လံာ်စီၤၡမူၤအ့လးခံဘ့ၣ်တဘ့ၣ် 19:43 - Sgaw Karen Common Bible

⁴³ ပှၤကီၢ်အံၣ်စရ့လးဖိတဖၣ်စံးဆၢဝဲဒၣ်, “အဝဲမ့မ့ၢ်ဒၣ်လဲာ် ပှၤတဂၤလၢသုဘူးသုတံၢ်အကျါဘၣ်ဆၣ်, ပတဲသ့လၢပတၢ်ဘၣ်ဃးဒီးစီၤပၤန့ၣ်အိၣ်ဝဲဆံဆဲၣ်ဘျီ, ဒီးအါန့ၢ်ဒံးသုလၢသုဘၣ်ဃးဒီးအီၤတက့ၢ်လီၤ. ဘၣ်မနုၤအဃိသုကွၢ်တလီၤပှၤန့ၣ်လဲၣ်. ပမ့ၢ်တ့ၢ်ပှၤအဆိကတၢၢ်လၢအကတိၤတၢ်ဘၣ်ဃး တၢ်ကိးကဒါက့ၤစီၤပၤအဂ့ၢ်လီၤန့ၣ်, သးပ့ၤနီၣ်အီၤတဂ့ၤ.” ဘၣ်ဆၣ်ဒီး, ပှၤလၢကီၢ်ယူဒၤတဖၣ်ကတိၤတၢ်ဆူၣ်ဆူၣ်လၢအတၢ်ဘၣ်ဃး ဒီးစီၤပၤအဂ့ၢ်န့ၣ်, အါန့ၢ်ဒိၣ်န့ၢ်ဒံးပှၤလၢကီၢ်အံၣ်စရ့လးတဖၣ်တက့ၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:43 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:14

စီၤဒၤဝံးအတၢ်ကတိၤတဖၣ်မၤန့ၢ်ကယဲၢ်ပှၤလၢကီၢ်ယူဒၤခဲလၢာ် အတၢ်သူၣ်တီသးရၤလၢာ်လၢာ်ဆ့ဆ့ဒီးအဝဲသ့ၣ်ဆှၢလီၤတၢ်ကစီၣ်လၢ, စီၤဒၤဝံးကဟဲက့ၤကဒါက့ၤဃုာ်ဒီးအပဒိၣ်ပပှၢ်ခဲလၢာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:6

လၢတၢ်န့ၣ်အဃိ, စီၤပၤစံးဘၣ်စီၤအဘံၡဲၤဒ်အံၤ, “စီၤၡဘၤကဟ့ၣ်ပှၤတၢ်ကီတၢ်ခဲအါန့ၢ်ဒံးစီၤအးဘၡါလိၣ် တက့ၢ်လီၤ. ဟံးန့ၢ်ယပှၤတဖၣ်ဒီးလဲၤလူၤအီၤတက့ၢ်. မ့တမ့ၢ်ဘၣ်ဒ်န့ၣ်ဒီး, အဝဲကမၤန့ၢ်ဝ့ၢ်လၢအအိၣ်ဒီးတိာ်ဧိၤတာ် ဧိၤတနီၤဒီးပူၤဖျဲးကွံာ်လၢပစုပူၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:1

တုၤနုၤတစု, ကယဲၢ်ကီၢ်အံၣ်စရ့လးအဒူၣ်တဖၣ်လဲၤဆူစီၤဒၤဝံး အအိၣ်လၢဝ့ၢ်ဃ့ဘြိၣ်ဒီးစံးဘၣ်အီၤ, “ပမ့ၢ်နသွံၣ်နထံ, နဖံးနညၣ်ဒၣ်နဲလီၤ.

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

တၢ်ကတိၤဒိ. 15:1

တၢ်စံးဆၢကပုာ်လုာ်တဘီန့ၣ်, မၤမုာ်မၤခုၣ်လီၤတၢ်သးဒိၣ်လီၤ. မ့မ့ၢ်တၢ်ကတိၤဆူၣ်ဆူၣ်ကိၤကိၤတဘီန့ၣ်ထိၣ်ဂဲၤထီၣ်တၢ်သးဒိၣ် လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 18:19

မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.

ရိမ့ၤ 12:21

တဘၣ်ပျဲတၢ်အၢတၢ်သီမၤနၢၤသုတဂ့ၤ. မ့မ့ၢ်တခီ, မၤနၢၤတၢ်အၢလၢတၢ်ဂ့ၤန့ၣ်တက့ၢ်.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

ကလၤတံ 5:20

တၢ်ဘါတၢ်ဂီၤတၢ်ဖီၣ်, တၢ်ဟိၣ်တၢ်ယီ, တၢ်ထီဒုၣ်ထီဒါ, တၢ်အ့ၣ်လိာ် ဆိးက့လိာ်, တၢ်သူၣ်က့ၣ်သးကါ, တၢ်သူၣ်ဒိၣ်သးထီၣ်, တၢ်သးဆူၣ်ဆၢမၤန့ၢ်တၢ်, တၢ်လီၤမုၢ်လီၤဖး, တၢ်စုတလီၤဃုာ်ဘၣ်,

ကလၤတံ 5:26

ပတဘၣ်ပာ်ထီၣ်ထီပသး, မ့တမ့ၢ်မၤအ့န့လိာ်ပသးတဂၤဒီး တဂၤ, မ့တမ့ၢ်သူၣ်က့ၣ်သးကါလိာ်ပသးတဂၤဒီးတဂၤန့ၣ်ဘၣ်.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

ယၤကိာ် 1:20

အဂ့ၢ်ဒ်အံၤ, ပှၤကညီအတၢ်သးဒိၣ်ထီၣ်န့ၣ်, တမၤန့ၢ်ကစၢ်ယွၤအတၢ်တိာ်ပာ်အတီအလိၤန့ၣ်ဘၣ်.

လံာ်ပှၤစံၣ်ညီၣ်ကွီၢ် 8:1

တုၤနုၤတစုအ့ဖရဲၣ်အပှၤပိာ်ခွါတဖၣ်စံးဘၣ်စီၤကံးဒဧိၣ်, “ဖဲသုလဲၤထီၣ်ဒ်သိးသုကဒုးပှၤမံးဒယၣ်ဖိတဖၣ်န့ၣ်ဘၣ်မနုၤလၢနတကိးပှၤန့ၣ်လဲၣ်. ဘၣ်မနုၤနမၤပှၤဒ်န့ၣ်လဲၣ်.” အဝဲသ့ၣ်ကဒူးကဒ့ၣ်တၢ်ဆူၣ်ဆူၣ်ကလဲာ်လၢတၢ်န့ၣ်အဂ့ၢ်လီၤ.