လံာ်စီၤၡမူၤအ့လးခံဘ့ၣ်တဘ့ၣ် 2:22 - Sgaw Karen Common Bible

²² မၤကဒီးတစု, စီၤအဘံန့ၢ်စံးဘၣ်အီၤ “ဆိကတီၢ်နတၢ်လူၤယၤတက့ၢ်. ဘၣ်မနုၤနမၤဆူၣ်ယၤဒ်သိးယကမၤသံနၤနၣ်လဲၣ်. ယကွၢ်နဒီပုၢ်ဝဲၢ်စီၤယိၤအာ်အမဲာ်ကသ့ဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 2:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:21

စီၤအဘံန့ၢ်စံးဝဲဒၣ်, “ဆိကတီၢ်လူၤယၤတက့ၢ်. လူၤပှၤသုးဖိအဂၤတဂၤဒီးဟံးန့ၢ်တၢ်လၢအိၣ်ဒီးအီၤတက့ၢ်.” ဘၣ်ဆၣ်ဒီးစီၤဧစၤအ့လးလူၤထွဲဒၣ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:27

ဖဲစီၤအဘံန့ၢ်ဟဲတုၤလၢဝ့ၢ်ဃ့ဘြိၣ်န့ၣ်စီၤယိၤအာ်ကိးအီၤ ဆူကျဲစၢၤအကပၤမၤသးဒ်အအဲၣ်ဒိးကတိၤတၢ်ဒီးအီၤထဲခံဂၤဧိၤ န့ၣ်လီၤ. ဒီးဖဲန့ၣ်အဝဲဆဲးအီၤလၢအဟၢဖၢန့ၣ်လီၤ. အဂ့ၢ်ဒ်အံၤ, အဝဲမၤသံတ့ၢ်စီၤယိၤအာ်အဒီပုၢ်ဝဲၢ်ခွါစီၤဧစၤအ့လးအဃိလီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 6:10

တၢ်ခဲလၢာ်လၢအမၤအသးန့ၣ်တၢ်ကူၣ်ပာ်တ့ၢ်အီၤယံာ်လံ, ဒီးပဝဲခဲလၢာ်ပသ့ၣ်ညါလၢပှၤတဂၤဂၤဂ့ၢ်လိာ်ဘှီလိာ်တၢ်ဒီး ပှၤလၢအဆူၣ်န့ၣ်ဒံးအီၤတဂၤတသ့ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:17

စီၤစီလူးသံကွၢ်နီၢ်မံကၤလး, “ဘၣ်မနုၤနမၤကဘျံးကဘျၣ်ယၤ ဒ်အံၤဒီးပျဲယဒုၣ်ယဒါပူၤဖျဲးကွံာ်ဝဲဒၣ်န့ၣ်လဲၣ်.” ပိာ်မုၣ်စံးဆၢဝဲဒၣ်, “အဝဲစံးလၢယမ့ၢ်တမၤစၢၤအီၤဒ်သိးအကပူၤဖျဲးဘၣ်ဒီး ကမၤသံကွံာ်ယၤန့ၣ်လီၤ.”