လံာ်စီၤၡမူၤအ့လးခံဘ့ၣ်တဘ့ၣ် 20:2 - Sgaw Karen Common Bible

² လၢတၢ်န့ၣ်အဃိ, ပှၤကီၢ်အံၣ်စရ့လးဖိတဖၣ်ဟးသဒၣ်ကွံာ် စီၤဒၤဝံးဒီးလဲၤဃုာ်တၢ်ဒီးစီၤၡဘၤန့ၣ်လီၤ. မ့မ့ၢ်ပှၤကီၢ်ယူဒၤဖိတဖၣ်အိၣ်တ့ၢ်ဝဲလၢတၢ်သူၣ်တီသးရၤ အပူၤဒီးပိာ်ထီၣ်စီၤဒၤဝံးအခံစးထီၣ်လၢထံကျိယၢ်ဒ့ၣ်တုၤ ဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:15

လၢအတၢ်က့ၤကဒါက့ၤလၢကျဲန့ၣ်စီၤပၤဘၣ်တၢ်ဟဲသဂၢၢ်အီၤဖဲထံကျိယၢ်ဒ့ၣ်, လၢပှၤကီၢ်ယူဒၤဖိတဖၣ်လၢအဟဲဝဲလၢဝ့ၢ်ကံးလကၤလး, ဒ်သိးကကွၢ်ထွဲဒီးဆှၢအီၤလၢတၢ်ခီထံကျိအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:21

တၢ်န့ၣ်တမ့ၢ်ပတၢ်ကူၣ်ကျဲၤဘၣ်. ပှၤတဂၤလၢအမ့ၢ်စီၤဘံးတြံၤ အဖိခွါစီၤၡဘၤ, ပှၤလၢအဘၣ်ဃးဒီးကီၢ်အ့ဖရဲၣ်အကစၢၢ်ကလိန့ၣ်, စးထီၣ်ပူထီၣ်တၢ်ထီဒါစီၤပၤဒၤဝံးန့ၣ်လီၤ. ဟ့ၣ်လီၤကွံာ်ပှၤတဂၤအံၤဆူပအိၣ်ဒီးယကဟးထီၣ်ကွံာ်လၢဝ့ၢ်အံၤန့ၣ်လီၤ.” ပိာ်မုၣ်န့ၣ်စံးဘၣ်အီၤ, “ပကကွံာ်ခီလီၤအဝဲအခိၣ်လၢဝ့ၢ်ခိၣ်ဒူအံၤဆူနအိၣ်န့ၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:3

ဖဲစီၤဒၤဝံးက့ၤတုၤဝဲဆူအနူၢ်အစီၤလၢဝ့ၢ်ယရူၤၡလ့ၣ်အပူၤန့ၣ်, အဝဲကိးဃီၤအသံၣ်မါအဂၤတဆံလၢအပာ်တ့ၢ်ဝဲလၢကကွၢ်ထွဲအနူၢ်အစီၤန့ၣ်, ဒီးပာ်အီၤလၢတၢ်ပၢၤဃာ်အပူၤန့ၣ်လီၤ. အဝဲဟ့ၣ်လီၤတၢ်လၢအဝဲ သ့ၣ်လိၣ်ဘၣ်ဝဲတဖၣ်, ဘၣ်ဆၣ်ဒီးတမံဃုာ်ဘၣ်ဒီးအဝဲသ့ၣ်ဘၣ်. လၢအဝဲသ့ၣ်အတၢ်အိၣ်မူအိၣ်လီၤတဲာ်အပူၤန့ၣ်, အဝဲသ့ၣ်ဘၣ်တၢ်ပာ်အီၤဒ်အအိၣ်လၢတၢ်စၢဃာ်အပူၤအသိးဒီးအိၣ် ဆိးဝဲဒ်မုၣ်ကမဲတဖၣ်အသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 10:17

လၢတၢ်န့ၣ်အဃိ, အံၣ်စရ့လးအပှၤဂီၢ်မုၢ်ပူထီၣ်တၢ်, ဒီးပာ်တီၢ်စီၤရဃၤဘၣ်ဒ်စီၤပၤထဲဒၣ်လၢပှၤဂီၢ်မုၢ်လၢအအိၣ် ဆိးတ့ၢ်လၢယူဒၤအလီၢ်ကဝီၤတဖၣ်အဂီၢ်ဧိၤန့ၣ်လီၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.