လံာ်စီၤၡမူၤအ့လးခံဘ့ၣ်တဘ့ၣ် 19:19 - Sgaw Karen Common Bible

¹⁹ ဒီးစံးဝဲဒၣ်, “နဲဒၣ်တၢ်ဒိၣ်ကစၢ်စီၤပၤဧၢ, ဝံသးစူၤသးပ့ၤနီၣ်ကွံာ်တၢ်ကမၣ်လၢယမၤတ့ၢ်အီၤဖဲမုၢ်တနံၤ လၢနဟးထီၣ်ကွံာ်လၢဝ့ၢ်ယရူၤၡလ့ၣ်န့ၣ်တက့ၢ်. စၢဃာ်ယတၢ်ကမၣ်မ့ၢ်ဂ့ၤ, ဆိကမိၣ်လၢၤလၢအဂ့ၢ်မ့ၢ်ဂ့ၤန့ၣ်, တဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 19:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:20

ဖဲအဒီပုၢ်ဝဲၢ်ခွါစီၤအၤဘၡါလိၣ်ထံၣ်အီၤန့ၣ်အဝဲသံကွၢ်အီၤ, “မ့ၢ်စီၤအၤမနိၣ်မၤတရီတပါနၤန့ၣ်ဧါ. ဝံသးစူၤလီၤ, ပျဲတၢ်မၤအသးန့ၣ်မၤတံာ်တာ်နသးနးကဲၣ်ဆိးတဂ့ၤ, ယဒီပုၢ်ဝဲၢ်မုၣ်ဧၢ. အဝဲမ့ၢ်နဒီပုၢ်ဝဲၢ်ခွါလၢအမိၢ်တမ့ၢ်တမိၢ်ဃီဘၣ်အဃိ, တဲဘၣ်ပှၤနီတဂၤလၢတၢ်ဂ့ၢ်အံၤတဂ့ၤ.” လၢတၢ်န့ၣ်အဃိ, နီၢ်တၤမၢ်အိၣ်ဆိးဝဲလၢစီၤအးဘၡါလိၣ်အဟံၣ်ပူၤ, ပှဲၤဒီးတၢ်သူၣ်အုးသးအုးဒီးတၢ်သယုၢ်သညိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:33

လၢတၢ်န့ၣ်အဃိ, နာ်တၢ်ကစီၣ်လၢအစံးဝဲလၢ နဖိခွါခဲလၢာ်သံလံန့ၣ်တဂ့ၤ. ပှၤဘၣ်တၢ်မၤသံအီၤထဲစီၤအၤမနိၣ်တဂၤဧိၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:18

အဝဲသ့ၣ်ခီဂာ်ဃီၤထံကျိယၢ်ဒ့ၣ်ဒ်သိးကကွၢ်ထွဲဒီးဆှၢဃီၤ စီၤပၤဒီးအပှၤတဖုန့ၣ်, ဒီးကမၤန့ၢ်ကယဲၢ်တၢ်တမံၤလၢ်လၢ်လၢစီၤပၤလိၣ်ဘၣ်ဝဲအဂီၢ်န့ၣ်လီၤ. ဖဲစီၤပၤကတဲာ်ကတီၤအသးလၢကခီဂာ်ထံကျိန့ၣ်, စီၤၡံမံၤထိၣ်လီၤပှီၤအသးလၢအမဲာ်ညါ,

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 79:8

သိၣ်ဃီၣ်ပှၤလၢ, ပမိၢ်ပၢ်ဖံဖုလၢပျၢၤသ့ၣ်တဖၣ်အတၢ်ဒဲးဘး အဃိန့ၣ်တဂ့ၤ. သူၣ်ကညီၤသးကညီၤလၢ်ပှၤခဲအံၤတက့ၢ်. ကယဲၢ်ပတၢ်မုၢ်လၢ်ခဲလၢာ်, လၢာ်ကွံာ်တ့ၢ်လံ.

လံာ်ပှၤစံၣ်တဲၤတဲလီၤတၢ် 10:4

ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်တၢ်ဂံၢ် 12:11

စီၤအၤဟရိၣ်စံးဘၣ်စီၤမိၤၡ့, “ဝံသးစူၤ, တၢ်ဒိၣ်ဧၢ, တဘၣ်ဒုးတူၢ်ပှၤလၢတၢ်စံၣ်ညီၣ်အံၤလၢပတၢ်ဒဲးဘးအမၢး အဃိတဂ့ၤ.

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:15

မ့ၢ်လီၤ. ယသံကွၢ်တၢ်ဒီးကစၢ်ယွၤလၢအဝဲအဂီၢ်, ဒီးတၢ်န့ၣ်တမ့ၢ်အဆိကတၢၢ်တဘျီဘၣ်. လၢတၢ်ကူၣ်ထီၣ်ဖးလီၤထီဒါနၤ အဂ့ၢ်န့ၣ်, တၢ်ဒိၣ်စီၤပၤဖးဒိၣ်တကြၢးဆှိးကမၣ်ယၤမ့ၢ်ဂ့ၤ, ပှၤအဂၤလၢယဟံၣ်ဖိဃီဖိအပူၤမ့ၢ်ဂ့ၤနီတဂၤဘၣ်. ဘၣ်ဃးဒီးတၢ်ဂ့ၢ်အံၤန့ၣ်ယတသ့ၣ်ညါတ့ၢ်တၢ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”