လံာ်စီၤၡမူၤအ့လးခံဘ့ၣ်တဘ့ၣ် 20:16 - Sgaw Karen Common Bible

¹⁶ ပှၤပိာ်မုၣ်လၢအကူၣ်တၢ်သ့တဂၤအိၣ်ဝဲလၢဝ့ၢ်ပူၤဒီးကိးထီၣ် လၢဝ့ၢ်ခိၣ်ဒူန့ၣ်, “ကနၣ်တက့ၢ်, ကနၣ်တက့ၢ်. တဲဘၣ်စီၤယိၤအာ်လၢကဟဲဆူအံၤတက့ၢ်. ယအဲၣ်ဒိးကတိၤတၢ်ဒီးအီၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:17

စီၤယိၤအာ်လဲၤဝဲဒီးပိာ်မုၣ်န့ၣ်သံကွၢ်အီၤ, “နမ့ၢ်စီၤယိၤအာ်ဧါ.” အဝဲစံးဆၢဝဲ, “မ့ၢ်ယၤလီၤ.” ပိာ်မုၣ်စံးဝဲဒၣ်, “တၢ်ဒိၣ်ဧၢ, ဒိကနၣ်ယၤတက့ၢ်.” အဝဲစံးဆၢဝဲ, “ယကနၣ်တၢ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:22

အန့ၣ်ဝံၤဒီး, ပိာ်မုၣ်န့ၣ်လဲၤဆူဝ့ၢ်အပှၤဂီၢ်မုၢ်အအိၣ်ဃုာ် ဒီးအဝဲအတၢ်ကူၣ်တၢ်ကျဲၤ, သတးဒီးအဝဲသ့ၣ်ကျီတဲာ်ကွံာ်စီၤၡဘၤအခိၣ်ဒီးကွံာ်ခီအီၤဆူ စီၤယိၤအာ်အအိၣ်လၢဝ့ၢ်ခိၣ်ဒူန့ၣ်လီၤ. စီၤယိၤအာ်အူထီၣ်ကွဲၤဒ်တၢ်ပနီၣ်တမံၤဒ်သိးအပှၤတဖၣ်ကဟးထီၣ် ကွံာ်လၢဝ့ၢ်န့ၣ်ဒီးအဝဲသ့ၣ်က့ၤကဒါက့ၤဆူဟံၣ်န့ၣ်လီၤ. ဒီးစီၤယိၤအာ်က့ၤကဒါက့ၤဆူဝ့ၢ်ယရူၤၡလ့ၣ်ဆူစီၤပၤအအိၣ်န့ၣ်လီၤ.

လံာ်ဒၤနံးယ့လး 2:14

တုၤနုၤတစုစီၤဒၤနံးယ့လးလဲၤဆူပှၤပၢၤစီၤပၤအသးသမူအသုး ခိၣ်စီၤအၤရယိးပှၤတဂၤလၢကဘၣ်မၤသံပှၤဟ့ၣ်ကူၣ်တၢ်တဖၣ်န့ၣ် အအိၣ်ဒီးကတိၤတၢ်လၢတၢ်ကူၣ်ဘၣ်ဖးသ့ဒီးတၢ်သးဆးအပူၤ,

လံာ်စီၤၡမူၤအ့လးအခီၣ်ထံးတဘ့ၣ် 25:3

ပှၤအိၣ်ဝဲတဂၤလၢစီၤကၤလ့းအဒူၣ်ထၢပူၤဒီးအမံၤမ့ၢ်စီၤနၤ ဘလး, ပှၤအိၣ်လၢဝ့ၢ်မၤဧိၣ်ဒီးမ့ၢ်ပှၤအိၣ်ဒီးဟီၣ်ခိၣ်ကဝီၤဘူးဒီး ဝ့ၢ်ကၤမ့လးလီၤ. အဝဲမ့ၢ်ပှၤထူးပှၤတီၤဖးဒိၣ်တဂၤလၢ အမ့ၢ်ပှၤအိၣ်ဒီးသိအဒုသၢကထိဒီးမဲာ်တဲးလဲးအဒုတကထိလီၤ. အမါနီၢ်အဘံၤကယံးလးမ့ၢ်ပှၤဒိၣ်တၢ်ဃံလၤဒီးအသူၣ်ဆးအသးဆး တဂၤလီၤ. မ့မ့ၢ်အဝဲဒၣ်မ့ၢ်ပှၤအသူၣ်အၢပှၤအသးသီ ဒီးပှၤကတိၤတၢ်ဆူၣ်ဆူၣ်ကိၤကိၤတဂၤလီၤ. စီၤနၤဘလးတံာ်အသိအဆူၣ်လၢဝ့ၢ်ကၤမ့လးအပူၤ,