လံာ်စီၤၡမူၤအ့လးခံဘ့ၣ်တဘ့ၣ် 19:39 - Sgaw Karen Common Bible

³⁹ အန့ၣ်ဝံၤဒီး, စီၤဒၤဝံးဒီးကယဲၢ်အပှၤခဲလၢာ်ခီဂာ် ထံကျိယၢ်ဒ့ၣ်န့ၣ်လီၤ. အဝဲနၢမူစီၤဘၢ်စံးလဲဒီးဟ့ၣ်လီၤအီၤလၢအတၢ်ဆိၣ်ဂ့ၤဆိၣ်ဝါ ဒီးစီၤဘၢ်စံးလဲက့ၤကဒါက့ၤဆူအဟံၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:39 Iomraidhean Croise

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်တၢ်ကဲထီၣ်အခီၣ်ထံး 31:55

လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်စီၤလၤဘၣ်နၢမူဆိၣ်ဂ့ၤ အလံၤတဖၣ်ဒီးအဖိမုၣ်တဖၣ်ဝံၤက့ၤကဒါက့ၤဆူအဟံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

လံာ်တၢ်ကဲထီၣ်အခီၣ်ထံး 47:10

စီၤယၤကိာ်ဟ့ၣ်တၢ်လီၤဖးအတၢ်ဆိၣ်ဂ့ၤတထံၣ်ဆူစီၤပၤဝံၤဒီး ဟးထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 47:7

အန့ၣ်ဒီး, စီၤယိၤသးဟဲကိးအပၢ်စီၤယၤကိာ်ဒီးဆှၢထီၣ်အီၤ ဆူစီၤပၤအအိၣ်န့ၣ်လီၤ. စီၤယၤကိာ်ဆိၣ်ဂ့ၤဆိၣ်ဝါစီၤပၤ,

လံာ်စီၤၡမူၤအ့လးခံဘ့ၣ်တဘ့ၣ် 13:25

စီၤပၤစံးဆၢဝဲဒၣ်, “တသ့ဘၣ်, ယဖိခွါဧၢ, ပမ့ၢ်လဲၤခဲလၢာ်ဒီးကကဲထီၣ်တၢ်ကီတၢ်ခဲဒိၣ်ကဲာ်ဆိးလၢနဂီၢ်န့ၣ်လီၤ.” စီၤအးဘၡါလိၣ်တဲအီၤသပှၢ်ပှၢ်ဘၣ်ဆၣ်ဒီး စီၤပၤတအၢၣ်လီၤဝဲဘၣ်. ဒီးအဝဲမၢစီၤအးဘၡါလိၣ်ဟးထီၣ်ကွံာ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:33

လၢတၢ်န့ၣ်အဃိ, စီၤယိၤအာ်လဲၤဆူစီၤပၤဒၤဝံးအအိၣ်ဒီးတဲ ဘၣ်အီၤတၢ်လၢစီၤအးဘၡါလိၣ်စံးတ့ၢ်ဝဲန့ၣ်လီၤ. စီၤပၤမၢပှၤလဲၤကိးစီၤအးဘၡါလိၣ်လၢကဟဲဆူအဝဲအအိၣ်ဒီး တီၤလီၤကဒွံကျိာ်ဒီးဆူးလီၤအခိၣ်ဆူဟီၣ်ခိၣ်လိၤလၢအမဲာ်ညါန့ၣ်လီၤ. စီၤပၤတူၢ်လိာ်မုာ်အီၤလၢတၢ်နၢမူန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:38

စီၤပၤစံးဆၢဝဲဒၣ်, “ယကက့ၤကိးဃုာ်အီၤဒီးယၤဒီးမၤတၢ် လၢအဂီၢ်ဒ်တၢ်တမံၤလၢ်လၢ်လၢနသးလီၤအီၤအသိးန့ၣ်လီၤ. ဒီးယကမၤတၢ်လၢနဂီၢ်ဒ်တၢ်တမံၤလၢ်လၢ်လၢနဃ့နဲအသိးန့ၣ် လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 6:18

ဖဲအဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဝံၤန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤ, သ့တၢ်လၢာ်ကစၢ်အမံၤအပူၤ,

လံာ်စီၤၡမူၤအ့လးခံဘ့ၣ်တဘ့ၣ် 6:20

တၢ်န့ၣ်ဝံၤအလီၢ်ခံ, ဖဲစီၤဒၤဝံးက့ၤဆူအဟံၣ် ဒ်သိးကဆၢဂ့ၤဆၢဝါအဟံၣ်ဖိဃီဖိန့ၣ်နီၢ်မံၤကၤလးဟးထီၣ်လၢကသဂၢၢ်အီၤအဂီၢ်လီၤ. ပိာ်မုၣ်န့ၣ်စံးဝဲ, “တနံၤအံၤ, ကီၢ်အံၣ်စရ့လးအစီၤပၤမၤဒိၣ်ထီၣ်အမံၤတဖျၢၣ်လၢအဂီၢ်ဒၣ်ဝဲန့ၣ်လီၤ. အဝဲပာ်ဖျါထီၣ်တ့ၢ်အသးဒ်တၢ်ပျုၢ်တဂၤအသိး လၢအဝဲအပဒိၣ်ပပှၢ်တဖၣ်ဒီးအကုၢ်ပိာ်မုၣ်တဖၣ်အမဲာ်ညါန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:20

အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

လံာ်တၢ်ဂံၢ် 24:25

အန့ၣ်ဝံၤဒီးစီၤဘံးလၣ်ကတဲာ်ကတီၤအသးဒီးက့ၤကဒါက့ၤဆူ အဟံၣ်ဒီးစီၤဘၤလးလဲၤဆူညါလၢအကျဲဒၣ်ဝဲန့ၣ်လီၤ.

လံာ်လူၤကၣ် 2:34

စီၤစူၤမ့းအိၣ်ဆိၣ်ဂ့ၤအဝဲသ့ၣ်ဒီးစံးဘၣ်ဖိသၣ်အမိၢ်, နီၢ်မၤရံ, “ဖိသၣ်အဝဲအံၤဘၣ်တၢ်ဃုထၢတ့ၢ်အီၤလၢကစၢ်ယွၤ လၢတၢ်မၤဟးဂီၤဒီးတၢ်အုၣ်က့ၤခီၣ်က့ၤပှၤအါဒံအါဂၤလၢ အံၣ်စရ့လးအပူၤအဂီၢ်န့ၣ်လီၤ. အဝဲဒၣ်ကမ့ၢ်တၢ်ပနီၣ်တခါလၢ ကစၢ်ယွၤအအိၣ်လၢပှၤအါဒံအါဂၤကကတိၤထီဒါဝဲ,

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

၁ သ့းစၤလနံ 5:26

ဆၢဂ့ၤဆၢဝါဒီပုၢ်ဝဲၢ်ပှၤစူၢ်က့ၤနာ်က့ၤတၢ်ခဲလၢာ်ခီဖျိ တၢ်နၢမူစီဆှံန့ၣ်တက့ၢ်.

လံာ်နီၢ်ရူၤသး 1:14

အန့ၣ်ဒီးအဝဲသ့ၣ်ဟီၣ်ကဒီးဝဲလၢအကလုၢ်ဖးဒိၣ်လီၤ. ဒီးနီၢ်ဧိးရပၤနၢမူအမံၤပှၢ်ပိာ်မုၣ်ဝံၤဒီးက့ၤကဒါက့ၤဆူ အဟံၣ်န့ၣ်လီၤ. မ့မ့ၢ်နီၢ်ရူၤသးန့ၣ်အိၣ်စဲဘူးအသးဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:22

စီၤဒၤဝံးအၢၣ်လီၤဝဲလီၤ. အန့ၣ်ဝံၤဒီးစီၤစီလူးက့ၤကဒါ က့ၤဆူအဟံၣ်ဒီးစီၤဒၤဝံးဒီးအပှၤတဖၣ်က့ၤကဒါက့ၤဆူ အတၢ်အိၣ်ခူသူၣ်အလီၢ်န့ၣ်လီၤ.