လံာ်စီၤၡမူၤအ့လးခံဘ့ၣ်တဘ့ၣ် 18:18 - Sgaw Karen Common Bible

¹⁸ ဖဲအဝဲအိၣ်မူဒံးအခါန့ၣ်စီၤအးဘၡါလိၣ်သူၣ်ထီၣ်တ့ၢ် တၢ်သ့ၣ်နီၣ်အလၢၢ်ထူၣ်တထူၣ်လၢအဂီၢ်ဒၣ်ဝဲလၢစီၤပၤအတၢ်တြီၤပူၤန့ၣ် လီၤ. အဂ့ၢ်ဒ်အံၤ, အဝဲတအိၣ်ဒီးအဖိခွါနီတဂၤလၢကစိာ်မူအဝဲအမံၤ အဂီၢ်န့ၣ်ဘၣ်. လၢတၢ်န့ၣ်အဃိအဝဲယုၢ်န့ၢ်လၢၢ်ထူၣ်န့ၣ်အမံၤဒ်အဝဲအမံၤဒၣ်ဝဲ ဒီးတုၤမုၢ်မဆါတနံၤအံၤန့ၣ်, လၢၢ်ထူၣ်န့ၣ်ဘၣ်တၢ်သ့ၣ်ညါအီၤဒ်တၢ်သ့ၣ်နီၣ်စီၤအးဘၡါလိၣ် အလၢၢ်ထူၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:18 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 11:9

ဝ့ၢ်အံၤဘၣ်တၢ်ကိးအီၤလၢဝ့ၢ်ဘၤဘူၤလိၣ်လီၤ. အဂ့ၢ်ဒ်အံၤ, ဖဲန့ၣ်န့ၣ်, ယွၤမၤဃါဃုာ်ပှၤဟီၣ်ခိၣ်ဖိခဲလၢာ် အကျိာ်ဒီးစးထီၣ်ဖဲတၢ်လီၢ်န့ၣ်ယွၤမၤလီၤပြံလီၤပြါအဝဲ သ့ၣ်ဆူဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 14:17

ဒီးဖဲစီၤအၤဘြၣ်ဟဲက့ၤကဒါက့ၤဃုာ်ဒီးစီၤပၤအဂၤတဖၣ်လၢ တၢ်မၤနၢၤစီၤပၤစီၤကဒၢ်လဧိမ့ၢ်ဒီးစီၤပၤအဂၤတဖၣ်န့ၣ်စဒိၣ် အစီၤပၤလဲၤသဂၢၢ်အီၤဖဲၡၤဝ့အတၢ်တြီၤပူၤ (လၢအဘၣ်တၢ်ကိးစ့ၢ် ကီးအီၤလၢစီၤပၤအတၢ်တြီၤပူၤ) န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:27

စီၤအးဘၡါလိၣ်အဖိခွါအိၣ်သၢဂၤဒီးအဖိမုၣ်တဂၤလၢအမံၤမ့ၢ်ဝဲနီၢ်တၤမၢ် ဒီးမ့ၢ်ပိာ်မုၣ်တဂၤလၢအဃံလၤဒိၣ်မးန့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

စံးထီၣ်ပတြၢၤ 49:11

တဘျီအဝဲသ့ၣ်မ့ၢ်အိၣ်ဒီးအဟီၣ်ခိၣ်တဖၣ်ဒၣ်လဲာ်, အတၢ်သွၣ်ခိၣ်တဖၣ်မ့ၢ်အဟံၣ်အဃီလီၤစိၤဒီး, အိၣ်ဝဲဖဲန့ၣ်ကိးဆၢကိးကတီၢ်ဒဲးန့ၣ်လီၤ.

လံာ်ယၡါယၤ 22:16

“နဆိကမိၣ်လီၤနသးလၢနမ့ၢ်မတၤလဲၣ်. လၢနကစိးပျၤတၢ်သွၣ် ခိၣ်တပူၤလၢနဂီၢ်ဒၣ်နဲဖဲလ့ကစၢၢ်ကပၤအဂီၢ်န့ၣ်, နအိၣ်ဒီးတၢ်ခွဲး တၢ်ယာ်မနုၤလဲၣ်.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်တၢ်ဂံၢ် 32:42

စီၤနိဘၤလဲၤထီၣ်ဒုးဒီးမၤန့ၢ်ဝ့ၢ်ကနးဒီးအသဝီတဖၣ်ဒီး ကိးထွဲက့ၤဝဲဒ်အနီၢ်ကစၢ်ဒၣ်ဝဲအမံၤအသိးလၢဝ့ၢ်နိဘၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:12

လၢမုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲလဲၤထီၣ်ဒ်သိးကထံၣ်လိာ် စီၤစီလူးန့ၣ်လီၤ. အဝဲနၢ်ဟူဝဲလၢစီၤစီလူးလဲၤဆူဝ့ၢ်ကၢ်မ့ၤလး, ဖဲအတ့ထီၣ်ကစၢ်ဒၣ်ဝဲအဂီၤလၢလၢၢ်ထူၣ်အလီၢ်န့ၣ်, ဝံၤဒီးလဲၤဝဲဆူဝ့ၢ်ကံးလကၤလးန့ၣ်လီၤ.