လံာ်စီၤၡမူၤအ့လးခံဘ့ၣ်တဘ့ၣ် 18:19 - Sgaw Karen Common Bible

¹⁹ အန့ၣ်ဝံၤဒီး, စီၤစၤဒိးအဖိခွါစီၤအဃံမ့ၤဧးစံးဘၣ်စီၤယိၤအာ်ဒ်အံၤ, “ပျဲယဃ့ၢ်ဆူစီၤပၤအအိၣ်ဃုာ်ဒီးတၢ်ကစီၣ်အဂ့ၤလၢ, ယွၤအုၣ်က့ၤခီၣ်က့ၤလံအီၤလၢအဒုၣ်အဒါတဖၣ်အစုပူၤလံန့ၣ်တ က့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 18:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:27

ဒီးအဝဲစံးဘၣ်အါထီၣ်ကဒီးစီၤစၤဒိး, “ကွၢ်ကွၢ်, နၤဒီးစီၤအဘ့ဘယၤသၢ်န့ၣ်က့ၤကဒါက့ၤမုာ်မုာ်ဆူဝ့ၢ်ပူၤ, ဒီးက့ၤကိးစ့ၢ်ကီးနဖိခွါစီၤအဃံမ့ၤဧးဒီးစီၤအ့ဘယၤသၢ် အဖိခွါ, စီၤယိၤနၤသၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:36

အဝဲသ့ၣ်အိၣ်ဒီးအဖိခွါတဖၣ်လၢအမ့ၢ်, စီၤအဃံမ့ၤဧးဒီးစီၤယိၤနၤသၣ်လၢအသကိးန့ၣ်လီၤ. ဒီးနဆှၢလီၤအဝဲသ့ၣ်ဆူယအိၣ်ဃုာ်ဒီးတၢ်ကစီၣ်လၢနဃုသ့ၣ်ညါပာ်ဖှိၣ်အီၤသ့ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:17

စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:20

စီၤယိၤအာ်စံးဝဲဒၣ်, “လဲၤတဂ့ၤ. တနံၤအံၤနတဘၣ်စိာ်တၢ်ကစီၣ်အဂ့ၤနီတမံၤဘၣ်. လၢမုၢ်နံၤအဂၤတနီၤနီၤန့ၣ်နမၤအီၤကသ့, ဘၣ်ဆၣ်ဒီးတမ့ၢ်ဘၣ်တနံၤအံၤဘၣ်. အဂ့ၢ်ဒ်အံၤ, စီၤပၤအဖိခွါန့ၣ်သံလံ.

လံာ်စီၤၡမူၤအ့လးခံဘ့ၣ်တဘ့ၣ် 18:23

စီၤအဃံမ့ၤဧးစံးကဒီးဝဲ, “ကွၢ်ဖဲတၢ်ကမၤအသးတက့ၢ်. ယအဲၣ်ဒိးလဲၤလီၤ.” စီၤယိၤအာ်စံးဘၣ်အီၤ, “မ့မ့ၢ်ဒ်န့ၣ်ဒီးလဲၤတက့ၢ်.” လၢတၢ်န့ၣ်အဃိ, စီၤအဃံၤမ့ၤဧးဃ့ၢ်လီၤဝဲလၢကျဲလဲၤခီဖျိထံကျိယၢ်ဒ့ၣ် အတၢ်တြီၤပူၤဒီးတယံာ်ဘၣ်န့ၣ်အဝဲလဲၤပျံကွံာ်ကုၢ်တဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:31

အန့ၣ်တစု, ပှၤကူၤၡးကုၢ်ဖိတဂၤဟဲတုၤဝဲဒီးစံးဘၣ်စီၤပၤ, “ယအိၣ်ဒီးတၢ်ကစီၣ်အဂ့ၤလၢနဲဒၣ်တၢ်ဒိၣ်ကစၢ်စီၤပၤအဂီၢ်န့ၣ်လီၤ. တနံၤအံၤယွၤဟ့ၣ်လီၤလံနၤလၢတၢ်မၤနၢၤကွံာ်ကယဲၢ်ပှၤတဖၣ်လၢ ပူထီၣ်ထီဒါနၤခဲလၢာ်န့ၣ်လံ.”

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 10:18

နကဒိကနၣ်ပှၤလၢအဘၣ်တၢ်ဆီၣ်ဘံၣ်ဆီၣ်ဘၢအီၤ, ပှၤဖိၣ်ဃဲဖိသ့ၣ်တဖၣ်အတၢ်ကိးပသူထီၣ်လီၤ.

စံးထီၣ်ပတြၢၤ 7:6

ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

စံးထီၣ်ပတြၢၤ 9:4

အဂ့ၢ်ဒ်အံၤ, နစံၣ်ညီၣ်တီန့ၢ်တၢ်လၢယဂီၢ်လံ. နဆ့ၣ်နီၤလၢနလီၢ်ပစိာ်အဖီခိၣ်ဒီး စံၣ်ညီၣ်တၢ်တီတီလိၤလိၤလီၤ.

လံာ်ယံးရမံယၤ 51:31

ပှၤစိာ်တၢ်ကစီၣ်တဂၤဝံၤတဂၤဃ့ၢ်ဝဲဒ်သိးကတဲဘၣ်ကီၢ်ဘၤဘူၤလိၣ် အစီၤပၤလၢအထံၣ်, ဝ့ၢ်ဘၣ်တၢ်မၤလီၤပှီၢ်ကွံာ်ကိးကပၤလံန့ၣ်လီၤ.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”