လံာ်စီၤၡမူၤအ့လးခံဘ့ၣ်တဘ့ၣ် 19:1 - Sgaw Karen Common Bible

¹ စီၤယိၤအာ်ဘၣ်တၢ်တဲအီၤလၢ စီၤပၤစီၤဒၤဝံးဟီၣ်ဝဲဒီးသူၣ်အုးသးအုးလၢစီၤအးဘၡါလိၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:1 Iomraidhean Croise

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:12

ဘၣ်ဆၣ်ဒီးပှၤတဂၤန့ၣ်စံးဆၢအီၤ, “နမ့ၢ်ဟ့ၣ်ယၤစ့အဘ့ၣ်တကထိဒၣ်လဲာ်န့ၣ်ယတယူာ်ထီၣ်ဘၣ်ယစုထီ ဒါစီၤပၤအဖိခွါဘၣ်. ပဝဲကိးဂၤဒဲးပနၢ်ဟူဘၣ်စီၤပၤဟ့ၣ်လီၤအကလုၢ်ဆူနၤဒီးစီၤ အဘံၡဲၤဒီးစီၤအံတဲၤစံးဝဲလၢ, လၢတၢ်ကွၢ်မဲာ်ယၤအဃိန့ၣ် မၤဆါပှၤသးစၢ်စီၤအးဘၡါလိၣ်တဂ့ၤ, န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:14

စီၤယိၤအာ်စံးဝဲဒၣ်, “ယတမၤလၢာ်အါထီၣ်ယတၢ်ဆၢကတီၢ်ဒီးနၤနီတစဲးလၢၤဘၣ်.” အဝဲစိာ်ထီၣ်ဘီသၢဘ့ၣ်ဒီးဆဲးနုာ်အီၤဆူစီၤအးဘၡါလိၣ်အသးနါပှၢ်အပူၤ, ဖဲအဝဲမူဒံးဝဲအဖၢမုၢ်ဒီးအိၣ်လီၤစဲၤဝဲလၢသ့ၣ်သ့ထိးဖၣ် အလိၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:20

စီၤယိၤအာ်စံးဝဲဒၣ်, “လဲၤတဂ့ၤ. တနံၤအံၤနတဘၣ်စိာ်တၢ်ကစီၣ်အဂ့ၤနီတမံၤဘၣ်. လၢမုၢ်နံၤအဂၤတနီၤနီၤန့ၣ်နမၤအီၤကသ့, ဘၣ်ဆၣ်ဒီးတမ့ၢ်ဘၣ်တနံၤအံၤဘၣ်. အဂ့ၢ်ဒ်အံၤ, စီၤပၤအဖိခွါန့ၣ်သံလံ.

လံာ်စီၤၡမူၤအ့လးခံဘ့ၣ်တဘ့ၣ် 18:33

တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 18:5

အဝဲဟ့ၣ်လီၤအကလုၢ်ဆူစီၤယိၤအာ်, စီၤအဘံၡဲၤဒီးစီၤအံတဲၤ အအိၣ်စံးဝဲ, “လၢတၢ်ကွၢ်မဲာ်ယၤအဃိန့ၣ်မၤဆါပှၤသးစၢ်စီၤအးဘၡါလိၣ်တဂ့ၤ.” ဒီးကယဲၢ်သုးဖိသံၣ်ဖိခဲလၢာ်နၢ်ဟူတ့ၢ် စီၤဒၤဝံးအတၢ်ဟ့ၣ်လီၤအကလုၢ်န့ၣ်, ဆူအသုးခိၣ်သုးနၢ်တဖၣ်အအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:2

မၤသးဒ်န့ၣ်ဒီးတၢ်မၤနၢၤအတၢ်သးခုန့ၣ် ပျိာ်လဲလိာ်အသးဆူတၢ်သးအုး, လၢကယဲၢ်စီၤဒၤဝံးအသုးဖိသံၣ်ဖိတဖၣ်အဂီၢ်လၢမုၢ်တနံၤ န့ၣ်လီၤ. အဂ့ၢ်ဒ်အံၤ, အဝဲသ့ၣ်နၢ်ဟူဘၣ်လၢစီၤပၤအသူၣ်အုးသးအုးလၢအဖိခွါအဃိလီၤ.

တၢ်ကတိၤဒိ. 17:25

ဖိခွါလၢအဟးဂီၤတဂၤဟဲစိာ်တၢ်သူၣ်အုးသးအုးဆူအပၢ် အအိၣ်ဒီးတၢ်သးဟးဂီၤအခၣ်တဖၣ်ဆူအမိၢ်အအိၣ်န့ၣ်လီၤ.

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.