လံာ်စီၤၡမူၤအ့လးခံဘ့ၣ်တဘ့ၣ် 18:1 - Sgaw Karen Common Bible

¹ စီၤပၤစီၤဒၤဝံးဒုးအိၣ်ဖှိၣ်ရိဖှိၣ်အပှၤတဖၣ်ဒီးနီၤဖးလီၤအီၤဆူပှၤတကထိ, ပှၤတကယၤအကရူၢ်ဖိတဖၣ်ဒီးပာ်ထီၣ်သုးခိၣ်သုးနၢ်တဖၣ် လၢအဝဲသ့ၣ်အဖီခိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:1 Iomraidhean Croise

လံာ်တၢ်ဟးထီၣ်ကွံာ် 17:9

ဒီးစီၤမိၤၡ့စံးဘၣ်စီၤယိၤၡူ, “ဃုထၢပှၤပိာ်ခွါတနီၤဒ် သိးကလဲၤဒုးပှၤဧမၤလ့းဖိတဖၣ်ခဲမုၢ်ဆ့ၣ်တက့ၢ်. ယကဆၢထၢၣ်လၢတၢ်လူၢ်ဒီခိၣ်ဒီးဟံးဃာ်နီၣ်ထိးဘိလၢကစၢ်ယွၤ မၢယဟဲစိာ်အီၤန့ၣ်လီၤ.”

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

လံာ်တၢ်ဂံၢ် 31:14

စီၤမိၤၡ့သးဒိၣ်ထီၣ်ပှၤခိၣ်ပှၤနၢ်တဖၣ်, သုးခိၣ်သုးနၢ်တဖၣ် လၢအပၢဆှၢသုးမုၢ်အကထိတဖၣ်ဒီးအကရူၢ်တဖၣ်, လၢအဟဲက့ၤကဒါက့ၤလၢတၢ်ဒုးပျီပူၤန့ၣ်လီၤ.

လံာ်သိၣ်လီၤသီလီၤတၢ် 20:9

တုၤသုးခိၣ်သုးနၢ်တဖၣ်ကတိၤတၢ်ဆူသုးမုၢ်အအိၣ်ဝံၤန့ၣ်, ပှၤခိၣ်ပှၤနၢ်တဖၣ်ကဘၣ်တၢ်ဃုထၢအီၤလၢပှၤတဖုစုာ်စုာ်အဂီၢ်န့ၣ် လီၤ.

လံာ်စီၤယိၤၡူ 8:10

လၢဂီၤခီဂီၤဂီၤန့ၣ်, စီၤယိၤၡူဂဲၤဆၢထၢၣ်ဒီးကိးဖှိၣ်အသုးဖိ တပူၤဃီလီၤ. ဝံၤဒီးအဝဲဒီးပှၤအံၣ်စရ့လးဖိအခိၣ်အနၢ်တဖၣ်ဆှၢအဝဲသ့ၣ်ဆူ ဝ့ၢ်ဂဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:7

ဒီးအဝဲစံးဘၣ်အသုးနၢ်တဖၣ်, “ဒိကနၣ်တၢ်တက့ၢ်, စီၤဘံၣ်ယၤမံၣ်အပှၤကညီဧၢ, မ့ၢ်သုဆိကမိၣ်လၢစီၤဒၤဝံး ကဟ့ၣ်စံၣ်ပျီဒီးစပံးအလီၢ်တဖၣ် ဆူသုဝဲခဲလၢာ်အအိၣ်ဒီးဒုးကဲသု လၢသုးခိၣ်သုးနၢ်လၢအသုးမုၢ်ပူၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 8:12

အဝဲကဒုးကဲထီၣ်အီၤတနီၤလၢပှၤအဂၤတကထိအခိၣ်ဒီးတနီၤလၢပှၤ အဂၤယဲၢ်ဆံအခိၣ်လီၤ. သုဖိခွါတဖၣ်ကဘၣ်ထူန့ၢ်အဝဲအစံာ်တဖၣ်, ကူးန့ၢ်က့ၤအဘုဧိၤဟုဧိၤ, ဒီးဘှီန့ၢ်အစုကဝဲၤဒီးတၢ်အပီးအလီလၢအလ့ၣ်ကဟၣ်ဒုးသုးတဖၣ် အဂီၢ်န့ၣ်လီၤ.