လံာ်စီၤၡမူၤအ့လးခံဘ့ၣ်တဘ့ၣ် 2:5 - Sgaw Karen Common Bible

⁵ အဝဲဆှၢလီၤပှၤတနီၤဃုာ်ဒီးတၢ်ကစီၣ်ဒ်အံၤ, “မ်ယွၤဆိၣ်ဂ့ၤသုလၢသုဒုးနဲၣ်သုတၢ်သူၣ်တီသးရၤဆူသု စီၤပၤခီဖျိသုခူၣ်လီၤဘျၢလီၤအီၤအဃိန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 2:5 Iomraidhean Croise

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်စီၤၡမူၤအ့လးခံဘ့ၣ်တဘ့ၣ် 15:20

နအိၣ်တ့ၢ်ဖဲအံၤထဲတစိၢ်တလီၢ်ဒံးလီၤ. လၢတၢ်န့ၣ်အဃိဘၣ်မ နုၤယကဘၣ်ဒုးကဲထီၣ်နၤလၢပှၤဟးဝ့ၤဝီၤဃုာ်ဒီးယၤန့ၣ်လဲၣ်. ယကလဲၤဆူလဲၣ်န့ၣ်ယတသ့ၣ်ညါဒၣ်လဲာ်ယဲဘၣ်. က့ၤကဒါက့ၤဒီးက့ၤကိးဃုာ်နထံဖိကီၢ်ဖိကဒဲကဒဲတဖၣ်ဒီးနၤတက့ၢ်. ဒီးမ်ယွၤသးကညီၤသုဒီးတီဒီးသုတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 21:12

အဝဲလဲၤဒီးဟံးန့ၢ်စီၤစီလူးဒီးအဖိခွါစီၤယိနၤသၣ်အဃံတဖၣ် လၢဝ့ၢ်ယၤဘ့ၣ်အပူၤလၢကီၢ်ကံးလဧးအပှၤဂီၢ်မုၢ်အအိၣ်န့ၣ်လီၤ. (အဝဲသ့ၣ်ဟုၣ်န့ၢ်တ့ၢ်တၢ်တဖၣ်န့ၣ်လၢဝ့ၢ်ဘ့ၤသၡၣ်အတၢ်လီၢ်လီၤပျီ, ဖဲပှၤဖလ့ၡသးဖိတဖၣ်ဘျးထီၣ်တ့ၢ်တၢ်အစိၣ်တဖၣ်န့ၣ် ဖဲမုၢ်တနံၤလၢအဝဲသ့ၣ်မၤသံကွံာ် စီၤစီလူးလၢကစၢၢ်ကံးလဘိးအလိၤအခါန့ၣ်လီၤ.)

စံးထီၣ်ပတြၢၤ 115:15

မ်သုဘၣ်ဆိၣ်ဂ့ၤလၢယွၤ, လၢအတ့လီၤမူခိၣ်ဒီးဟီၣ်ခိၣ်န့ၣ်တက့ၢ်.

လံာ်စီၤယိၤၡူ 2:14

ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”

လံာ်ပှၤစံၣ်ညီၣ်ကွီၢ် 21:8

ဖဲအဝဲသ့ၣ်သံကွၢ်ဝဲလၢမ့ၢ်ပှၤတဖုဖုလၢအံၣ်စရ့လးအဒူၣ် အကျါအိၣ်ဝဲလၢအတလဲၤဘၣ်ဆူတၢ်ပာ်ဖှိၣ်အလီၢ်ဖဲမံးစပၤဧါန့ၣ် အဝဲသ့ၣ်ထံၣ်ဝဲလၢပှၤအိၣ်လၢယၤဘ့ၣ်ဘၣ်ဃးဒီးကံးလဧးအပူၤ န့ၣ်လဲၤတတုၤဖဲန့ၣ်နီတဂၤဘၣ်.

လံာ်နီၢ်ရူၤသး 1:8

ဘၣ်ဆၣ်ဖဲအလဲၤတၢ်အဖၢမုၢ်, နီၢ်နၤဧမံစံးဘၣ်အဒဲၣ်ခံဂၤ, “က့ၤကဒါက့ၤသုဝဲတဂၤဆူသုမိၢ်ဒၣ်ဝဲအဟံၣ်တက့ၢ်. မ်ယွၤမၤတၢ်ဂ့ၤလၢသုဖီခိၣ်, ဒ်သုမၤဂ့ၤတ့ၢ်, ပှၤလၢအသံတဖၣ်ဒီးယၤအသိးန့ၣ်တက့ၢ်.

လံာ်နီၢ်ရူၤသး 2:20

ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 3:10

ဒီးအဝဲစံးဝဲ, “မ်ယွၤဆိၣ်ဂ့ၤနၤတက့ၢ်. နပာ်ဖျါထီၣ်ဟံၣ်ဖိ ဃီဖိအတၢ်သးတီလၢနမၤတၢ်အံၤအဂီၢ်န့ၣ်, ဒိၣ်န့ၢ်တၢ်လၢနမၤတ့ၢ်ဘၣ်နမံၤပှၢ်ပိာ်မုၣ် အဂီၢ်တက့ၢ်ဒၣ်လဲာ်လီၤ. နတဃုန့ၢ်ပိာ်ခွါသးစၢ်လၢအထူးအတီၤမ့ၢ်ဂ့ၤ, အဖှီၣ်မ့ၢ်ဂ့ၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 11:1

လၢခံပူၤကွံာ်တလါဃၣ်ဃၣ်န့ၣ်, ကီၢ်ဧၣ်မိၣ်အစီၤပၤစီၤနၤဃၣ် ဆှၢထီၣ်အသုးမုၢ်ထီဒါဝ့ၢ်ယၤဘ့ၣ်အိၣ်လၢကီၢ်ကံးလဧးအလီၢ် ကဝီၤအပူၤန့ၣ်ဒီးကဝီၤဃးအီၤန့ၣ်လီၤ. ပှၤပိာ်ခွါတဖၣ်လၢအအိၣ်လၢဝ့ၢ်ယၤဘ့ၣ်အပူၤစံးဘၣ်စီၤနၤဃၣ်, “မၤတၢ်အၢၣ်လီၤအီလီၤတမံၤဒီးပှၤတက့ၢ်. ဒီးပကတူၢ်လိာ်နၤဒ်ပှၤတဂၤလၢအပၢဘၣ်ပှၤအသိးန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 11:9

အဝဲသ့ၣ်စံးဘၣ်ပှၤစိာ်တၢ်ကစီၣ်တဖၣ်လၢဝ့ၢ်ယၤဘ့ၣ်န့ၣ်, “တဲဘၣ်သုပှၤဂီၢ်မုၢ်လၢတချုးခဲမုၢ်ဆ့ၣ်မုၢ်ထူၣ်န့ၣ်, အဝဲသ့ၣ်ကဘၣ်တၢ်အုၣ်က့ၤခီၣ်က့ၤအီၤန့ၣ်တက့ၢ်. ဖဲပှၤဂီၢ်မုၢ်လၢဝ့ၢ်ယၤဘ့ၣ်ဒိးန့ၢ်တၢ်ကစီၣ်အံၤန့ၣ်အဝဲသ့ၣ် ပှဲၤလုၣ်ကွံာ်ဒီးတၢ်သူၣ်ခုသးခုဒီး,

လံာ်စီၤၡမူၤအ့လးအခီၣ်ထံးတဘ့ၣ် 15:13

စီၤၡမူၤအ့လးလဲၤဆူစီၤစီလူးအအိၣ်ဒီးစီၤစီလူးသဂၢၢ် အီၤဒီးစံးဝဲ, “စီၤၡမူၤအ့လးဧၢ, မ်ယွၤဆိၣ်ဂ့ၤနၤတက့ၢ်. ယစူၢ်တ့ၢ်ယွၤအတၢ်မၤလိာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:21

စီၤစီလူးစံးဆၢဝဲဒၣ်, “မ်ယွၤဆိၣ်ဂ့ၤသုလၢသုတၢ်သူၣ်အိၣ်သးအိၣ်ယၤအဃိတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 24:19

ပှၤတဂၤကဖီၣ်န့ၢ်အဒုၣ်အဒါဒီးပျဲအဟးထီၣ်ပူၤဖျဲးကွံာ်တအိၣ် ဒီးတၢ်မၤဘၣ်အီၤန့ၣ်ကသ့ဧါ. မ်ယွၤဆိၣ်ဂ့ၤနၤလၢတၢ်လၢနမၤဘၣ်ယၤတနံၤအံၤ, အဃိန့ၣ်တက့ၢ်.