လံာ်စီၤၡမူၤအ့လးခံဘ့ၣ်တဘ့ၣ် 20:21 - Sgaw Karen Common Bible

²¹ တၢ်န့ၣ်တမ့ၢ်ပတၢ်ကူၣ်ကျဲၤဘၣ်. ပှၤတဂၤလၢအမ့ၢ်စီၤဘံးတြံၤ အဖိခွါစီၤၡဘၤ, ပှၤလၢအဘၣ်ဃးဒီးကီၢ်အ့ဖရဲၣ်အကစၢၢ်ကလိန့ၣ်, စးထီၣ်ပူထီၣ်တၢ်ထီဒါစီၤပၤဒၤဝံးန့ၣ်လီၤ. ဟ့ၣ်လီၤကွံာ်ပှၤတဂၤအံၤဆူပအိၣ်ဒီးယကဟးထီၣ်ကွံာ်လၢဝ့ၢ်အံၤန့ၣ်လီၤ.” ပိာ်မုၣ်န့ၣ်စံးဘၣ်အီၤ, “ပကကွံာ်ခီလီၤအဝဲအခိၣ်လၢဝ့ၢ်ခိၣ်ဒူအံၤဆူနအိၣ်န့ၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:2

လၢတၢ်န့ၣ်အဃိ, ပှၤကီၢ်အံၣ်စရ့လးဖိတဖၣ်ဟးသဒၣ်ကွံာ် စီၤဒၤဝံးဒီးလဲၤဃုာ်တၢ်ဒီးစီၤၡဘၤန့ၣ်လီၤ. မ့မ့ၢ်ပှၤကီၢ်ယူဒၤဖိတဖၣ်အိၣ်တ့ၢ်ဝဲလၢတၢ်သူၣ်တီသးရၤ အပူၤဒီးပိာ်ထီၣ်စီၤဒၤဝံးအခံစးထီၣ်လၢထံကျိယၢ်ဒ့ၣ်တုၤ ဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:20

စီၤယိၤအာ်စံးဆၢဝဲဒၣ်, “ယတမၤဟးဂီၤမၤလီၤပှီၢ်သုဝ့ၢ်နီတစုနီတခီၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:26

ပှၤအဂၤတဂၤလၢအထီဒါကွံာ်စီၤပၤၡလိၤမိၤန့ၣ်, မ့ၢ်အဝဲအပဒိၣ်ပပှၢ်အကျါတဂၤ, လၢအမ့ၢ်စီၤနဘးအဖိခွါစီၤယၤ ရၤဘၣ်, ပှၤအ့ဖရဲၣ်ဖိတဂၤလၢအဘၣ်ဃးဒီးစရ့ဒၤန့ၣ်လီၤ. အဝဲအမိၢ်မ့ၢ်မုၣ်ကမဲတဂၤလၢအမံၤမ့ၢ်နီၢ်စရူၤဧၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:7

တုၤစီၤယ့ၤဟူအလံာ်ပရၢဘၣ်တၢ်ဒိးန့ၢ်အီၤန့ၣ်, ၡၤမရံအပှၤခိၣ်အပှၤနၢ်တဖၣ်မၤသံကွံာ်စီၤအၤဃာ်အစၢၤအသွဲၣ် နွံဆံဂၤလၢာ်, ဒီးဒၢနုာ်ဝဲအခိၣ်တဖၣ်ဆူနာ်တဖၣ်အပူၤ, ဒီးဆှၢလီၤအီၤဆူစီၤယ့ၤဟူအအိၣ်ဖဲဝ့ၢ်ယံးစရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:22

စီၤက့ၤဃစံစံးဆၢဝဲ, “တမ့ၢ်နီတမံၤဘၣ်.” ဘၣ်ဆၣ်ယကစၢ်မၢလီၤယၤလၢယကတဲဘၣ်နၤလၢခဲအံၤဒၣ်လဲာ်, ပှၤခံဂၤလၢဝံတဖၣ်အကရူၢ်ပူၤလၢကစၢၢ်အ့ဖရဲၣ်တခီဟဲတုၤဝဲ, ဒီးအဝဲအဲၣ်ဒိးဝဲလၢနကဟ့ၣ်အဝဲသ့ၣ်စ့အဘ့ၣ်သၢကထိဒီးတၢ်ကူ တၢ်သိးအဂ့ၤလၢကကလံၤအသးခံဘျီအဂီၢ်န့ၣ်လီၤ.”

လံာ်ယံးရမံယၤ 4:15

ပှၤစိာ်တၢ်ကစီၣ်တဖၣ်လၢအဟဲလၢဝ့ၢ်ဒၣ်ဒီးလၢအ့ဖရဲၣ်အကစၢၢ် ကလိတဖၣ်န့ၣ်ဘိးဘၣ်သ့ၣ်ညါတၢ်ကစီၣ်အအၢတဖၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်စီၤယိၤၡူ 24:33

စီၤအၤဟရိၣ်အဖိခွါစီၤအလၤဧစၢ်သံဝဲဒီးဘၣ်တၢ်ခူၣ်လီၤအီၤဖဲ ဝ့ၢ်ကံဘဧၤလၢအအိၣ်လၢအ့ဖရဲၣ်အကစၢၢ်အလိၤလၢအဘၣ် တၢ်ဟ့ၣ်လီၤတ့ၢ်ဝဲလၢအဖိခွါစီၤဖံၤနဃၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:9

အဝဲဘၣ်တၢ်ခူၣ်လီၤအီၤလၢအဟီၣ်ခိၣ်ကဝီၤဒၣ်ဝဲအပူၤဖဲ ဝ့ၢ်တံမနးဃ့ရ့းလၢအ့ဖရဲၣ်အကစၢၢ်ကလိ, အိၣ်လၢကစၢၢ်ကၤဧၣ်အကလံၤစိး တခီန့ၣ်လီၤ.

လံာ်ပှၤစံၣ်ညီၣ်ကွီၢ် 7:24

ဒီးစီၤကံးဒဧိၣ်ဆှၢလီၤပှၤစိာ်တၢ်ကစီၣ်တဖၣ်သကုၤအ့ဖရဲၣ်အတၢ် လူၢ်ဒီခိၣ်လၢအကစံး, “ဟဲလီၤဒီးဒုးပှၤမံးဒယၣ်ဖိတဖၣ်တက့ၢ်. ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ်တုၤဃီၤဆူဝ့ၢ်ဘ့ၤသဘါရၤ လၢတၢ်တြီဃာ်ပှၤမံးဒယၣ်ဖိဒ်သိးအသုတဟဲခီဂာ်အီၤ တဂ့ၤန့ၣ်တက့ၢ်.” အ့ဖရဲၣ်အပှၤပိာ်ခွါတဖၣ်ဘၣ်တၢ်ကိးဖှိၣ်အီၤ တပူၤဃီဒီးအဝဲသ့ၣ်ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ် ပၢၢ်လၢဝ့ၢ်ဘ့ၤသဘါရၤန့ၣ်လီၤ.

လံာ်ပှၤစံၣ်ညီၣ်ကွီၢ် 9:55

ဖဲပှၤအံၣ်စရ့လးဖိတဖၣ်ထံၣ်လၢစီၤအဘံၤမ့လ့းသံဝဲန့ၣ်ဒီး အဝဲသ့ၣ်က့ၤဆူဟံၣ်ကိးဂၤဒဲးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:6

ဒီးအဝဲစံးဘၣ်အပှၤတဖၣ်, “မ်ယွၤပၢၤဃးယၤလၢတၢ်မၤဆါဘၣ် ယကစၢ်, လၢယွၤဃုထၢအီၤဒ်စီၤပၤတဂၤအသိးန့ၣ်တက့ၢ်. တစဲးဖိဒၣ်လဲာ်ယတဘၣ်မၤဆါဘၣ်အီၤဘၣ်. အဂ့ၢ်ဒ်အံၤ, အဝဲမ့ၢ်စီၤပၤလၢအဘၣ်တၢ်ဃုထၢအီၤလၢယွၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:9

ဘၣ်ဆၣ်ဒီးစီၤဒၤဝံးစံးဝဲ, “နတဘၣ်မၤဆါအီၤဘၣ်. ပှၤတဂၤလၢ်လၢ်လၢအမၤဆါယွၤအပှၤဃုထၢဖိစီၤပၤန့ၣ်ယွၤကစံၣ် ညီၣ်အီၤသပှၢ်ကတၢၢ်လီၤ.”