လံာ်စီၤၡမူၤအ့လးခံဘ့ၣ်တဘ့ၣ် 2:16 - Sgaw Karen Common Bible

¹⁶ ပှၤတဂၤစုာ်စုာ်ဖီၣ်န့ၢ်အဒုၣ်အဒါလၢအခိၣ်ဒီးဆဲးနုာ်အနးဆူ အဒုၣ်အဒါအကပၤ, အဃိသတးဒီးပှၤခံဆံလွံၢ်ဂၤလိာ်လီၤဃံၤသံဝဲလီၤ. ဒီးလၢတၢ်န့ၣ်အဃိ, တၢ်လီၢ်အဝဲန့ၣ် လၢအအိၣ်လၢဝ့ၢ်ကံးဘိၣ်အပူၤန့ၣ်ဘၣ်တၢ်ကိးအီၤလၢ, “ဃ့လကးဟစူရံၣ်” လၢအခီပညီမ့ၢ်ဝဲနးတဖၣ်အပျီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:14

စီၤအဘံန့ၢ်စံးဘၣ်စီၤယိၤအာ်, “မ်ပအိၣ်ဒီးပှၤသးစၢ်တနီၤလၢကွံအကၢၢ်နံၤတခီစုာ်စုာ်, ဒုးပြၢလိာ်အသးလၢတၢ်စုကဝဲၤတက့ၢ်.” စီၤယိၤအာ်စံးဝဲ, “ဂ့ၤလံ” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:15

လၢတၢ်န့ၣ်အဃိပှၤတဆံခံဂၤကဲထီၣ်ခၢၣ်စးလၢစီၤအံၤၡဘိၡ့း ဒီးပှၤဘံၣ်ယၤမံၣ်ဖိအဒူၣ်အဂီၢ်ဒီးဒုးတၢ်ဒီးစီၤဒၤဝံးအပှၤတဆံ ခံဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:17

အန့ၣ်ဝံၤဒီး, တၢ်ဒုးဆူၣ်ဆူၣ်ကလဲာ်တဘျီကဲထီၣ်ဝဲဒၣ်, ဒီးစီၤအဘံန့ၢ်ဒီးပှၤအံၣ်စရ့လးဖိတဖၣ်ဘၣ်တၢ်မၤနၢၤကွံာ်အီၤလၢ စီၤဒၤဝံးအပှၤတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်စီၤပၤအခီၣ်ထံးတဘ့ၣ် 20:20

ဒီးပှၤတဂၤဘၣ်တဂၤစုာ်စုာ်မၤသံကွံာ်ပှၤလၢအဒုးဝဲန့ၣ်လီၤ. ပှၤစူၤရံဖိတဖၣ်ဃ့ၢ်ပူၤဖျဲးကွံာ်အသးအိၣ်ဒီးပှၤအံၣ်စရ့လး ဖိအတၢ်လူၤထွဲအခံဆူၣ်ဆူၣ်န့ၣ်လီၤ. မ့မ့ၢ်စီၤဘ့ၣ်ဟဒးဃ့ၢ်ပူၤဖျဲးကွံာ်လၢကသ့ၣ်အလိၤဃုာ်ဒီးပှၤ ဒိးကသ့ၣ်သုးဖိတနီၤန့ၣ်လီၤ.

မၤတၢ် 1:19

ပှၤအိၣ်လၢဝ့ၢ်ယရူၤၡလ့ၣ်ပူၤခဲလၢာ်နၢ်ဟူဘၣ်တၢ်မၤအသးအံၤ သတးဒီး, လၢအဝဲသ့ၣ်အကျိာ်ဒၣ်ဝဲ ကိးတၢ်လီၢ်တကဝီၤန့ၣ်လၢ, “အၤက့းလဒၤမါ”, အခီပညီမ့ၢ်ဝဲ, “တၢ်သွံၣ်အပျီန့ၣ်လီၤ.”)

လံာ်စီၤယိၤၡူ 19:25

ဒီးအကီၢ်န့ၣ်ပၣ်ဃုာ်ဒီးဃ့ကလး, ဃလံ, ဘ့တ့ၣ်, အကၡး,