လံာ်စီၤၡမူၤအ့လးခံဘ့ၣ်တဘ့ၣ် 19:11 - Sgaw Karen Common Bible

¹¹ တၢ်ကစီၣ်လၢပှၤအံၣ်စရ့လးဖိတဖၣ်စံးဝဲန့ၣ် ဟူထီၣ်ဝဲဆူစီၤဒၤဝံးအအိၣ်လီၤ. မၤသးဒ်န့ၣ်ဒီး, အဝဲဒၣ်မၢလီၤပှၤလုၢ်တၢ်အခိၣ်စီၤစၤဒိးဒီး စီၤအ့ဘယၤသၢ်လၢကသံကွၢ်ပှၤယူဒၤဖိ အခိၣ်အနၢ်တဖၣ်ဒ်အံၤ, “ဘၣ်မနုၤအဃိသုကဘၣ်မ့ၢ်ပှၤလၢခံကတၢၢ်, လၢကမၤစၢၤဆှၢကဒါက့ၤစီၤပၤဆူအနီပူၤန့ၣ်လဲၣ်.

လံာ်စီၤၡမူၤအ့လးခံဘ့ၣ်တဘ့ၣ် 19:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:29

လၢတၢ်န့ၣ်အဃိစီၤစၤဒိးဒီးစီၤအ့ဘယၤသၢ်က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤၡလ့ၣ်အပူၤ ဒီးအိၣ်ဆိးဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:15

အန့ၣ်တစု, စီၤယိၤအာ်အပှၤသုးဖိအဂၤတဆံ ဟဲကဝီၤတံာ်စီၤအးဘၡါလိၣ်ဒီၤမၤသံကွံာ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:10

ပဖှူတ့ၢ်စီၤအးဘၡါလိၣ်ဒ်ပစီၤပၤတဂၤအသိး, ဘၣ်ဆၣ်ဒီးအဝဲဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလံ. လၢတၢ်န့ၣ်အဃိဘၣ်မနုၤလၢပှၤတဂၤဂၤတကျဲးစၢးလဲၤကိးကဒါက့ၤ စီၤပၤဒၤဝံးန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:41

တုၤနုၤတစုပှၤကီၢ်အံၣ်စရ့လးဖိခဲလၢာ်လဲၤဆူစီၤပၤအအိၣ် ဒီးစံးဘၣ်အီၤ, “နဲဒၣ်တၢ်ဒိၣ်ကစၢ်စီၤပၤဧၢ, ဘၣ်မနုၤအဃိပဒီပုၢ်ဝဲၢ်ပှၤယူဒၤဖိတဖၣ်ဆိကမိၣ်ဝဲလၢ အဝဲသ့ၣ်အိၣ်ဒီးတၢ်ခွဲးတၢ်ယာ်လၢကကိးထီၣ်ကွံာ်နၤမ့ၢ်ဂ့ၤကွၢ်ထွဲဒီးဆှၢက့ၤနၤ, နဒူၣ်ဖိထၢဖိဒီးနပှၤတဖၣ်မ့ၢ်ဂ့ၤလၢတၢ်ခီဂာ်ထံကျိယၢ်ဒ့ၣ်န့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 2:35

စီၤပၤဒုးကဲထီၣ်စီၤဘနါယၤလၢပှၤသုးမုၢ်အသုးခိၣ်ကျၢၢ်လၢ စီၤယိၤအာ်အလီၢ်, ဒီးပာ်စီၤစၤဒိးလၢပှၤလုၢ်တၢ်အခိၣ်, လၢစီၤအ့ဘယၤသၢ်အလီၢ်န့ၣ်လီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ သ့းစၤလနံ 3:9

ပမၤဒ်သိးအံၤန့ၣ်, တမ့ၢ်လၢပတအိၣ်ဒီးတၢ်ခွဲးတၢ်ယာ်လၢ ပကဃ့သုတၢ်လုၢ်အီၣ်ပှၤအဃိဘၣ်. မ့ၢ်ဒ်သိးအကကဲထီၣ်တၢ်အဒိအတဲာ်လၢသုကပိာ်ထွဲအီၤ အဂီၢ်တခီန့ၣ်လီၤ.