လံာ်စီၤၡမူၤအ့လးခံဘ့ၣ်တဘ့ၣ် 18:33 - Sgaw Karen Common Bible

³³ တၢ်သးအုးလုၣ်ဘၢကွံာ်စီၤပၤန့ၣ်လီၤ. အဝဲလဲၤထီၣ်ဆူဒၢးလၢကျဲစၢၤအတြဲၤအဖီခိၣ်ဒီးဟီၣ်ဝဲလီၤ. ဖဲအလဲၤထီၣ်အဖၢမုၢ်န့ၣ်ဟီၣ်တၢ်ယၢၤတၢ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်, ယဖိခွါဧၢ. ဘၣ်မနုၤယတသံတ့ၢ်လၢနလီၢ်လဲၣ် ယဖိခွါဧၢ, စီၤအးဘၡါလိၣ်, ယဖိခွါဧၢ.”

လံာ်စီၤၡမူၤအ့လးခံဘ့ၣ်တဘ့ၣ် 18:33 Iomraidhean Croise

လံာ်တၢ်ကဲထီၣ်အခီၣ်ထံး 21:11

ဒီးတၢ်အံၤမၤကိၢ်မၤဂီၤစီၤအၤဘြၤဟၣ်ဒိၣ်မးလၢစီၤယံးၡမၤ ဧ့လးစ့ၢ်ကီးမ့ၢ်စီၤအၤဘြၤဟၣ်အဖိခွါအဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:1

စီၤယိၤအာ်သ့ၣ်ညါဘၣ်ဝဲလၢစီၤပၤဒၤဝံး သးသယုၢ်ဘၣ်စီၤအးဘၡါလိၣ်ဒိၣ်မးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:1

စီၤယိၤအာ်ဘၣ်တၢ်တဲအီၤလၢ စီၤပၤစီၤဒၤဝံးဟီၣ်ဝဲဒီးသူၣ်အုးသးအုးလၢစီၤအးဘၡါလိၣ်အဃိန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:4

စီၤပၤမၤဘၢအမဲာ်ဒီးဟီၣ်ဝဲလၢအကလုၢ်ဖးဒိၣ်စံးဝဲ, “အိယဖိခွါဧၢ, ယဖိခွါစီၤအးဘၡါလိၣ်ဧၢ. စီၤအးဘၡါလိၣ်ယဖိခွါဧၢ.”

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 17:25

ဖိခွါလၢအဟးဂီၤတဂၤဟဲစိာ်တၢ်သူၣ်အုးသးအုးဆူအပၢ် အအိၣ်ဒီးတၢ်သးဟးဂီၤအခၣ်တဖၣ်ဆူအမိၢ်အအိၣ်န့ၣ်လီၤ.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

ယၤကိာ် 5:17

ဝံအ့ၤလံယၤမ့ၢ်ပှၤဒ်နၤယၤအသိးန့ၣ်လီၤ. အဝဲဘါထုကဖၣ်တၢ်သပှၢ်ပှၢ်ဒ်သိးတၢ်သုတဟဲစူၤတဂ့ၤဒီးလၢသၢ နံၣ်ဃုလါအတီၢ်ပူၤန့ၣ်, တၢ်တဟဲစူၤလီၤလၢဟီၣ်ခိၣ်အလိၤဘၣ်.