လံာ်စီၤၡမူၤအ့လးခံဘ့ၣ်တဘ့ၣ် 2:26 - Sgaw Karen Common Bible

²⁶ စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 2:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:25

စီၤဒၤဝံးစံးဘၣ်ပှၤစိာ်တၢ်ကစီၣ်န့ၣ်, “ဟ့ၣ်ဆူၣ်ထီၣ်စီၤယိၤအာ်အဂံၢ်အဘါ ဒီးတဲဘၣ်အီၤလၢအသုတသးဘၣ်တံာ်တာ်တဂ့ၤ. အဂ့ၢ်ဒ်အံၤ, မတၤမတၤကသံလၢတၢ်ဒုးတၢ်ယၤအပူၤလဲၣ်န့ၣ်နတဲတသ့ဘၣ်. တဲဘၣ်အီၤလၢကမၤဆူၣ်အါထီၣ်တၢ်ဒုးတဘျီလၢဝ့ၢ်န့ၣ်အဖီခိၣ် ဒီးမၤန့ၢ်ကွံာ်အီၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 2:14

စီၤအဘံန့ၢ်စံးဘၣ်စီၤယိၤအာ်, “မ်ပအိၣ်ဒီးပှၤသးစၢ်တနီၤလၢကွံအကၢၢ်နံၤတခီစုာ်စုာ်, ဒုးပြၢလိာ်အသးလၢတၢ်စုကဝဲၤတက့ၢ်.” စီၤယိၤအာ်စံးဝဲ, “ဂ့ၤလံ” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:16

ပှၤတဂၤစုာ်စုာ်ဖီၣ်န့ၢ်အဒုၣ်အဒါလၢအခိၣ်ဒီးဆဲးနုာ်အနးဆူ အဒုၣ်အဒါအကပၤ, အဃိသတးဒီးပှၤခံဆံလွံၢ်ဂၤလိာ်လီၤဃံၤသံဝဲလီၤ. ဒီးလၢတၢ်န့ၣ်အဃိ, တၢ်လီၢ်အဝဲန့ၣ် လၢအအိၣ်လၢဝ့ၢ်ကံးဘိၣ်အပူၤန့ၣ်ဘၣ်တၢ်ကိးအီၤလၢ, “ဃ့လကးဟစူရံၣ်” လၢအခီပညီမ့ၢ်ဝဲနးတဖၣ်အပျီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:25

ပှၤတဖၣ်လၢဘံၣ်ယၤမံၣ်အဒူၣ်ပာ်ဖှိၣ်ကဒီးအသးဝးတရံးစီၤ အဘံန့ၢ်ဒီးဟံးန့ၢ်အခီၣ်တဃာ်ဖဲတၢ်လူၢ်တလူၢ်အဒီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:27

စီၤယိၤအာ်စံးဆၢဝဲ, “ယဆိၣ်တၢ်ခီဖျိကစၢ်ယွၤလၢအမူဝဲ တဂၤလၢနမ့ၢ်တကတိၤတၢ်ဘၣ်ဒီး, ယပှၤတဖၣ်ကလူၤထွဲဒၣ် နၤတုၤလၢခဲမုၢ်ဆ့ၣ်ဂီၤခီန့ၣ်လီၤ.”

စံးထီၣ်ပတြၢၤ 4:2

သုဝဲ, ပှၤဂီၢ်မုၢ်ကမၤတရီတပါယၤဆံးယံာ်လဲၣ်. သုကအဲၣ်တၢ်ကလီကလီ, ဒီးလူၤဃုတၢ်တတီတလိၤန့ၣ်ဆံးယံာ်လဲၣ်. စ့လၤ

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

လံာ်ယၡါယၤ 1:20

ဘၣ်ဆၣ်သုမ့ၢ်ခီၣ်ဆၢယၤဒီး, သုကဘၣ်တၢ်စံၣ်ညီၣ်ဃါမနၤ ဆူတၢ်သံလီၤ. ယၤ, ယွၤန့ၣ်, ကတိၤလံတၢ်လံ.”

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 4:21

ယကထံၣ်ဒံးတၢ်ဒုးဆူၣ်အံၤဒီးနၢ်ဟူဘၣ်ဒံးကွဲၤအသီၣ်န့ၣ်, ဆံးယံာ်လဲၣ်.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ဟိၤၡ့ 11:6

တၢ်ဒုးတၢ်ယၤကအိၣ်ထီၣ်သကုၤအဝ့ၢ်တဖၣ်ဒီးမၤလီၤပှီၢ်ကွံာ်ဝ့ၢ် အတြဲၤဖးဒိၣ်တဖၣ်န့ၣ်လီၤ. တၢ်န့ၣ်ကမၤဟးဂီၤယပှၤဂီၢ်မုၢ်, မ့ၢ်လၢအဝဲသ့ၣ်မၤတၢ်လၢအဆိကမိၣ်ဝဲအမ့ၢ်တၢ်အဂ့ၤကတၢၢ် အဃိန့ၣ်လီၤ.

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’