လံာ်စီၤၡမူၤအ့လးခံဘ့ၣ်တဘ့ၣ် 2:4 - Sgaw Karen Common Bible

⁴ အန့ၣ်ဝံၤဒီးပှၤကီၢ်ယူဒၤဖိတဖၣ်ဟဲဆူဝ့ၢ်ဃ့ဘြိၣ်ဒီးဖှူ စီၤဒၤဝံးဒ်ကီၢ်ယူဒၤအစီၤပၤအသိးန့ၣ်လီၤ. ဖဲစီၤဒၤဝံးနၢ်ဟူတ့ၢ်လၢပှၤဂီၢ်မုၢ်လၢဝ့ၢ်ယၤဘ့ၣ်အိၣ်လၢ ကီၢ်ကံးလဧးအပူၤခူၣ်လီၤဘျၢလီၤစီၤစီလူးန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 2:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:11

တၢ်ကစီၣ်လၢပှၤအံၣ်စရ့လးဖိတဖၣ်စံးဝဲန့ၣ် ဟူထီၣ်ဝဲဆူစီၤဒၤဝံးအအိၣ်လီၤ. မၤသးဒ်န့ၣ်ဒီး, အဝဲဒၣ်မၢလီၤပှၤလုၢ်တၢ်အခိၣ်စီၤစၤဒိးဒီး စီၤအ့ဘယၤသၢ်လၢကသံကွၢ်ပှၤယူဒၤဖိ အခိၣ်အနၢ်တဖၣ်ဒ်အံၤ, “ဘၣ်မနုၤအဃိသုကဘၣ်မ့ၢ်ပှၤလၢခံကတၢၢ်, လၢကမၤစၢၤဆှၢကဒါက့ၤစီၤပၤဆူအနီပူၤန့ၣ်လဲၣ်.

လံာ်စီၤၡမူၤအ့လးခံဘ့ၣ်တဘ့ၣ် 19:42

ပှၤကီၢ်ယူဒၤဖိတဖၣ်စံးဆၢဝဲဒၣ်, “ပမၤတ့ၢ်တၢ်အံၤ, မ့ၢ်လၢစီၤပၤမ့ၢ်ပှၤတဂၤလၢပဘူးပတံၢ်အကျါအဃိန့ၣ်လီၤ. မၤသးဒ်န့ၣ်ဒီး, ဘၣ်မနုၤလၢတၢ်အံၤမၤသူၣ်ဒိၣ်သးဖျိးသုန့ၣ် လဲၣ်. အဝဲတဟ့ၣ်ဘၣ်တၢ်အပှ့ၤလၢပတၢ်အီၣ်အဂီၢ်မ့ၢ်ဂ့ၤ, တဟ့ၣ်တ့ၢ်ပှၤတၢ်နီတမံၤမ့ၢ်ဂ့ၤ, န့ၣ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 2:11

ဒီးအဝဲပၢတၢ်လၢဝ့ၢ်ဃ့ဘြိၣ်လၢကီၢ်ယူဒၤအပူၤနွံနံၣ်ဒီး ဃုလါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:7

မ်သုဂံၢ်ဆူၣ်ဘါဆူၣ်ဒီးသူၣ်ဒူသးဒူတက့ၢ်. သုစီၤပၤစီၤစီလူးသံဝဲလံ. ဒီးကီၢ်ယူဒၤအပှၤဂီၢ်မုၢ်ဖှူလံယၤဒ်အဝဲသ့ၣ်အစီၤပၤအသိး န့ၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 21:11

ဖဲစီၤဒၤဝံးနၢ်ဟူဘၣ်တၢ်လၢနီၢ်ရံးစဖၤမၤတ့ၢ်ဝဲအဂ့ၢ်န့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 21:12

အဝဲလဲၤဒီးဟံးန့ၢ်စီၤစီလူးဒီးအဖိခွါစီၤယိနၤသၣ်အဃံတဖၣ် လၢဝ့ၢ်ယၤဘ့ၣ်အပူၤလၢကီၢ်ကံးလဧးအပှၤဂီၢ်မုၢ်အအိၣ်န့ၣ်လီၤ. (အဝဲသ့ၣ်ဟုၣ်န့ၢ်တ့ၢ်တၢ်တဖၣ်န့ၣ်လၢဝ့ၢ်ဘ့ၤသၡၣ်အတၢ်လီၢ်လီၤပျီ, ဖဲပှၤဖလ့ၡသးဖိတဖၣ်ဘျးထီၣ်တ့ၢ်တၢ်အစိၣ်တဖၣ်န့ၣ် ဖဲမုၢ်တနံၤလၢအဝဲသ့ၣ်မၤသံကွံာ် စီၤစီလူးလၢကစၢၢ်ကံးလဘိးအလိၤအခါန့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 5:17

ပှၤဖလ့ၡသးဖိတဖၣ်ဘၣ်တၢ်တဲဘၣ်အီၤလၢစီၤဒၤဝံး ဘၣ်တၢ်ဒုးကဲထီၣ်အီၤလၢကီၢ်အံၣ်စရ့လးအစီၤပၤအဃိ, အဝဲသ့ၣ်အသုးမုၢ် ဟးထီၣ်ဒ်သိးကဟဲဃုဖီၣ်စီၤဒၤဝံးအဂီၢ်န့ၣ်လီၤ. ဖဲစီၤဒၤဝံးနၢ်ဟူဘၣ်တၢ်ဂ့ၢ်အံၤန့ၣ်, အဝဲလဲၤဆူတၢ်လီၢ်တပူၤဖဲတၢ်မၤခၢၣ်သနၢၣ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:3

လၢတၢ်န့ၣ်အဃိကယဲၢ်ပှၤခိၣ်ပှၤနၢ်လၢကီၢ်အံၣ်စရ့လးအပူၤဟဲဆူ စီၤပၤဒၤဝံးအအိၣ်ဖဲဝ့ၢ်ဃ့ဘြိၣ်န့ၣ်လီၤ. အဝဲမၤတၢ်ဒီသိၣ်ဒီမှံၤဒီးအဝဲသ့ၣ်လၢယွၤအမဲာ်ညါ, ဒီးအဝဲသ့ၣ်ဖှူစီၤဒၤဝံးဒ်သိးကကဲထီၣ်စီၤပၤလၢကီၢ်အံၣ်စရ့လးအဖီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:5

အဝဲမၤတၢ်လၢဝ့ၢ်ဃ့ဘြိၣ်အပူၤလၢကီၢ်ယူဒၤအဖီခိၣ်နွံနံၣ် တခီဒီးလၢဝ့ၢ်ယရူၤၡအပူၤလၢကီၢ်အံၣ်စရ့လးဒီးကီၢ်ယူဒၤခဲ လၢာ်အဖီခိၣ်, သၢဆံသၢနံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 10:11

တုၤယၤဘ့ၣ်အပှၤဂီၢ်မုၢ်လၢကီၢ်ကံးလဧးတဖၣ်နၢ်ဟူဝဲ တၢ်လၢပှၤဖလ့ၡသးဖိတဖၣ်မၤဘၣ်တ့ၢ်စီၤစီလူးန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 11:3

လၢတၢ်န့ၣ်အဃိ, အံၣ်စရ့လးအပှၤခိၣ်ပှၤနၢ်ခဲလၢာ်, ဟဲဆူစီၤပၤဒၤဝံးအအိၣ်ဖဲဃ့ဘြိၣ်န့ၣ်လီၤ. အဝဲမၤတၢ်အၢၣ်လီၤစီဆှံဒီးအဝဲသ့ၣ်, ဒီးအဝဲသ့ၣ်ဖှူအီၤလၢ စီၤပၤဒီးအဝဲကဲထီၣ်အံၣ်စရ့လးအစီၤပၤဒ်ယွၤအၢၣ်လီၤတ့ၢ် တၢ်, ခီဖျိစီၤၡမူၤအ့လးအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:23

ဖဲစီၤဒၤဝံးအိၣ်ဝဲဖဲဝ့ၢ်ဃ့ဘြိၣ်န့ၣ်, ပှၤသုးဖိလၢအသ့ အဘၣ်အါဂၤဟဲပာ်ဖှိၣ်အသးဒီးအဝဲအသုးမုၢ်လၢကမၤစၢၤတၢ်လၢအ ဝဲကကဲထီၣ်စီၤပၤလၢစီၤပၤစီၤစီလူးအလီၢ်အဂီၢ်ဒ်ယွၤအၢၣ်လီၤ တ့ၢ်ဝဲအသိးန့ၣ်လီၤ. အဝဲသ့ၣ်အတၢ်ဂံၢ်တဖၣ်မ့ၢ်ဒ်လၢလာ်အံၤအသိးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:13

စီၤၡမူၤအ့လးဟံးန့ၢ်သ့ၣ်စၤယံးအသိဒီးဖှူစီၤဒၤဝံးလၢ အဒီပုၢ်ဝဲၢ်ခွါတဖၣ်အမဲာ်ညါလီၤ. သတူၢ်ကလာ်န့ၣ်ယွၤအသးမုၢ်စီဆှံပၢၤဃးစီၤဒၤဝံးဒီးအိၣ် ဒီးအီၤစးထီၣ်လၢမုၢ်တနံၤန့ၣ်လီၤ. အန့ၣ်ဝံၤဒီးစီၤၡမူၤအ့လးက့ၤကဒါက့ၤဆူဝ့ၢ်ရၤမါန့ၣ်လီၤ.