လံာ်စီၤၡမူၤအ့လးခံဘ့ၣ်တဘ့ၣ် 2:25 - Sgaw Karen Common Bible

²⁵ ပှၤတဖၣ်လၢဘံၣ်ယၤမံၣ်အဒူၣ်ပာ်ဖှိၣ်ကဒီးအသးဝးတရံးစီၤ အဘံန့ၢ်ဒီးဟံးန့ၢ်အခီၣ်တဃာ်ဖဲတၢ်လူၢ်တလူၢ်အဒီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:25 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:24

ဒီးစီၤယိၤအာ်ဒီးစီၤအဘံၡဲၤလူၤထွဲစီၤအဘံန့ၢ်ဒီးဖဲ မုၢ်လီၤနုာ်အကတီၢ်န့ၣ်အဝဲသ့ၣ်ဟဲတုၤဝဲဖဲတၢ်လူၢ်ခိၣ်အၤမၤ လၢအအိၣ်ဝဲဖဲဝ့ၢ်ကံၤဃးအမုၢ်ထီၣ်, ဝ့ၢ်လၢအအိၣ်ဖဲကျဲလဲၤဆူပှၢ်မုၢ်ကနၢကံးဘိၣ်အလိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”