လံာ်စီၤၡမူၤအ့လးခံဘ့ၣ်တဘ့ၣ် 17:8 - Sgaw Karen Common Bible

⁸ နသ့ၣ်ညါလၢနပၢ်စီၤဒၤဝံးဒီးအပှၤတဖၣ်န့ၣ်, မ့ၢ်ပှၤဒုးတၢ်ဆူၣ်မးတဖၣ်ဒီးအဝဲသ့ၣ်တဖၣ်န့ၣ်လီၤပျံၤလီၤဖုးမး ဒ်တၤသူမိၢ်တဒုလၢတၢ်ဂုာ်န့ၢ်ကွံာ်အဖိတဖၣ်အသိးန့ၣ်လီၤ. နပၢ်မ့ၢ်ပှၤသုးဖိတဂၤလၢအတၢ်လဲၤခီဖျိအါမးဒီးတအိၣ်ဆိးဘၣ်ဒီး အသုးဖိသံၣ်ဖိတဖၣ်လၢမုၢ်နၤအကတီၢ်န့ၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 17:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:18

ကယဲၢ်အပဒိၣ်ပပှၢ်ခဲလၢာ်ဆၢထၢၣ်ဖဲအဝဲအဃၢၤ, ဖဲပှၤခိးစီၤပၤအသးသမူတဖၣ်လဲၤခီဂာ်တၢ်လၢအဝဲအမဲာ်ညါအခါန့ၣ်လီၤ. ပှၤသုးဖိအဂၤဃုကယၤလၢအပိာ်တ့ၢ်အဝဲအခံ လၢဝ့ၢ်ကၤသးအပူၤန့ၣ်လဲၤခီဂာ်စ့ၢ်ကီးတၢ်,

လံာ်စီၤၡမူၤအ့လးခံဘ့ၣ်တဘ့ၣ် 17:9

အခါခဲအံၤဒၣ်လဲာ်န့ၣ် ဘၣ်သ့ၣ်သ့ၣ်အဝဲအိၣ်ခူသူၣ်ဝဲဒၣ်လၢလ့ကအိတဖျၢၣ်အပူၤ မ့တမ့ၢ်လၢတၢ်လီၢ်အဂၤတတီၤန့ၣ်လီၤ. တုၤစီၤဒၤဝံးဒုးနပှၤတဖၣ်တကီၢ်ခါန့ၣ်, ပှၤတဂၤလၢ်လၢ်လၢအနၢ်ဟူတၢ်ဂ့ၢ်အံၤကစံးဝဲလၢ နပှၤတဖၣ်ဘၣ်တၢ်မၤနၢၤကွံာ်အီၤလံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:16

ဒီးပှၤသုးဖိမံၤဟူသၣ်ဖျါသၢဂၤ, လဲၤနုာ်ဖျိဆူၣ်ဝဲဆူပှၤ ဖလ့ၡသးဖိတဖၣ်သူၣ်ဒဲအလီၢ်, ဒၢၣ်ထီၣ်ထံလၢထံပူၤ, ဝံၤဒီးဟဲက့ၤစိာ်ဝဲဆူစီၤဒၤဝံးအအိၣ်န့ၣ်လီၤ. ဘၣ်ဆၣ်ဒီးအဝဲတအီဝဲဘၣ်. အခိၣ်တလိာ်, အဝဲလူလီၤဝဲဒ်တၢ်လုၢ်တၢ်ပာ်တမံၤအသိးလၢယွၤအဂီၢ်,

လံာ်စီၤၡမူၤအ့လးခံဘ့ၣ်တဘ့ၣ် 23:18

စီၤယိၤအာ်အဒီပုၢ်ဝဲခွါစီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူယၤ) မ့ၢ်ပှၤလၢအမံၤဟူသၣ်ဖျါအဂၤသၢဆံအခိၣ်န့ၣ်လီၤ. အဝဲဒုးတၢ်ဒီးအဘီထီဒါပှၤအဂၤသၢကယၤဒီးမၤသံအဝဲသ့ၣ်, ဒီးအဝဲကဲထီၣ်ပှၤမံၤဟူသၣ်ဖျါထီၣ်လၢပှၤအခိၣ်အဂၤသၢဆံ အကျါန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:24

စီၤအလံၤၡါဃၣ်တရံးအသးဒီးကွၢ်ဒီးဆိၣ်အၢအီၤလၢယွၤအမံၤ အပူၤန့ၣ်လီၤ. တုၤနုၤတစု, တၤသူမိၢ်ခံဒုဟဲထီၣ်လၢသ့ၣ်ပှၢ်အကျါဒီးအ့ၣ် ဖှီလီၤကလဲကွံာ်ဖိသၣ်ပိာ်ခွါလွံၢ်ဆံခံဂၤန့ၣ်လီၤ.

တၢ်ကတိၤဒိ. 17:12

တၢ်သဂၢၢ်ဘၣ်တၤသူမိၢ်တဒုလၢပှၤဟုၣ်န့ၢ်အဖိတဖၣ်န့ၣ်ဂ့ၤန့ၢ် ဒိၣ်န့ၢ်ဒံးတၢ်သဂၢၢ်ဘၣ်ပှၤဟးဂီၤဖိတနီၤလၢအတၢ်မၤအါဝဲဒၣ် လၢတၢ်မၤတဂိာ်တသီၣ်ဘၣ်တဖၣ်တက့ၢ်လီၤ.

တၢ်ကတိၤဒိ. 28:15

လၢပှၤတတီတလိၤအတၢ်ပၢအဖီလာ်န့ၣ်, ပှၤဖှီၣ်ဖိယာ်ဖိတဖၣ်မၤစၢၤလီၤက့ၤအသးတသ့နီတမံၤဘၣ်. အဝဲလီၤပျံၤလီၤဖုးဒ်ခ့ယုၢ်တဒုလၢအကညီၤထီၣ်ရုၢ်ရုၢ်အသိး ဒီးဒ်တၤသူတဒုလၢအဟးဝ့ၤဝီၤစီၤတၢ်အသိးလီၤ.

လံာ်ယဃ့းစက့လး 19:2

သုမိၢ်မ့ၢ်မးခ့ယုၢ်မိၢ်တဒုန့ၣ်လီၤ. အဝဲလုၢ်ဒုးဒိၣ်ထီၣ် အခ့ယုၢ်ဖိတဖၣ်လၢခ့ယုၢ်ဖါအဒူအဃိၤတဖၣ်အကျါန့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်ပှၤစံၣ်ညီၣ်ကွီၢ် 18:25

ပှၤဒၣ်ဖိတဖၣ်စံးဘၣ်အီၤ, “နမ့ၢ်တအဲၣ်ဒိးလၢပှၤသ့ၣ်တဖၣ်အံၤ သးဒိၣ်ထီၣ်ဒီးကဒုးနၤဘၣ်န့ၣ်တဲတၢ်နီတမံၤတဂ့ၤ. မ့တမ့ၢ်ဘၣ်ဒီးနၤဒီးနပှၤဟံၣ်ဖိခဲလၢာ်ကသံလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:18

အခ့အပှၤအကျါတဂၤစံးဝဲဒၣ်, “စီၤယံးၡဲအိၣ်လၢဝ့ၢ်ဘ့ၤသလ့ဃ့ၣ်န့ၣ် အိၣ်ဒီးအဖိခွါတဂၤလၢအမ့ၢ်ပှၤဒ့တနၢ်သ့ဂ့ၤဂ့ၤလီၤ. အဝဲမ့ၢ်စ့ၢ်ကီးပှၤအဒူအဃိၤဒီးပှၤဒိၣ်တၢ်ဂ့ၤတဂၤ, မ့ၢ်ပှၤသုးဖိလၢအဂ့ၤတဂၤဒီးပှၤကလုၢ်သ့ကတိၤဘၣ်တဂၤလီၤ. ယွၤအိၣ်ဒီးအီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:50

မၤသးဒ်န့ၣ်ဒီး, စီၤဒၤဝံးမၤနၢၤဒီးမၤသံကွံာ်စီၤကၤလယး လၢနီၣ်ဘျုးတခါဒီးလၢၢ်တဖျၢၣ်, တအိၣ်ဒီးနးတဘ့ၣ်ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:23

ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”