣ်လီၤ. ပှၤသုးဖိအဂၤဃုကယၤလၢအပိာ်တ့ၢ်အဝဲအခံ လၢဝ့ၢ်ကၤသးအပူၤန့ၣ်လဲၤခီဂာ်စ့ၢ်ကီးတၢ်,

လံာ်စီၤၡမူၤအ့လးခံဘ့ၣ်တဘ့ၣ် 20:23

စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:16

စီၤယိၤအာ်, လၢအမိၢ်အမံၤမ့ၢ်နီၢ်စရူယၤ, မ့ၢ်သုးမုၢ်အသုး ခိၣ်ကျၢၢ်န့ၣ်လီၤ. စီၤအဃံလူးအဖိခွါစီၤယဟိၡၤဖးမ့ၢ်ပှၤကွၢ်ထွဲတၢ်ကွဲးနီၣ် ကွဲးဃါတဖၣ်အခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:18

စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢပှၤပၢၤစီၤဒၤ ဝံးအသးသမူတဖၣ်အဂီၢ်န့ၣ်လီၤ. စီၤဒၤဝံးအဖိခွါတဖၣ်မၤန့ၢ်လီၢ်ဒိၣ်လၤထီလၢပဒိၣ်ပပှၢ်တဖၣ် အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤပၤအခီၣ်ထံးတဘ့ၣ် 1:38

လၢတၢ်န့ၣ်အဃိစီၤစၤဒိး, စီၤနၤသၣ်, စီၤဘနါယၤဒီးစီၤပၤ အခ့အပှၤတဖၣ်ဒုးဒိးထီၣ်စီၤၡလိၤမိၤလၢစီၤပၤဒၤဝံးအကသ့ၣ် လၤဒီးလဲၤယုၤဒီးကဟုကယာ်အီၤတုၤလီၤဆူကံဃိၣ်အထံမူ ထီၣ်ပၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:44

စီၤပၤမၢလီၤဝဲစီၤစၤဒိး, စီၤနၤသၣ်, စီၤဘနါယၤဒီးပှၤ တဖၣ်လၢအခိးစီၤပၤအသးသမူဒ်သိးကလဲၤယုၤအီၤဒီးကဟုကယာ်အီၤ အဂီၢ်န့ၣ်လီၤ. အဝဲသ့ၣ်ဒုးဒိးအီၤစီၤပၤအကသ့ၣ်လၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:14

ပလဲၤဂုာ်ဆူၣ်ပှၤကရံးသးဖိအလီၢ်ကဝီၤလၢကီၢ်ယူဒၤအကလံၤထံး ဒီးစီၤကၤလ့းအဒူၣ်ထၢတဖၣ်အလီၢ်ကဝီၤဒီးပဆူးကဲၤထီၣ်ကွံာ် ဝ့ၢ်စံကလးလီၤ.”