လံာ်စီၤၡမူၤအ့လးခံဘ့ၣ်တဘ့ၣ် 20:13 - Sgaw Karen Common Bible

¹³ တုၤတၢ်အစိၣ်န့ၣ်ဘၣ်တၢ်သုးကွံာ်အီၤလၢကျဲဒီးပှၤကိးဂၤဒဲး ပိာ်ထွဲစီၤယိၤအာ်အခံလၢတၢ်လူၤစီၤၡဘၤအဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:13 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:11

ပှၤလၢစီၤယိၤအာ်အပှၤတဖၣ်အကျါတဂၤဆၢထၢၣ်ဝဲဖဲ စီၤဧမါစၤအစိၣ်အကပၤန့ၣ်ဒီးကိးထီၣ်ဝဲ, “ပှၤလၢအမ့ၢ်စီၤယိၤအာ်ဒီးစီၤဒၤဝံးအပှၤန့ၣ် မ်အပိာ်စီၤယိၤအာ်အခံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:14

စီၤၡဘၤလဲၤခီဂာ်ကယဲၢ်အံၣ်စရ့လးအဒူၣ်တဖၣ်ခဲလၢာ်အလီၢ်ကဝီၤ ဒီးဟဲတုၤလၢဝ့ၢ်အၤဘ့ၤလးလၢကီၢ်ဘ့ၤသမၤကၤ ဒီးကယဲၢ်ပှၤလၢစီၤဘံးကြံၤအဒူၣ်ထၢပူၤခဲလၢာ်ပာ်ဖှိၣ်ထီၣ်အသးဒီးလဲၤနုာ်ပိာ်ထွဲအခံဆူဝ့ၢ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်ယၡါယၤ 7:3

ယွၤစံးဘၣ်ဝံယၡါယၤ, “ဟံးန့ၢ်နဖိခွါစီၤၡယၤၡူာ်ဒီးလဲၤ သဂၢၢ်စီၤပၤအၤဃးတက့ၢ်. နကထံၣ်ဘၣ်အီၤဖဲ ပှၤမၤတၢ်ကံးယာ်တဖၣ်အမၤတၢ်ကျဲအလိၤ, ဖဲထံကျိၤလၢအဟဲစိာ် လီၤထံလၢနိၣ်လၢထးခီ, အကတၢၢ်န့ၣ်လီၤ.

လံာ်ယံးရမံယၤ 31:21

ပာ်ထီၣ်တၢ်ပနီၣ်တဖၣ်ဒီး မၤနီၣ်ကျဲမုၢ်န့ၣ်တက့ၢ်. ဃုက့ၤကဒီးကျဲလၢ သုဟးထီၣ်ကွံာ်န့ၣ်တက့ၢ်. ဟဲက့ၤကဒါက့ၤတက့ၢ်, ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ဟဲက့ၤဆူ ဟံၣ်ဆူဝ့ၢ်တဖၣ်လၢ သုဟးထီၣ်ဒီး ပာ်တီၢ်အီၤန့ၣ်တက့ၢ်.

လံာ်တၢ်ဂံၢ် 20:19

ကီၢ်အံၣ်စရ့လးအပှၤဂီၢ်မုၢ်စံးဝဲဒၣ်, “ပကအိၣ်ဒၣ်လၢကျဲမုၢ် ဖးဒိၣ်အလိၤ, ဒီးပဝဲမ့ၢ်ဂ့ၤ, ပဆၣ်ဖိကီၢ်ဖိတဖၣ်မ့ၢ်ဂ့ၤမ့ၢ်အီဘၣ်နထံတစဲးစဲးဒီးပကဟ့ၣ် က့ၤတၢ်အပှ့ၤလီၤ. တၢ်လၢပလိၣ်ဘၣ်အီၤန့ၣ်မ့ၢ်ဒၣ်ထဲတၢ်လဲၤခီဖျိတၢ်အဂီၢ်ဧိၤ န့ၣ်လီၤ.”

လံာ်မၢ်ကူး 10:46

ယ့ၣ်ၡူးဒီးအပျဲၢ်အဘီၣ်တဖၣ်ဟဲတုၤလၢဝ့ၢ်ယရံၤဃိ, ဒီးဖဲအဝဲသ့ၣ်ဟးထီၣ်လၢဝ့ၢ်န့ၣ်အပူၤအိၣ်ဃုာ်ဒီးပှၤဂီၢ် မုၢ်ဖးဒိၣ်အဖၢမုၢ်န့ၣ်, စီၤတံၤမဲအဖိခွါစီၤဘၣ်တံၤမဲလၢအမဲာ် တထံၣ်တၢ်တဂၤဆ့ၣ်နီၤဃ့အီၣ်တၢ်ဖဲကျဲကပၤထံးန့ၣ်လီၤ.

လံာ်ပှၤစံၣ်ညီၣ်ကွီၢ် 21:19

တုၤနုၤတစု, အဝဲသ့ၣ်ဆိကမိၣ်ထီၣ်ဝဲ, “ယွၤအဘူၣ်တနံၣ်တဘျီဖဲ ၡံလိၣ်ကဘၣ်ဘူးထီၣ်လံ.” (ၡံလိၣ်န့ၣ်အိၣ်လၢဘ့ၤသ့လးအကလံၤစိး, လဘိနၤအကလံၤထံးဒီးကျဲမုၢ်လၢဘ့ၤသ့လးဒီးၡက့ၣ်အဘၢၣ်စၢၤအမုၢ်ထီၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 6:12

ဂီၤဖံးမိၢ်တဖၣ်စးထီၣ်လဲၤတၢ်လၢကျဲမုၢ်ခိၣ်ဆူဝ့ၢ်ဘ့ၤသၡ့ မ့ၣ်ဒီးလဲၤလိၤလိၤဆူန့ၣ်လီၤ. ဒီးတလဲၤလီၤဆူကျဲကပၤဘၣ်. ဖဲအလဲၤတၢ်လၢကျဲမုၢ်ခိၣ်အလိၤန့ၣ်အဝဲသ့ၣ်ကိးတၢ်ဒီးလဲၤဝဲလီၤ. ပှၤဖလ့ၡသးဖိအစီၤပၤယဲၢ်ဂၤပိာ်ထွဲလ့ၣ်ကဟၣ်အခံ တုၤလၢဝ့ၢ်ဘ့ၤသၡ့မ့ၣ်အဆၢန့ၣ်လီၤ.