လံာ်စီၤၡမူၤအ့လးခံဘ့ၣ်တဘ့ၣ် 2:27 - Sgaw Karen Common Bible

²⁷ စီၤယိၤအာ်စံးဆၢဝဲ, “ယဆိၣ်တၢ်ခီဖျိကစၢ်ယွၤလၢအမူဝဲ တဂၤလၢနမ့ၢ်တကတိၤတၢ်ဘၣ်ဒီး, ယပှၤတဖၣ်ကလူၤထွဲဒၣ် နၤတုၤလၢခဲမုၢ်ဆ့ၣ်ဂီၤခီန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 2:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:14

စီၤအဘံန့ၢ်စံးဘၣ်စီၤယိၤအာ်, “မ်ပအိၣ်ဒီးပှၤသးစၢ်တနီၤလၢကွံအကၢၢ်နံၤတခီစုာ်စုာ်, ဒုးပြၢလိာ်အသးလၢတၢ်စုကဝဲၤတက့ၢ်.” စီၤယိၤအာ်စံးဝဲ, “ဂ့ၤလံ” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 2:28

အန့ၣ်ဝံၤဒီးစီၤယိၤအာ်အူထီၣ်ကွဲၤဒ်တၢ်ပနီၣ်တမံၤ အသိးလၢအပှၤတဖၣ်ကဆိကတီၢ် တၢ်လူၤထွဲပှၤအံၣ်စရ့လးဖိတဖၣ်အဂီၢ်န့ၣ်လီၤ. မၤသးဒ်န့ၣ်ဒီးတၢ်ဒုးတၢ်ယၤဆိကတီၢ်အသးလီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 20:18

မၤန့ၢ်တၢ်ဟ့ၣ်ကူၣ်အဂ့ၤဒီးနကမၤန့ၢ်မၤနၢၤတၢ်လီၤ. တၢ်တိာ်တၢ်ကျဲၤတမံၤတအိၣ်ဘၣ်ဒီးနုာ်လီၤသဖှိဆူတၢ်ဒုးတၢ်ယၤ အပူၤတဂ့ၤ.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.

လံာ်ယၡါယၤ 47:7

နဆိကမိၣ်တ့ၢ်လၢနကမ့ၢ်နီၢ်ပၤမုၣ်တဂၤထီဘိ, ဒီးတပာ်လ့ၣ်ပာ်ကါတၢ်သ့ၣ်တဖၣ်အံၤမ့ၢ်ဂ့ၤ, ဒီးတၢ်ခဲလၢာ်အံၤကလဲၤကတၢၢ်အသးဒ်လဲၣ်န့ၣ်မ့ၢ်ဂ့ၤ, နတဆိကမိၣ်ထီၣ်စ့ၢ်ကီးဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:26

ပှၤလၢအပၢၤဃာ်နၤလၢတၢ်ဟ့ၣ်ကၣ်က့ၤဒီးမၤသံကွံာ်နဒုၣ်နဒါ တဖၣ်န့ၣ်မ့ၢ်ယွၤလီၤ. ဒီးခဲအံၤယဆိၣ်တၢ်ဒီးနၤလၢယွၤလၢအမူဝဲတဂၤအမံၤအပူၤ, လၢနဒုၣ်နဒါတဖၣ်ဒီးကယဲၢ်ပှၤသးအိၣ်မၤအၢမၤသီနၤဒ်စီၤနၤ ဘလးအသိးန့ၣ်, မ်အဘၣ်တၢ်စံၣ်ညီၣ်တက့ၢ်.