လံာ်စီၤၡမူၤအ့လးခံဘ့ၣ်တဘ့ၣ် 2:14 - Sgaw Karen Common Bible

¹⁴ စီၤအဘံန့ၢ်စံးဘၣ်စီၤယိၤအာ်, “မ်ပအိၣ်ဒီးပှၤသးစၢ်တနီၤလၢကွံအကၢၢ်နံၤတခီစုာ်စုာ်, ဒုးပြၢလိာ်အသးလၢတၢ်စုကဝဲၤတက့ၢ်.” စီၤယိၤအာ်စံးဝဲ, “ဂ့ၤလံ” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:15

လၢတၢ်န့ၣ်အဃိပှၤတဆံခံဂၤကဲထီၣ်ခၢၣ်စးလၢစီၤအံၤၡဘိၡ့း ဒီးပှၤဘံၣ်ယၤမံၣ်ဖိအဒူၣ်အဂီၢ်ဒီးဒုးတၢ်ဒီးစီၤဒၤဝံးအပှၤတဆံ ခံဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:16

ပှၤတဂၤစုာ်စုာ်ဖီၣ်န့ၢ်အဒုၣ်အဒါလၢအခိၣ်ဒီးဆဲးနုာ်အနးဆူ အဒုၣ်အဒါအကပၤ, အဃိသတးဒီးပှၤခံဆံလွံၢ်ဂၤလိာ်လီၤဃံၤသံဝဲလီၤ. ဒီးလၢတၢ်န့ၣ်အဃိ, တၢ်လီၢ်အဝဲန့ၣ် လၢအအိၣ်လၢဝ့ၢ်ကံးဘိၣ်အပူၤန့ၣ်ဘၣ်တၢ်ကိးအီၤလၢ, “ဃ့လကးဟစူရံၣ်” လၢအခီပညီမ့ၢ်ဝဲနးတဖၣ်အပျီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 2:17

အန့ၣ်ဝံၤဒီး, တၢ်ဒုးဆူၣ်ဆူၣ်ကလဲာ်တဘျီကဲထီၣ်ဝဲဒၣ်, ဒီးစီၤအဘံန့ၢ်ဒီးပှၤအံၣ်စရ့လးဖိတဖၣ်ဘၣ်တၢ်မၤနၢၤကွံာ်အီၤလၢ စီၤဒၤဝံးအပှၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:8

အန့ၣ်ဝံၤဒီးစီၤအမၤစယါဆှၢလီၤပှၤစိာ်တၢ်ကစီၣ်တဖၣ်ဆူ ကီၢ်အံၣ်စရ့လးစီၤပၤယိၤအၣ်အအိၣ်ဒီးတၤအီၤလၢကဟဲထီၣ်ဒုး တၢ်အဂီၢ်န့ၣ်လီၤ.

တၢ်ကတိၤဒိ. 10:23

ပှၤဟးဂီၤဖိသးခုလၢအမၤတၢ်ဒဲးဘးအပူၤလီၤ. ပှၤလၢအအိၣ်ဒီးတၢ်ကူၣ်တၢ်ဆးန့ၣ်, မုာ်လၤဝဲလၢတၢ်ကူၣ်သ့အပူၤ လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 20:18

မၤန့ၢ်တၢ်ဟ့ၣ်ကူၣ်အဂ့ၤဒီးနကမၤန့ၢ်မၤနၢၤတၢ်လီၤ. တၢ်တိာ်တၢ်ကျဲၤတမံၤတအိၣ်ဘၣ်ဒီးနုာ်လီၤသဖှိဆူတၢ်ဒုးတၢ်ယၤ အပူၤတဂ့ၤ.

တၢ်ကတိၤဒိ. 25:8

လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.