လံာ်စီၤၡမူၤအ့လးခံဘ့ၣ်တဘ့ၣ် 19:8 - Sgaw Karen Common Bible

⁸ တုၤနုၤတစု, စီၤပၤဂဲၤဆၢထၢၣ်ဒီးလဲၤဆ့ၣ်နီၤဝဲဘူးဒီး ဝ့ၢ်အတြဲၤန့ၣ်လီၤ. အပှၤတဖၣ်နၢ်ဟူဘၣ်လၢအဝဲအိၣ်ဖဲန့ၣ်, သတးဒီးအဝဲသ့ၣ်ခဲလၢာ်လဲၤပာ်ဖှိၣ်ထီၣ်အသးဝးတရံးအီၤန့ၣ်လီၤ. အကတီၢ်ဖဲန့ၣ်, ကယဲၢ်ပှၤအံၣ်စရ့လးဖိခဲလၢာ် ဃ့ၢ်ကွံာ်ဝဲတဂၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:2

အဝဲညီနုၢ်ဂဲၤဆၢထၢၣ်ဂီၤဂီၤဒီးလဲၤဒီးဆၢထၢၣ်ဖဲကျဲမုၢ်ကပၤဖဲဝ့ၢ်အတြဲၤန့ၣ်လီၤ. တဘျီလၢ်လၢ်ဖဲပှၤတဂၤဂၤဟဲဝဲဖဲန့ၣ်အိၣ်ဒီးတၢ်ဂ့ၢ်တမံၤလၢ စီၤပၤကဘၣ်မၤဘၣ်လိာ်န့ၢ်အီၤန့ၣ်, စီၤအးဘၡါလိၣ်ကိးဃီၤအီၤဒီးသံကွၢ်အီၤလၢ, မ့ၢ်အဟဲလၢလဲၣ်လၢလဲၣ်န့ၣ်လီၤ. ဒီးဖဲပှၤတဂၤန့ၣ်စံးဘၣ်အီၤလၢ အဝဲမ့ၢ်ပှၤလၢဒူၣ်မတၤလဲၣ်ဝံၤအလီၢ်ခံန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 18:17

အဝဲသ့ၣ်ဟံးထီၣ်စီၤအးဘၡါလိၣ်အစိၣ်ဒီးကွံာ်လီၤဝဲဆူ တၢ်ပူၤယိာ်တခါအပူၤလၢပှၢ်ပူၤ, ဒီးကးဘၢအီၤလၢလၢၢ်ဖးဒိၣ် ပူၣ်ထီၣ်အသးတဖၣ်န့ၣ်လီၤ. ကယဲၢ်ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်ခဲလၢာ်, တဂၤက့ၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:24

စီၤဒၤဝံးဆ့ၣ်နီၤဝဲဖဲတၢ်လီၢ်လီၤပျီအိၣ်ဝဲဖဲဝ့ၢ်အတြဲၤ လၢတၢ်အိပူၤဒီးတြဲၤလၢတၢ်ချၢအဘၢၣ်စၢၤန့ၣ်လီၤ. ပှၤခိးကွၢ်တၢ်ဖိတဂၤလဲၤထီၣ်ဆူဝ့ၢ်ခိၣ်ဒူ, ဒီးဆၢထၢၣ်ဝဲဖဲတိာ်လၢကျဲစၢၤအဖီခိၣ်အခိၣ်ဒုးလိၤန့ၣ်လီၤ. အဝဲကွၢ်စိဃီၤဆူတၢ်ချၢဒီးထံၣ်ဘၣ်ဝဲပှၤတဂၤဃ့ၢ်ဝဲထဲတဂၤ ဧိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:4

စီၤပၤစံးဆၢဝဲဒၣ်, “တၢ်တမံၤလၢ်လၢ်လၢသုဆိကမိၣ်လၢမ့ၢ် တၢ်အဂ့ၤကတၢၢ်န့ၣ်ယကမၤအီၤလီၤ.” အန့ၣ်ဝံၤဒီး, အဝဲဆၢထၢၣ်ဖဲတြဲၤကပၤဖဲအဝဲအပှၤတဖၣ်ဟးထီၣ် ဝဲဒ်ပှၤတကထိမ့ၢ်ဂ့ၤ, ပှၤတကယၤမ့ၢ်ဂ့ၤအကရူၢ်အသိး, တဖုဘၣ်တဖုအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:3

အဝဲသ့ၣ်က့ၤကဒါက့ၤဆူဝ့ၢ်ပူၤကစုဒု, ဒ်ပှၤသုးဖိတဖၣ်လၢ အဘၣ်ထွးထီၣ်ဃ့ၢ်လၢတၢ်ဒုးတၢ်ယၤအပူၤဒီးအမဲာ်ဆှးအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:36

ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်စီၤပၤခံဘ့ၣ်တဘ့ၣ် 14:12

စီၤပၤအမၤစယါအသုးမုၢ်ဘၣ်တၢ်မၤနၢၤကွံာ်အီၤဒီးအပှၤသုးဖိ ခဲလၢာ်ထွးထီၣ်ဃ့ၢ်ပူၤဖျဲးအသးဆူအဟံၣ်ဒၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:21

လၢတၢ်န့ၣ်အဃိ, စီၤယဟိရၣ်ဟးထီၣ်ဝဲဒီးကယဲၢ်အလ့ၣ်ကဟၣ်ခဲ လၢာ်ဒီးလဲၤဆူစၤဧံရၤ, ဒီးဖဲန့ၣ်ပှၤအဒိၣ်အသုးမုၢ်ကဝီၤဃးအဝဲသ့ၣ်န့ၣ်လီၤ. လၢမုၢ်နၤအကတီၢ်န့ၣ်အဝဲဒီးအလ့ၣ်ကဟၣ်သုးခိၣ်တဖၣ်ဟးထီၣ်ဒီး ဃ့ၢ်ပူၤဖျဲးအသးန့ၢ်ဝဲ, ဒီးအပှၤသုးဖိတဖၣ်ဃ့ၢ်ပြံပြါကွံာ်ဆူအဝဲသ့ၣ်အဟံၣ်ဒၣ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10

ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.