လံာ်စီၤၡမူၤအ့လးခံဘ့ၣ်တဘ့ၣ် 19:10 - Sgaw Karen Common Bible

¹⁰ ပဖှူတ့ၢ်စီၤအးဘၡါလိၣ်ဒ်ပစီၤပၤတဂၤအသိး, ဘၣ်ဆၣ်ဒီးအဝဲဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလံ. လၢတၢ်န့ၣ်အဃိဘၣ်မနုၤလၢပှၤတဂၤဂၤတကျဲးစၢးလဲၤကိးကဒါက့ၤ စီၤပၤဒၤဝံးန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:14

လၢတၢ်န့ၣ်အဃိ, စီၤဒၤဝံးစံးဘၣ်ကယဲၢ်အပဒိၣ်ပပှၢ်ခဲလၢာ်လၢ အအိၣ်ဒီးအီၤလၢဝ့ၢ်ယရူၤၡလ့ၣ်အပူၤန့ၣ်, “ပမ့ၢ်အဲၣ်ဒိးပူၤဖျဲးကွံာ်လၢစီၤအးဘၡါလိၣ်န့ၣ် ပကဘၣ်ဟးထီၣ်ကွံာ်တဘျီဃီန့ၣ်လီၤ. မၤချ့ချ့တက့ၢ်. မ့တမ့ၢ်ဘၣ်န့ၣ်တယံာ်ဘၣ်ဒီးအဝဲကဟဲတုၤဖဲအံၤ, ဒီးမၤနၢၤကွံာ်ပှၤဒီးမၤသံကွံာ်ကယဲၢ်ပှၤအိၣ်လၢဝ့ၢ်ပူၤခဲလၢာ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 15:16

လၢတၢ်န့ၣ်အဃိစီၤပၤဟးထီၣ်ကွံာ်ဝဲဃုာ်ဒီးအဟံၣ်ဖိဃီဖိခဲ လၢာ်ဒီးအပဒိၣ်ပပှၢ်တဖၣ်, အိၣ်တ့ၢ်ထဲအသံၣ်မါအဂၤတဆံ, လၢအဝဲပာ်လီၤတဲာ်တ့ၢ်ဝဲဒ်သိးကအံးထွဲကွၢ်ထွဲစီၤပၤအနူၢ်အစီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:11

တၢ်ကစီၣ်လၢပှၤအံၣ်စရ့လးဖိတဖၣ်စံးဝဲန့ၣ် ဟူထီၣ်ဝဲဆူစီၤဒၤဝံးအအိၣ်လီၤ. မၤသးဒ်န့ၣ်ဒီး, အဝဲဒၣ်မၢလီၤပှၤလုၢ်တၢ်အခိၣ်စီၤစၤဒိးဒီး စီၤအ့ဘယၤသၢ်လၢကသံကွၢ်ပှၤယူဒၤဖိ အခိၣ်အနၢ်တဖၣ်ဒ်အံၤ, “ဘၣ်မနုၤအဃိသုကဘၣ်မ့ၢ်ပှၤလၢခံကတၢၢ်, လၢကမၤစၢၤဆှၢကဒါက့ၤစီၤပၤဆူအနီပူၤန့ၣ်လဲၣ်.

လံာ်စီၤၡမူၤအ့လးခံဘ့ၣ်တဘ့ၣ် 19:40

ဖဲစီၤပၤခီဂာ်တၢ်န့ၣ်, အဝဲဘၣ်တၢ်ကွၢ်ထွဲဒီးဆှၢအီၤလၢ ပှၤခဲလၢာ်လၢကီၢ်ယူဒၤဒီးပှၤလၢကီၢ်အံၣ်စရ့လးတနီၤ, ဒီးအဝဲလဲၤဆူညါဆူဝ့ၢ်ကံးလကၤလး, ဒီးစီၤကံမဟၣ်လဲၤဃုာ်ဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:9

ဒီးအဝဲသ့ၣ်စံးဆၢ, “မ်ပလဲၤဒုးသကိးဝ့ၢ်လ့ၡ့ၣ်တက့ၢ်. ပထံၣ်ကီၢ်န့ၣ်ဂ့ၤဝဲဒိၣ်မးလီၤ. သုတမၤတၢ်နီတမံၤဒီးအိၣ်ဖဲအံၤတဂ့ၤ. မၤချ့ချ့ဒီးလဲၤနုာ်မၤန့ၢ်အီၤတက့ၢ်.