လံာ်စီၤၡမူၤအ့လးခံဘ့ၣ်တဘ့ၣ် 2:18 - Sgaw Karen Common Bible

¹⁸ နီၢ်စရူၤယၤအဖိခွါသၢဂၤလၢအမံၤမ့ၢ်ဝဲစီၤယိၤအာ်, စီၤအဘံၡဲၤဒီးစီၤဧစၤအ့လးန့ၣ်အိၣ်ဝဲဖဲန့ၣ်လီၤ. စီၤဧမၤအ့လးလၢအဃ့ၢ်တၢ်ချ့ဝဲထဲသိးဒီးတၤဟိအမံၤတဒု,

လံာ်စီၤၡမူၤအ့လးခံဘ့ၣ်တဘ့ၣ် 2:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:1

စီၤယိၤအာ်သ့ၣ်ညါဘၣ်ဝဲလၢစီၤပၤဒၤဝံး သးသယုၢ်ဘၣ်စီၤအးဘၡါလိၣ်ဒိၣ်မးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:19

စးထီၣ်လူၤစီၤအဘံန့ၢ်ဒီးဃ့ၢ်လိၤလိၤဆူအဝဲအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:34

အဝဲမၤကျၢၤယခီၣ်ဒ်တၤယုၢ်တဒုအခီၣ်အသိး, အဝဲပၢၤဃးယၤပူၤပူၤဖျဲးဖျဲးလၢကစၢၢ်တဖၣ် အဒီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:24

ပှၤအဂၤတဖၣ်လၢပှၤအခိၣ်အဂၤသၢဆံအကျါန့ၣ်အိၣ်ဃုာ်ဒီး စီၤယိၤအာ်အဒီပုၢ်ဝဲၢ်စီၤဧစၤအ့လး, ပှၤဝ့ၢ်ဘ့ၤသလ့ဃ့ၣ်ဖိစီၤဒိဒိၤအဖိခွါစီၤအ့လယၤနၣ်,

လံာ်စီၤပၤအခီၣ်ထံးတဘ့ၣ် 2:5

တၢ်အိၣ်ဒံးအဂၤတမံၤန့ၣ်လီၤ. နသ့ၣ်နီၣ်ထီၣ်တၢ်လၢစီၤယိၤအာ် မၤဘၣ်တ့ၢ်ယၤခီဖျိမၤသံသုးခိၣ်ဖးဒိၣ်ခံဂၤလၢအံၣ်စရ့လး အသုးမုၢ်အပူၤလၢအမ့ၢ်ဝဲ, စီၤန့ၢ်အဖိခွါစီၤအဘံန့ၢ်, ဒီးစီၤယ့သ့ၢ်အဖိခွါစီၤဧမါစၤလီၤ. နသ့ၣ်နီၣ်ထီၣ်လၢအဝဲမၤသံတ့ၢ်အဝဲသ့ၣ်လၢတၢ်မုာ်တၢ်ခုၣ်အကတီၢ် ဒ်လဲၣ်, ဒ်တၢ်ဟ့ၣ်ကၣ်အသိးလၢတၢ်သံတဖၣ်လၢအဝဲသ့ၣ်မၤဘၣ်တ့ၢ်ဝဲဖဲတၢ် ဒုးတၢ်ယၤအကတီၢ်အဃိန့ၣ်လီၤ. အဝဲမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးယဟံးန့ၢ်မူဒါလၢတၢ်လၢအဝဲအမၤတ့ၢ်ဝဲအဂီၢ်အဃိ, ခဲကနံၣ်အံၤယတူၢ်ဘၣ်က့ၤယဲတၢ်မၤအသးတဖၣ်လၢအပိာ်ထွဲထီၣ်အခံ န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:26

အအံၤမ့ၢ်ပှၤသုးဖိစဲၣ်နီၤသ့ၣ်တဖၣ်န့ၣ်လီၤ. စီၤယိၤအာ်အဒီပုၢ်ဝဲၢ်ခွါစီၤဧစၤအ့လး, စီၤဒိဒိၤအဖိခွါစီၤအ့လဃၤနၤလၢဝ့ၢ်ဘ့ၤသလ့ဃ့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 12:8

အအံၤမ့ၢ်ပှၤသုးဖိလၢအမံၤဟူသၣ်ဖျါဒီးအိၣ်ဒီးအတၢ်လဲၤခီ ဖျိသ့ၣ်တဖၣ်လၢပှၤကးအဒူၣ်ဖိအကျါလၢအပာ်ဖှိၣ်အသးဒီးစီၤဒၤဝံး အသုးမုၢ်ဖဲအဝဲအိၣ်ဝဲဆိးဝဲလၢတိာ်လၢပှၢ်လၢ်ကျါန့ၣ်လီၤ. အဝဲသ့ၣ်မ့ၢ်ပှၤသ့ပှၤဘၣ်လၢကတီၤဒီးဘီသ့ၣ်တဖၣ်, ဒီးမ့ၢ်ပှၤတဖၣ်လၢအမဲာ်အိၣ်ဖျါလီၤပျံၤဒ်ခ့ယုၢ်တဖၣ်အသိးပှၤ လဲၤတၢ်ချ့ဒ်တၤဟိစဘံလၢကစၢၢ်လိၤအသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:9

အဝဲသ့ၣ်အလီၢ်အလၤအတီၤတဂၤဘၣ်တဂၤမ့ၢ်ဒ်လာ်အံၤလီၤ. စီၤဧ့စ့ၢ်, စီၤဧိၤဘါဒယၤ, စီၤအလံအာ်, စီၤမံးၡမနၤ, စီၤယံးရမံယၤ, စီၤဧၤတဲ, စီၤအလံၤအ့လး, စီၤယိဃၤနၣ်, စီၤအ့လစၤဘး, စီၤယံးရမံယၤ, ဒီးစီၤမၤကဘၤနဲသ့ၣ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 27:7

လွံၢ်လါတလါ. စီၤယိၤအာ်အဒီပုၢ်ဝဲၢ်ခွါစီၤဧစၤအ့လး. (အဖိခွါစီၤစဘၤဒယၤထီၣ်က့ၤအလီၢ်န့ၣ်လီၤ).

စံးထီၣ်ပတြၢၤ 18:33

အဝဲမၤကျၢၤယခီၣ်ဒ်တၤဟိအခီၣ်အသိး, ဒီးဒုးဆၢထၢၣ်ယၤလၢတၢ်လီၢ်ထီၣ်ထီန့ၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:17

တုၤလီၤလၢမုၢ်ဂီၤအကလံၤဖိအူထီၣ်, ဒီးတၢ်ခံးတၢ်နၤဟါမၢ်ကွံာ်ဝဲဒၣ်န့ၣ်လီၤ. ဟဲက့ၤ, ယတၢ်အဲၣ်သးဘိဧၢ, ဒ်တၤဟိစဘံတဒုဒီးဒ်တၤဃီၤဖါသးစၢ်တဒုလၢလၢၢ်မုၢ်လ့တီ ကစၢၢ်လိၤအသိးတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်ဃဘးကူာ် 3:19

ယွၤသ့တၢ်လၢာ်ဟ့ၣ်ယၤတၢ်ဂံၢ်တၢ်ဘါလီၤ. မၤကျၢၤယခီၣ်ဒ်တၤဟိအသိးဒီးပၢၤဃာ်ယၤပူၤ ဒုၣ်ပူၤဒါလၢကစၢၢ်ကလိအလိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”