လံာ်စီၤၡမူၤအ့လးခံဘ့ၣ်တဘ့ၣ် 18:2 - Sgaw Karen Common Bible

² အန့ၣ်ဝံၤဒီး, အဝဲဆှၢလီၤအဝဲသ့ၣ်သၢကရူၢ်အိၣ်ဒီးစီၤယိၤအာ်, စီၤယိၤအာ်အဒီပုၢ်ဝဲၢ်စီၤအဘံၡဲၤဒီးပှၤကၤသးဖိစီၤအံတဲၤ, တဂၤစုာ်စုာ်ဒ်သုးခိၣ်ဖးဒိၣ်တဖၣ်လၢကရူၢ်တဖုဘၣ်တဖုအဖီခိၣ် လီၤ. ဒီးစီၤပၤစံးဘၣ်အပှၤတဖၣ်, “ယကလဲၤဃုာ်ဒီးသုလၢယနီၢ်ကစၢ်ဒၣ်ယဲလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:11

ယတၢ်ဟ့ၣ်ကူၣ်မ့ၢ်ဝဲဒၣ်, လၢနကဘၣ်ကိးဖှိၣ်ပှၤအံၣ်စရ့လးဖိခဲလၢာ်, လၢအအါဝဲဒ်မဲးဧိၤဟီၣ်ဧိၤလၢပီၣ်လဲၣ်နံၤအသိး, စးထီၣ်လၢကီၢ်ဆၢလၢအအံၤတခီတုၤဃီၤဆူအဂၤတခီ, ဒီးနနီၢ်ကစၢ်ဒၣ်နဲဆှၢအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 21:17

ဘၣ်ဆၣ်ဒီးနီၢ်စရူယၤအဖိခွါစီၤအဘံၡဲၤဟဲမၤစၢၤစီၤဒၤဝံးဒီးဒုးပှၤဖးဒိၣ်တဂၤန့ၣ်, ဒီးမၤသံကွံာ်အီၤလီၤ. တုၤနုၤတစု, စီၤဒၤဝံးအပှၤတဖၣ်မၢစီၤဒၤဝံးအၢၣ်လီၤတၢ်လၢအဝဲတပိာ်လၢၤဘၣ်အဝဲသ့ၣ်အခံဆူ တၢ်ဒုးပျီအပူၤနီတစု ဘၣ်န့ၣ်လီၤ. အဝဲသ့ၣ်စံးဝဲဒၣ်, “နမ့ၢ်ကီၢ်အံၣ်စရ့လးအတၢ်မုၢ်လၢ် ဒီးပတအဲၣ်ဒိးလၢနကလီၤမၢ်ကွံာ်လၢပဂီၢ်ဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:16

စီၤယိၤအာ်, လၢအမိၢ်အမံၤမ့ၢ်နီၢ်စရူယၤ, မ့ၢ်သုးမုၢ်အသုး ခိၣ်ကျၢၢ်န့ၣ်လီၤ. စီၤအဃံလူးအဖိခွါစီၤယဟိၡၤဖးမ့ၢ်ပှၤကွၢ်ထွဲတၢ်ကွဲးနီၣ် ကွဲးဃါတဖၣ်အခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:28

စီၤယိၤအာ်နၢ်ဟူဘၣ်တၢ်လၢမၤတ့ၢ်အသးန့ၣ်လီၤ. (အဝဲဆီၣ်ထွဲမၤစၢၤတ့ၢ်စီၤအဒိနံၤယၤ, ဘၣ်ဆၣ်, တဆီၣ်ထွဲမၤစၢၤတ့ၢ်စီၤအးဘၡါလိၣ်ဘၣ်) လၢတၢ်န့ၣ်အဃိအဝဲဃ့ၢ်ပူၤဖျဲးအသးဆူယွၤအိၣ်ဝဲဆိးဝဲ အဒဲစီၤဆှံအပူၤဒီးဟံးဃာ်ကျၢၤတၢ်လုၢ်လီၢ်အသနၢၣ်တဖၣ်န့ၣ် လီၤ.

စံးထီၣ်ပတြၢၤ 3:6

ယတပျံၤဘၣ်ယဒုၣ်ယဒါလၢအကလးတဖၣ်, လၢအအိၣ်ဝးတရံးယၤန့ၣ်ဘၣ်.

လံာ်ပှၤစံၣ်ညီၣ်ကွီၢ် 7:16

အဝဲနီၤဖးလီၤအပှၤသၢဖုဒီးဟ့ၣ်လီၤပှၤတဂၤလၢကွဲၤတဖျၢၣ် ဒီးသပၢၤတဖျၢၣ်စုာ်စုာ်လၢအအိပူၤအိၣ်ဒီးဆှီန့ၣ်လီၤ.

လံာ်ပှၤစံၣ်ညီၣ်ကွီၢ် 7:19

စီၤကံးဒဧိၣ်ဒီးအပှၤတကယၤဟဲတုၤဆူတၢ်သူၣ်ထီၣ်အဒဲအလီၢ်အသရ့ၤ, တချုးဖးဖီမုၢ်အကတီၢ်ဖဲပှၤခိးတၢ်ဖိတဖၣ်လဲလိာ်အမူဒါဝံၤသီသီန့ၣ်လီၤ. တုၤနုၤတစုအဝဲသ့ၣ်အူထီၣ်ကွဲၤဒီးဒိသ့ၣ်ဖးသပၢၤလၢအဖီၣ်ဃာ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 9:43

မၤသးဒ်န့ၣ်ဒီးအဝဲဟံးန့ၢ်အပှၤတဖၣ်ဒီးနီၤဖးဝဲသၢဖုဒီး လဲၤအိၣ်ခိးခူသူၣ်တၢ်လၢစံာ်ပျီတဖၣ်အပူၤန့ၣ်လီၤ. တုၤအထံၣ်ဝဲလၢပှၤဂီၢ်မုၢ်ဟဲထီၣ်လၢဝ့ၢ်ပူၤန့ၣ်အဝဲဟဲထီၣ် လၢတၢ်ခိးခူသူၣ်အလီၢ်ဒ်သိးအကမၤသံကွံာ်အဝဲသ့ၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:11

မုၢ်ဆ့ၣ်ထီၣ်တနံၤဂီၤဂီၤန့ၣ်စီၤစီလူးနီၤဖးအပှၤပိာ်ခွါ တဖၣ်သၢဖုဒီးဖဲမုၢ်ဆ့ၣ်ထီၣ်လၢဂီၤဂီၤတၢ်ခံးဒံးန့ၣ်, အဝဲသ့ၣ်ဃ့ၢ်သဖှိဃီၤဆူဒုၣ်ဒါအသူၣ်လီၤဒဲအလီၢ်န့ၣ်ဒီးဒုးတၢ်ထီဒါ ပှၤဧၣ်မိၣ်ဖိတဖၣ်လီၤ. တုၤမုၢ်ထူၣ်ဒီးအဝဲသ့ၣ်ကျီသံကွံာ်ပှၤဧၣ်မိၣ်ဖိတဖၣ်န့ၣ်လီၤ. ပှၤအိၣ်မူတ့ၢ်တဖၣ်န့ၣ်လီၤမုၢ်ပြံပြါဝဲဒီးပှၤတဂၤစုာ်စုာ် န့ၣ်ဃ့ၢ်ဝဲဒၣ်ထဲအနီၢ်ကစၢ်ဒၣ်ဝဲဧိၤန့ၣ်လီၤ.