လံာ်စီၤၡမူၤအ့လးခံဘ့ၣ်တဘ့ၣ် 19:27 - Sgaw Karen Common Bible

²⁷ အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 19:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:20

ဘၣ်ဆၣ်ဒီးအဝဲမၤတ့ၢ်တၢ်အံၤဒ်သိးလၢကမၤလိၤမၤဘၣ်က့ၤတၢ်ဂ့ၢ်ခဲလၢာ်အံၤန့ၣ်လီၤ. နဲဒၣ်တၢ်ဒိၣ်ကစၢ်စီၤပၤမ့ၢ်ပှၤကူၣ်သ့ထဲသိးဒီးကစၢ်ယွၤအကလူး ဒီးသ့ၣ်ညါတၢ်ခဲလၢာ်လၢအမၤအသးန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:3

စီၤပၤသံကွၢ်အီၤ, “နကစၢ်စီၤစီလူးအလံၤခွါစီၤမဖံဘိၤၡ့းအိၣ်ဖဲလဲၣ်.” စီၤစံဘၤစံးဆၢအီၤ, “အဝဲအိၣ်ဒံးဒၣ်လၢဝ့ၢ်ယရူၤၡလ့ၣ်အပူၤမ့ၢ်လၢအဝဲနာ်ဝဲလၢ, ခဲအံၤပှၤအံၣ်စရ့လးဖိတဖၣ်န့ၣ်ကဟ့ၣ်ကဒါက့ၤအီၤအဖု စီၤစီလူးအဘီအမုၢ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:4

စီၤပၤစံးဘၣ်စီၤစံဘၤ, “ကယဲၢ်တၢ်ကိးမံၤဒဲးလၢအဘၣ်ဃး ဒီးစီၤမဖံဘိၤၡ့းန့ၣ်မ့ၢ်နတၢ်လီၤ.” စီၤစံဘၤစံးဆၢဝဲဒၣ်, “ယမ့ၢ်နခ့နပှၤလီၤ. မ်ထီဘိယဒိးန့ၣ်ဘၣ်တၢ်ဒိၣ်ကစၢ်စီၤပၤအတၢ်ကွၢ်မဲာ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 19:17

ပှၤအဂၤတကထိလၢပှၤဘံၣ်ယၤမံၣ်အဒူၣ်ဟဲဃုာ်ဒီးအီၤစ့ၢ်ကီးလီၤ. ဒီးစီၤစီလူးအပှၤဟံၣ်ဖိဃီဖိအခ့အပှၤစီၤစံဘၤဟဲဃုာ်စ့ၢ်ကီး ဝဲဒီးအဖိခွါတဆံယဲၢ်ဂၤဒီးအခ့အပှၤအဂၤခံဆံ, ဒီးအဝဲသ့ၣ်ဟဲတုၤဝဲဖဲထံကျိယၢ်ဒ့ၣ်, တချုးလၢစီၤပၤဟဲတုၤဒံးဘၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:13

မၤသးဒ်န့ၣ်ဒီး, စီၤမဖံဘိၤၡ့းလၢအခီၣ်ဟးဂီၤခံခီလိာ်န့ၣ်, အိၣ်ဝဲဆိးဝဲလၢဝ့ၢ်ယရူၤၡလ့ၣ်အပူၤ ဒီးအီၣ်အတၢ်အီၣ်ကိးဘျီဒဲးလၢစီၤပၤအစီၢ်နီၤခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:3

စီၤပၤသံကွၢ်အီၤ, “မ့ၢ်ပှၤအိၣ်လီၤတဲာ်ဒံးဝဲတဂၤဂၤလၢ စီၤစီလူးအဟံၣ်ဖိဃီဖိအကျါလၢယဒုးနဲၣ်အီၤယတၢ်သူၣ်တီသး ရၤဒီးတၢ်သူၣ်ကညီၤသးကညီၤကသ့ဝဲဒ်ယအၢၣ်လီၤတ့ၢ်ကစၢ်ယွၤလၢ ယကမၤအီၤအသိးန့ၣ်ဧါ.” စီၤစံဘၤစံးဆၢဝဲဒၣ်, “ပှၤအိၣ်ဒံးဝဲတဂၤလၢစီၤယိနၤသၣ် အဖိခွါတဖၣ်အကျါန့ၣ်လီၤ. အဝဲဒၣ်အခီၣ်ဟးဂီၤလီၤ.”

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

စံးထီၣ်ပတြၢၤ 15:3

ပှၤလၢအတကတိၤခဲၣ်ဘၣ်ပှၤဂၤတဖၣ်န့ၣ်လီၤ. အဝဲသ့ၣ်တမၤကမၣ်ဘၣ် အတံၤသကိးသ့ၣ်တဖၣ်ဘၣ်, ဒီးတဒုၣ်ဒွဲၣ်ကတိၤအၢကတိၤသီ ပှၤလၢအဃၢၤဘၣ်.

လံာ်တၢ်ဟးထီၣ်ကွံာ် 20:16

ဆှိးကဘျံးကဘျၣ်ပှၤနီတဂၤတဂ့ၤ.

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:9

စီၤအၤကံၣ်စံးဝဲ, “ယအၢၣ်လီၤလီၤ. ယပာ်ကဲနၤဒ်ပှၤသူၣ်တီသးလိၤထဲသိးကစၢ်ယွၤအကလူးတဂၤန့ၣ်လီၤ. ဘၣ်ဆၣ်ဒီးစီၤပၤအဂၤတဖၣ်စံးဝဲလၢနလဲၤဒီးပှၤဆူတၢ်ဒုးပူၤ တသ့ဘၣ်လီၤ.