လံာ်စီၤၡမူၤအ့လးခံဘ့ၣ်တဘ့ၣ် 20:6 - Sgaw Karen Common Bible

⁶ လၢတၢ်န့ၣ်အဃိ, စီၤပၤစံးဘၣ်စီၤအဘံၡဲၤဒ်အံၤ, “စီၤၡဘၤကဟ့ၣ်ပှၤတၢ်ကီတၢ်ခဲအါန့ၢ်ဒံးစီၤအးဘၡါလိၣ် တက့ၢ်လီၤ. ဟံးန့ၢ်ယပှၤတဖၣ်ဒီးလဲၤလူၤအီၤတက့ၢ်. မ့တမ့ၢ်ဘၣ်ဒ်န့ၣ်ဒီး, အဝဲကမၤန့ၢ်ဝ့ၢ်လၢအအိၣ်ဒီးတိာ်ဧိၤတာ် ဧိၤတနီၤဒီးပူၤဖျဲးကွံာ်လၢပစုပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:14

ဖဲပှၤဧၣ်မိၣ်ဖိတဖၣ်ထံၣ်လၢပှၤစူၤရံဖိတဖၣ်ထွးထီၣ်ဃ့ၢ်ကွံာ်ဝဲဒီး, အဝဲသ့ၣ်ထွးထီၣ်ဃ့ၢ်ကွံာ်လၢစီၤအဘံၡဲၤအမဲာ်ညါဒီးဂုၤကဒါ က့ၤဆူအလီၢ်ခံဆူဝ့ၢ်ပူၤန့ၣ်လီၤ. တုၤနုၤတစု, စီၤယိၤအာ်ဃၣ်ကဒါက့ၤအသးလၢတၢ်ဒုးပှၤဧၣ်မိၣ်ဖိတဖၣ် ဒီးက့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:11

စီၤအူၤရံယၤစံးဆၢဝဲဒၣ်, “ကီၢ်အံၣ်စရ့လးဒီးကီၢ်ယူဒၤအသုးဖိတဖၣ်အိၣ်ယံၤဝဲလၢတၢ်ဒုးပျီအပူၤ, ဒီးယွၤအတၢ်အၢၣ်လီၤအီလီၤအတလါစီဆှံအိၣ်ဒီးအဝဲသ့ၣ်လီၤ. ယသုးခိၣ်ကျၢၢ်စီၤယိၤအာ်ဒီးအသုးခိၣ်သုးနၢ်တဖၣ်သူၣ်အဒဲလၢ တၢ်ပျီပူၤန့ၣ်လီၤ. ယကက့ၤဆူဟံၣ်ဒီးအီၣ်တၢ်အီတၢ်ဒီးမံဃုာ်ဒီးယမါကသ့ဒ်လဲၣ်. ယဆိၣ်လီၤယသးလၢတၢ်စီတၢ်ဆှံအပူၤလၢယမၤတၢ်ဒ်န့ၣ်တမံၤတသ့နီတစဲးဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 18:12

ဘၣ်ဆၣ်ဒီးပှၤတဂၤန့ၣ်စံးဆၢအီၤ, “နမ့ၢ်ဟ့ၣ်ယၤစ့အဘ့ၣ်တကထိဒၣ်လဲာ်န့ၣ်ယတယူာ်ထီၣ်ဘၣ်ယစုထီ ဒါစီၤပၤအဖိခွါဘၣ်. ပဝဲကိးဂၤဒဲးပနၢ်ဟူဘၣ်စီၤပၤဟ့ၣ်လီၤအကလုၢ်ဆူနၤဒီးစီၤ အဘံၡဲၤဒီးစီၤအံတဲၤစံးဝဲလၢ, လၢတၢ်ကွၢ်မဲာ်ယၤအဃိန့ၣ် မၤဆါပှၤသးစၢ်စီၤအးဘၡါလိၣ်တဂ့ၤ, န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:2

အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:7

ခဲကနံၣ်အံၤလဲၤဒီးမၤခူတလ့ၢ်ထီၣ်ကဒါက့ၤနပှၤတဖၣ်အသးတက့ၢ်. ယဆိၣ်တၢ်လၢယွၤအမံၤအပူၤလၢနမ့ၢ်တမၤဒ်န့ၣ်ဘၣ်ဒီး, ခဲမုၢ်ဆ့ၣ်ဂီၤခီန့ၣ်တမ့ၢ်ပှၤကအိၣ်ဒီးနၤနီတဂၤလၢၤဘၣ်. တၢ်န့ၣ်ကမ့ၢ်တၢ်တတၢးတနါအနးကတၢၢ်လၢနတူၢ်ဘၣ်အီၤလၢနသးသမူ တစိၤအံၤအပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 2:18

နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:30

မၤသးဒ်န့ၣ်ဒီးစီၤယိၤအာ်ဒီးအဒီပုၢ်ဝဲၢ်စီၤအဘံၡဲၤဟ့ၣ်ကၣ် စီၤအဘံန့ၢ်လၢအမၤသံအဒီပုၢ်ဝဲၢ်ခွါစီၤဧစၤအ့လးလၢတၢ်ဒုးဖဲဝ့ၢ်ကံးဘိၣ် အပူၤအဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်ကွဲးနီၣ်တၢ်အခီၣ်ထံးတဘ့ၣ် 11:20

စီၤယိၤအာ်အဒီပုၢ်ဝဲခွါစီၤအဘံၡဲၤမ့ၢ်ပှၤအခိၣ်လၢပှၤမံၤ ဟူသၣ်ဖျါသၢဆံအကျါန့ၣ်လီၤ. အဝဲဒုးတၢ်ဒီးအဘီထီဒါပှၤသၢကယၤဂၤဒီးမၤသံကွံာ်ဝဲ, ဒီးကဲထီၣ်ပှၤမံၤဟူသၣ်ဖျါလၢပှၤသၢဆံအကျါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:12

နီၢ်စရူယၤအဖိခွါစီၤအဘံၡဲၤမၤနၢၤကွံာ်ပှၤအဒိၣ်ဖိတဖၣ် ဖဲကစၢၢ်ကဆူးအံသၣ်ဒီးမၤသံကွံာ်ပှၤ ၁၈၀၀၀ ဂၤန့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်မၢ်ကူး 3:24

လၢဘီမုၢ်တဘ့ၣ်အပူၤတၢ်လီၤမုၢ်လီၤဖးမ့ၢ်အိၣ်ထီၣ်ဒီး, ဘီမုၢ်အဝဲန့ၣ်ကလီၤပှီၢ်ကွံာ်ဝဲဒၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”