လံာ်စီၤၡမူၤအ့လးခံဘ့ၣ်တဘ့ၣ် 18:22 - Sgaw Karen Common Bible

²² စီၤအဃံမ့ၤဧးဃ့ဆူၣ်ဝဲသပှၢ်ပှၢ်စံးဝဲ, “တၢ်ကမၤအသးဒ်လဲၣ်ဂ့ၤဒ်လဲၣ်ဂ့ၤန့ၣ်ယတကိၢ်ဘၣ်. ဝံသးစူၤပျဲစ့ၢ်ကီးယလဲၤစိာ် တၢ်ကစီၣ်န့ၣ်တက့ၢ်.” စီၤယိၤအာ်သံကွၢ်အီၤ, “ယဖိခွါဧၢ, ဘၣ်မနုၤအဃိနဘၣ်အဲၣ်ဒိးမၤတၢ်န့ၣ်လဲၣ်. နတမၤန့ၢ်တၢ်ဘျုးနီတမံၤလၢတၢ်န့ၣ်အဃိဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 18:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:21

အန့ၣ်ဝံၤဒီးအဝဲတဲဘၣ်အကုၢ်, ပှၤကူၤၡးဖိတဂၤ, “လဲၤဒီးတဲဘၣ်စီၤပၤလၢတၢ်လၢနထံၣ်တ့ၢ်နဲတက့ၢ်.” ကုၢ်န့ၣ်သကူးလီၤအသးဒီးဃ့ၢ်ထီၣ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:23

စီၤအဃံမ့ၤဧးစံးကဒီးဝဲ, “ကွၢ်ဖဲတၢ်ကမၤအသးတက့ၢ်. ယအဲၣ်ဒိးလဲၤလီၤ.” စီၤယိၤအာ်စံးဘၣ်အီၤ, “မ့မ့ၢ်ဒ်န့ၣ်ဒီးလဲၤတက့ၢ်.” လၢတၢ်န့ၣ်အဃိ, စီၤအဃံၤမ့ၤဧးဃ့ၢ်လီၤဝဲလၢကျဲလဲၤခီဖျိထံကျိယၢ်ဒ့ၣ် အတၢ်တြီၤပူၤဒီးတယံာ်ဘၣ်န့ၣ်အဝဲလဲၤပျံကွံာ်ကုၢ်တဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:29

စီၤပၤသံကွၢ်ဝဲဒၣ်, “မ့ၢ်ပှၤသးစၢ်စီၤအးဘၡါလိၣ်အိၣ်မုာ်ဆိးပၢၤကစီဒါဧါ” စီၤအဃံမ့ၤဧးစံးဆၢဝဲဒၣ်, “တၢ်ဒိၣ်ဧၢ, ဖဲနသုးခိၣ်စီၤယိၤအာ်ဆှၢလီၤယၤန့ၣ်, ယထံၣ်တၢ်မၤအသးရူၢ်ရူၢ်တၢတၢဖးဒိၣ်တမံၤ, ဘၣ်ဆၣ်ဒီးတၢ်န့ၣ်မ့ၢ်မနုၤလဲၣ်န့ၣ်ယတဲတဘၣ်ဘၣ်.”

လံာ်စီၤပၤအခီၣ်ထံးတဘ့ၣ် 11:22

စီၤပၤသံကွၢ်အီၤ, “ဘၣ်မနုၤအဃိလဲၣ်. မ့ၢ်ယတဟ့ၣ်ဘၣ်နၤလၢ တၢ်တမံၤမံၤလၢနကြၢးဒိးန့ၢ်အီၤအဃိဧါ. လၢတၢ်အံၤအဃိမ့ၢ်နအဲၣ်ဒိးက့ၤကဒါက့ၤဆူနဟံၣ်နဃီန့ၣ်ဧါ.” စီၤဟၤဒးစံးဆၢစီၤပၤ, “တမ့ၢ်ဘၣ်, မ့မ့ၢ်, ထဲပျဲယၤလၢယကက့ၤတက့ၢ်.” ဒီးအဝဲက့ၤကဒါက့ၤဆူအထံအကီၢ်န့ၣ်လီၤ. ဒ်ကီၢ်အဒိၣ်စီၤပၤအသိး, စီၤဟၤဒးမ့ၢ်ကီၢ်အံၣ်စရ့လးအဒုၣ် အဒါအအၢအသီနးနးကလဲာ်တဂၤန့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

အ့းဖ့းစူး 5:4

တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.