လံာ်စီၤၡမူၤအ့လးခံဘ့ၣ်တဘ့ၣ် 18:17 - Sgaw Karen Common Bible

¹⁷ အဝဲသ့ၣ်ဟံးထီၣ်စီၤအးဘၡါလိၣ်အစိၣ်ဒီးကွံာ်လီၤဝဲဆူ တၢ်ပူၤယိာ်တခါအပူၤလၢပှၢ်ပူၤ, ဒီးကးဘၢအီၤလၢလၢၢ်ဖးဒိၣ် ပူၣ်ထီၣ်အသးတဖၣ်န့ၣ်လီၤ. ကယဲၢ်ပှၤအံၣ်စရ့လးဖိတဖၣ်ထွးထီၣ်ဃ့ၢ်ကွံာ်ခဲလၢာ်, တဂၤက့ၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:5

စီၤယိၤအာ်လဲၤဝဲဆူစီၤပၤအဟံၣ်ဒီးစံးဘၣ်အီၤ, “တနံၤအံၤနမၤမဲာ်ဆှးကွံာ်နပှၤတဖၣ်, ပှၤတဖၣ်လၢအမၤပူၤဖျဲးနသးသမူ, ဒီးနဖိခွါတဖၣ်ဒီးဖိမုၣ်တဖၣ်အသးသမူ ဒီးနမါတဖၣ်ဒီးနသံၣ်မါတဖၣ်အသးသမူန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:8

တုၤနုၤတစု, စီၤပၤဂဲၤဆၢထၢၣ်ဒီးလဲၤဆ့ၣ်နီၤဝဲဘူးဒီး ဝ့ၢ်အတြဲၤန့ၣ်လီၤ. အပှၤတဖၣ်နၢ်ဟူဘၣ်လၢအဝဲအိၣ်ဖဲန့ၣ်, သတးဒီးအဝဲသ့ၣ်ခဲလၢာ်လဲၤပာ်ဖှိၣ်ထီၣ်အသးဝးတရံးအီၤန့ၣ်လီၤ. အကတီၢ်ဖဲန့ၣ်, ကယဲၢ်ပှၤအံၣ်စရ့လးဖိခဲလၢာ် ဃ့ၢ်ကွံာ်ဝဲတဂၤဆူအဟံၣ်ဒၣ်ဝဲစုာ်စုာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:9

လၢထံကီၢ်ဒီတကီၢ်ညါန့ၣ် အဝဲသ့ၣ်ကဒဲကဒဲစးထီၣ်အ့ၣ်လိာ်အသးန့ၣ်လီၤ. အဝဲသ့ၣ်စံးလိာ်အသးတဂၤဒီးတဂၤဒ်အံၤ, “စီၤပၤဒၤဝံးမၤပူၤဖျဲးပှၤလၢပဒုၣ်ပဒါတဖၣ်အစုပူၤန့ၣ်လီၤ. အဝဲမၤပူၤဖျဲးတ့ၢ်ပှၤလၢပှၤဖလ့ၡသးဖိတဖၣ်အစုပူၤလီၤ. မ့မ့ၢ်ခဲကနံၣ်အံၤအဝဲထွးထီၣ်ဃ့ၢ်ကွံာ်လၢစီၤအးဘၡါလိၣ် အမဲာ်ညါဒီးဟးထီၣ်ကွံာ်လၢထံကီၢ်အပူၤလံ.

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 20:22

အန့ၣ်ဝံၤဒီး, ပိာ်မုၣ်န့ၣ်လဲၤဆူဝ့ၢ်အပှၤဂီၢ်မုၢ်အအိၣ်ဃုာ် ဒီးအဝဲအတၢ်ကူၣ်တၢ်ကျဲၤ, သတးဒီးအဝဲသ့ၣ်ကျီတဲာ်ကွံာ်စီၤၡဘၤအခိၣ်ဒီးကွံာ်ခီအီၤဆူ စီၤယိၤအာ်အအိၣ်လၢဝ့ၢ်ခိၣ်ဒူန့ၣ်လီၤ. စီၤယိၤအာ်အူထီၣ်ကွဲၤဒ်တၢ်ပနီၣ်တမံၤဒ်သိးအပှၤတဖၣ်ကဟးထီၣ် ကွံာ်လၢဝ့ၢ်န့ၣ်ဒီးအဝဲသ့ၣ်က့ၤကဒါက့ၤဆူဟံၣ်န့ၣ်လီၤ. ဒီးစီၤယိၤအာ်က့ၤကဒါက့ၤဆူဝ့ၢ်ယရူၤၡလ့ၣ်ဆူစီၤပၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:12

စီၤပၤအမၤစယါအသုးမုၢ်ဘၣ်တၢ်မၤနၢၤကွံာ်အီၤဒီးအပှၤသုးဖိ ခဲလၢာ်ထွးထီၣ်ဃ့ၢ်ပူၤဖျဲးအသးဆူအဟံၣ်ဒၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:21

လၢတၢ်န့ၣ်အဃိ, စီၤယဟိရၣ်ဟးထီၣ်ဝဲဒီးကယဲၢ်အလ့ၣ်ကဟၣ်ခဲ လၢာ်ဒီးလဲၤဆူစၤဧံရၤ, ဒီးဖဲန့ၣ်ပှၤအဒိၣ်အသုးမုၢ်ကဝီၤဃးအဝဲသ့ၣ်န့ၣ်လီၤ. လၢမုၢ်နၤအကတီၢ်န့ၣ်အဝဲဒီးအလ့ၣ်ကဟၣ်သုးခိၣ်တဖၣ်ဟးထီၣ်ဒီး ဃ့ၢ်ပူၤဖျဲးအသးန့ၢ်ဝဲ, ဒီးအပှၤသုးဖိတဖၣ်ဃ့ၢ်ပြံပြါကွံာ်ဆူအဝဲသ့ၣ်အဟံၣ်ဒၣ်ဝဲန့ၣ်လီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်သိၣ်လီၤသီလီၤတၢ် 21:20

မိၢ်ပၢ်တဖၣ်ကဘၣ်စံးဘၣ်ဝ့ၢ်အခိၣ်အနၢ်တဖၣ်ဒ်အံၤ, ပဖိခွါအံၤအခိၣ်ကိၤဒီးပူထီၣ်လီထီၣ်တၢ်ဒီးဂ့ၢ်လိာ်လၢ ကစူၢ်ပှၤအဂီၢ်လီၤ. အဝဲမၤလၢာ်ဂီၤကျိၣ်စ့ဒီးမ့ၢ်ပှၤအီမူၤသံးတဂၤလီၤ.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်စီၤယိၤၡူ 10:27

တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ် ဒီးအဝဲသ့ၣ်အစိၣ်တဖၣ်ဘၣ်တၢ်စိာ်လီၤကွံာ်အီၤလၢသ့ၣ်အလိၤ ဒီးကွံာ်နုာ်အီၤဆူတၢ်လီၢ်ကအိအပူၤလၢအဝဲသ့ၣ်အိၣ်ခူသူၣ်တ့ၢ်ဝဲန့ၣ်လီၤ. လၢၢ်ဖးဒိၣ်တဖၣ်ဘၣ်တၢ်ပာ်လီၤအီၤလၢတၢ်လီၢ်ကအိအပူၤအခိၣ်ထိး ဒီးအိၣ်ဝဲဖဲန့ၣ်တုၤမုၢ်မဆါတနံၤအံၤန့ၣ်လီၤ.

လံာ်စီၤယိၤၡူ 7:26

ဝံၤဒီးအဝဲသ့ၣ်ပာ်ဖှိၣ်လၢၢ် သ့ၣ်တဖၣ်လၢအဖီခိၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ. လၢတၢ်န့ၣ်အဃိ, တၢ်ကိးန့ၢ်တၢ်လီၢ်တတီၤအံၤအမံၤလၢတၢ်ပၢၤ ခိၣ်လၢကစၢၢ်ကဆူးဧၤကိၢ်, အခီပညီတၢ်ကီတၢ်ခဲန့ၣ်လီၤ. အန့ၣ်ဝံၤဒီးယွၤတသးဒိၣ်အဝဲသ့ၣ်လၢၤဘၣ်န့ၣ်လီၤ.

လံာ်စီၤယိၤၡူ 8:29

ဒီးအဝဲစၢသံဝ့ၢ်ဂဲအစီၤပၤလၢသ့ၣ်တထူၣ်အလိၤဒီးပာ်အစိၣ် ဒ်န့ၣ်တုၤမုၢ်ဟါလီၤန့ၣ်လီၤ. တုၤမုၢ်လီၤနုာ်ဒီးစီၤယိၤၡူဟ့ၣ်လီၤအကလုၢ်လၢအစိၣ်ကဘၣ်တၢ်သုးကွံာ် အီၤဒီးအစိၣ်ဘၣ်တၢ်ကွံာ်လီၤကွံာ်အီၤဖဲဝ့ၢ်အတြဲၤအခီၣ်ထံး ဒီးဘၣ်တၢ်မၤဘၢအီၤလၢလၢၢ်ကိၢ်လိၢ်ဖးဒိၣ်တဖၣ်ဒီးအိၣ်ဝဲတုၤမုၢ်မဆါတနံၤအံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:10

ပှၤဖလ့ၡသးဖိတဖၣ်ဒုးတၢ်ဆူၣ်ဆူၣ်ဒီးမၤနၢၤကွံာ်ပှၤအံၣ်စရ့လးဖိလၢအက့ၤဃ့ၢ်ဆူ အဟံၣ်တဖၣ်အအိၣ်န့ၣ်လီၤ. တၢ်မၤသံမၤဝီဖးဒိၣ်အိၣ်ဝဲဒီးပှၤအံၣ်စရ့လးသုးဖိသၢကလး ဘၣ်တၢ်မၤသံကွံာ်အီၤန့ၣ်လီၤ.