လံာ်စီၤၡမူၤအ့လးခံဘ့ၣ်တဘ့ၣ် 20:12 - Sgaw Karen Common Bible

¹² စီၤဧမါစၤအစိၣ်လၢအဘၣ်ကးဘၢအသးလၢတၢ်သွံၣ်န့ၣ်, အိၣ်မံလီၤလၢကျဲခၢၣ်သးန့ၣ်လီၤ. စီၤယိၤအာ်အပှၤတဂၤထံၣ်ဘၣ်လၢပှၤကိးဂၤဒဲး အိၣ်ကတီၢ်ဝဲဖဲအဟဲတုၤတၢ်လီၢ်န့ၣ်အဃိ, အဝဲတွံၢ်ကွံာ်တၢ်အစိၣ်လၢကျဲဆူတၢ်ပျီပူၤ ဒီးမၤဘၢအီၤလၢယၣ်လုးတဘ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:25

(စီၤအးဘၡါလိၣ်ပာ်ထီၣ်စီၤဧမါစၤ ဒ်သုးခိၣ်ကျၢၢ်လၢအသုးမုၢ်အဖီခိၣ်လၢစီၤယိၤအာ်အလီၢ်န့ၣ်လီၤ. စီၤဧမါစၤမ့ၢ်ပှၤယံးၡမၤအ့လးဖိစီၤယ့သ့ၢ်အဖိခွါလီၤ. အမိၢ်မ့ၢ်ဝဲနီၢ်အဘံၤကါယံးလး, စီၤနၤဃၣ်အဖိမုၣ်ဒီးစီၤယိၤအာ်အမိၢ် နီၢ်စရူၤယၤအဒီပုၢ်ဝဲၢ်မုၣ်န့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 2:23

ဘၣ်ဆၣ်ဒီးစီၤဧစၤအ့လးတဆိကတီၢ်လူၤအီၤဘၣ်. လၢတၢ်န့ၣ်အဃိ, စီၤအဘံန့ၢ်ဆဲးကဒါချၢအီၤလၢအဘီ ဒီးဆဲးဘၣ်အီၤဖဲအဟၢဖၢဒီးဖျိထီၣ်ဆူအချၢဃံန့ၣ်လီၤ. စီၤဧစၤအ့လးလီၤဃံၤဆူဟီၣ်ခိၣ်လိၤဒီးသံဝဲလီၤ. ဒီးပှၤကိးဂၤဒဲးလၢအဟဲဆူတၢ်လီၢ်ဖဲအဝဲလီၤဃံၤဝဲန့ၣ်, အိၣ်ကတီၢ်ဒီးဆၢထၢၣ်ဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:11

ပှၤလၢစီၤယိၤအာ်အပှၤတဖၣ်အကျါတဂၤဆၢထၢၣ်ဝဲဖဲ စီၤဧမါစၤအစိၣ်အကပၤန့ၣ်ဒီးကိးထီၣ်ဝဲ, “ပှၤလၢအမ့ၢ်စီၤယိၤအာ်ဒီးစီၤဒၤဝံးအပှၤန့ၣ် မ်အပိာ်စီၤယိၤအာ်အခံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:13

တုၤတၢ်အစိၣ်န့ၣ်ဘၣ်တၢ်သုးကွံာ်အီၤလၢကျဲဒီးပှၤကိးဂၤဒဲး ပိာ်ထွဲစီၤယိၤအာ်အခံလၢတၢ်လူၤစီၤၡဘၤအဂီၢ်န့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ