လံာ်စီၤၡမူၤအ့လးခံဘ့ၣ်တဘ့ၣ် 18:28 - Sgaw Karen Common Bible

²⁸ စီၤအဃံမ့ၤဧးကိးထီၣ်တၢ်ဆၢဂ့ၤဆၢဝါဆူစီၤပၤအအိၣ်, စုးလီၤအသးလၢဟီၣ်ခိၣ်လိၤလၢစီၤပၤအမဲာ်ညါဒီးစံးဝဲဒၣ်, “စံးထီၣ်ပတြၢၤယွၤ, နကစၢ်ယွၤလၢအဟ့ၣ်လီၤနၤတၢ်မၤနၢၤလၢ ပှၤတဖၣ်လၢအပူထီၣ်ထီဒါနဲဒၣ်တၢ်ဒိၣ်ကစၢ်စီၤပၤန့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:28 Iomraidhean Croise

လံာ်တၢ်ကဲထီၣ်အခီၣ်ထံး 14:20

မ်တၢ်ထီကတၢၢ်ကစၢ်ယွၤတဂၤလၢအဟ့ၣ်နၤတၢ်မၤနၢၤလၢနဒုၣ်နဒါ အဖီခိၣ်န့ၣ်ဘၣ်တၢ်စံးထီၣ်ပတြၢၤအီၤတက့ၢ်.” ဒီးစီၤအၤဘြၣ်ဟ့ၣ်ဝဲစီၤမးလကံစဒ့းလၢကယဲၢ်တၢ်ဂုာ်န့ၢ်လၢ အဘၣ်တၢ်မၤန့ၢ်ကဒါက့ၤအီၤအကျါဆံဆဲၣ်ပူတပူန့ၣ်လီၤ.

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 1:2

မုၢ်ဆ့ၣ်ထီၣ်တနံၤန့ၣ်ပှၤသးစၢ်တဂၤလၢစီၤစီလူးအသူၣ်ဒဲအလီၢ်န့ၣ်ဟဲတုၤဝဲဒၣ်လီၤ. လၢတၢ်ဒုးနဲၣ်အတၢ်သးအုးအဂီၢ်န့ၣ်, အဝဲဖှီယာ်ကွံာ်အတၢ်ကူတၢ်သိးတဖၣ်ဒီးပာ်ထီၣ်ဖၣ်ကမူၣ်ဖၣ်ဆါ လၢအခိၣ်ဖီခိၣ်လီၤ. အဝဲလဲၤဆူစီၤဒၤဝံးအအိၣ်ဒီးထိၣ်လီၤပှီၤအသးဒီးဆုးလီၤ အခိၣ်လၢတၢ်ယူးယီၣ်ပာ်ကဲအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:4

ပိာ်မုၣ်န့ၣ်လဲၤဆူစီၤပၤအအိၣ်, ထိၣ်လီၤပှီၤအသး, ဆုးလီၤအခိၣ်ဆူဟီၣ်ခိၣ်လိၤလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 22:27

နကဆှီနဲလၢပှၤတဖၣ်လၢအကဆှီဝဲအဂီၢ်, ဘၣ်ဆၣ်ဒီးနအၢနသီနဲလၢပှၤအၢပှၤသီတဖၣ် အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:26

လၢလွံၢ်သီတသီန့ၣ်အဝဲသ့ၣ်ပာ်ဖှိၣ်ထီၣ်အသးလၢဘရၤကၤအတၢ် တြီၤပူၤဒီးစံးထီၣ်ပတြၢၤယွၤလၢကယဲၢ်တၢ်လၢအမၤတၢ်ဝဲခဲ လၢာ်အဃိန့ၣ်လီၤ. လၢတၢ်န့ၣ်အဃိတၢ်တြီၤပူၤအံၤဘၣ်တၢ်ကိးအီၤလၢ, “ဘရၤကၤ” န့ၣ်လီၤ.

စံးထီၣ်ပတြၢၤ 115:1

ထဲဒၣ်နၤတဂၤဧိၤ, ယွၤဧၢ, ထဲဒၣ်နၤတဂၤဧိၤ မ်တၢ်ဟ့ၣ်နၤလၢတၢ်လၤကပီၤ ဒီးတမ့ၢ်ဘၣ်ဆူပှၤဘၣ်. အဂ့ၢ်ဒ်အံၤ, မ့ၢ်လၢနတၢ်အဲၣ်ဂၢၢ်ကျၢၤ ဒီးနတၢ်သူၣ်တီသးလိၤအဃိန့ၣ်လီၤ.

စံးထီၣ်ပတြၢၤ 124:6

မ်ပစံးဘျုးယွၤလၢအတပျဲပဒုၣ်ပဒါသ့ၣ်တဖၣ် မၤနၢၤပှၤအဃိန့ၣ်တက့ၢ်.

စံးထီၣ်ပတြၢၤ 31:8

နတပျဲယဒုၣ်ယဒါသ့ၣ်တဖၣ်ဖီၣ်န့ၢ်ယၤဘၣ်. နဟ့ၣ်ယၤတၢ်သဘျ့လၢ ယကလဲၤဖဲယအဲၣ်ဒီးလဲၤဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 18:10

ဒီးစံးဝဲဒၣ်, “စံးထီၣ်ပတြၢၤယွၤ, ပှၤလၢအအုၣ်က့ၤခီၣ်က့ၤ သုလၢကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အစု ပူၤန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:18

တနံၤအံၤ, နပာ်ဖျါတ့ၢ်နမၤဂ့ၤတၢ်လၢယဂီၢ်ဆံးအါဆံးအါအဂ့ၢ် န့ၣ်လီၤ. အဂ့ၢ်ဒ်အံၤ, ယွၤပာ်ယၤလၢနတၢ်စိတၢ်က မီၤအဖီလာ်ဒၣ်လဲာ်န့ၣ်နတမၤသံတ့ၢ်ဘၣ်ယၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 25:23

ဖဲနီၢ်အဘံၤကါယံးလးထံၣ်ဘၣ်စီၤဒၤဝံးန့ၣ် အဝဲစံၣ်လီၤဝဲချ့ချ့ဒီးကွံာ်လီၤအသးလၢဟီၣ်ခိၣ်လိၤ.

လံာ်စီၤၡမူၤအ့လးအခီၣ်ထံးတဘ့ၣ် 26:8

စီၤအဘံၡဲၤစံးဘၣ်စီၤဒၤဝံး, “တနၤအံၤကစၢ်ယွၤပာ်လီၤ နဒုၣ်နဒါလၢနစိကမီၤအဖီလာ်လီၤ. ခဲအံၤပျဲယဆဲးအကစၢ်ဒၣ်ဝဲဒီးအဘီဖျိကွံာ်အီၤဒီးဆဲးတံၢ် အီၤဖဲဟီၣ်ခိၣ်လိၤထဲတဘီဧိၤတက့ၢ်. ယတဆဲးဘၣ်ခံဘီဘၣ်.”