လံာ်စီၤၡမူၤအ့လးခံဘ့ၣ်တဘ့ၣ် 18:31 - Sgaw Karen Common Bible

³¹ အန့ၣ်တစု, ပှၤကူၤၡးကုၢ်ဖိတဂၤဟဲတုၤဝဲဒီးစံးဘၣ်စီၤပၤ, “ယအိၣ်ဒီးတၢ်ကစီၣ်အဂ့ၤလၢနဲဒၣ်တၢ်ဒိၣ်ကစၢ်စီၤပၤအဂီၢ်န့ၣ်လီၤ. တနံၤအံၤယွၤဟ့ၣ်လီၤလံနၤလၢတၢ်မၤနၢၤကွံာ်ကယဲၢ်ပှၤတဖၣ်လၢ ပူထီၣ်ထီဒါနၤခဲလၢာ်န့ၣ်လံ.”

လံာ်စီၤၡမူၤအ့လးခံဘ့ၣ်တဘ့ၣ် 18:31 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:19

အန့ၣ်ဝံၤဒီး, စီၤစၤဒိးအဖိခွါစီၤအဃံမ့ၤဧးစံးဘၣ်စီၤယိၤအာ်ဒ်အံၤ, “ပျဲယဃ့ၢ်ဆူစီၤပၤအအိၣ်ဃုာ်ဒီးတၢ်ကစီၣ်အဂ့ၤလၢ, ယွၤအုၣ်က့ၤခီၣ်က့ၤလံအီၤလၢအဒုၣ်အဒါတဖၣ်အစုပူၤလံန့ၣ်တ က့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:28

စီၤအဃံမ့ၤဧးကိးထီၣ်တၢ်ဆၢဂ့ၤဆၢဝါဆူစီၤပၤအအိၣ်, စုးလီၤအသးလၢဟီၣ်ခိၣ်လိၤလၢစီၤပၤအမဲာ်ညါဒီးစံးဝဲဒၣ်, “စံးထီၣ်ပတြၢၤယွၤ, နကစၢ်ယွၤလၢအဟ့ၣ်လီၤနၤတၢ်မၤနၢၤလၢ ပှၤတဖၣ်လၢအပူထီၣ်ထီဒါနဲဒၣ်တၢ်ဒိၣ်ကစၢ်စီၤပၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:30

စီၤပၤစံးဘၣ်အီၤ, “လဲၤဆၢထၢၣ်ဖဲန့ၣ်တက့ၢ်.” ဒီးအဝဲလဲၤဖဲန့ၣ်ဒီးဆၢထၢၣ်ဝဲလီၤ.

စံးထီၣ်ပတြၢၤ 58:10

ပှၤတီပှၤလိၤကသးခုဝဲဖဲ အထံၣ်တၢ်စံၣ်ညီၣ်ပှၤတၢ်ဒဲးဘးဖိတဖၣ်, ဒီးကသ့ကွံာ်အခီၣ်လၢပှၤတတီတလိၤအသွံၣ်အကျါန့ၣ်လီၤ.

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.