လံာ်စီၤၡမူၤအ့လးခံဘ့ၣ်တဘ့ၣ် 20:23 - Sgaw Karen Common Bible

²³ စီၤယိၤအာ်မ့ၢ်ကီၢ်အံၣ်စရ့လးအသုးမုၢ်အသုးခိၣ်ကျၢၢ်န့ၣ်လီၤ. စီၤယဟိယဒါအဖိခွါစီၤဘနါယၤမ့ၢ်ပှၤအခိၣ်လၢအကွၢ်ထွဲ ပှၤခိးစီၤဒၤဝံးအသးသမူတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:7

လၢတၢ်န့ၣ်အဃိ, စီၤယိၤအာ်ဒီးအပှၤတဖၣ်, စီၤပၤအပှၤခိးအသးသမူတဖၣ်ဒီးကယဲၢ်ပှၤသုးဖိအဂၤခဲလၢာ်ဟး ထီၣ်ဝဲလၢဝ့ၢ်ယရူၤၡလ့ၣ်ဃုာ်ဒီးစီၤအဘံၡဲၤဒ်သိးကလူၤစီၤ ၡဘၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:20

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤမ့ၢ်ပှၤသုး ဖိအမံၤဟူသၣ်ဖျါအဂၤတဂၤန့ၣ်လီၤ. အဝဲမၤတ့ၢ်တၢ်မၤအဒူအဃိအါမး, အိၣ်ဃုာ်ဒီးတၢ်မၤသံကွံာ်ပှၤမိၤအးဖိအသုးဖိအဂ့ၤကတၢၢ်ခံဂၤန့ၣ်လီၤ. တဘျီဖဲမူခိၣ်ဖီလီၤဝဲတနံၤန့ၣ်, အဝဲလဲၤလီၤဝဲဆူတၢ်ပူၤ တပူၤဒီးမၤသံကွံာ်ခ့ယုၢ်တဒုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:8

မ့မ့ၢ်ပှၤလုၢ်တၢ်အခိၣ်စီၤစၤဒိး, စီၤဘနါယၤလၢအမ့ၢ်စီၤ ယဟိၤယဒါအဖိခွါ, ဝံနၤသၣ်, စီၤၡံမံၤ, စီၤရ့ဧံၤဒီးစီၤဒၤဝံးအပှၤခိးအသးသမူသ့ၣ်တဖၣ်တအိၣ်လၢ စီၤအဒိနံၤယၤအအိၣ်တကပၤဘၣ်.

လံာ်စီၤပၤအခီၣ်ထံးတဘ့ၣ် 4:1

စီၤၡလိၤမိၤမ့ၢ်စီၤပၤလၢအံၣ်စရ့လးဒီကီၢ်ညါအဖီခိၣ်

လံာ်စီၤပၤခံဘ့ၣ်တဘ့ၣ် 11:4

ဘၣ်ဆၣ်လၢနွံနံၣ်တနံၣ်အပူၤန့ၣ်, ပှၤလုၢ်တၢ်အခိၣ်စီၤယဟိယဒါ, မၤလိာ်သုးခိၣ်သုးနၢ်တဖၣ်လၢအအိၣ်မူအိၣ်ဒါ, လၢတၢ်ခိးစီၤပၤအသးသမူဒီးတၢ်ပၢၤနူၢ်ဧိၤစီၤဧိၤအဂီၢ်, ဒီးတဲဘၣ်အဝဲသ့ၣ်ဒ်သိးကဟဲဆူယွၤအတၢ်လုၢ်ဟံၣ်, ဖဲအဝဲမၢအဝဲသ့ၣ်မၤတၢ်ဆိၣ်ဒီးအီၤ, လၢကအၢၣ်လီၤထွဲ တၢ်လၢအဝဲကူၣ်ကျဲၤမၤဝဲန့ၣ်လီၤ. အဝဲဒုးနဲၣ်အဝဲသ့ၣ်စီၤပၤအဃၤစယၤအဖိခွါ, စီၤယိၤအၣ်