လံာ်စီၤၡမူၤအ့လးခံဘ့ၣ်တဘ့ၣ် 17:3 - Sgaw Karen Common Bible

³ ဒီးဟဲက့ၤကိးကဒါက့ၤအဝဲအပှၤခဲလၢာ်ဆူနအိၣ်, ဒ်တလးမူးပိာ်မုၣ်တဂၤဟဲက့ၤဆူအဝၤအအိၣ်အသိးန့ၣ်လီၤ. နတၢ်အဲၣ်ဒိးမၤသံပှၤထဲတဂၤဧိၤန့ၣ် ကမ့ၢ်တၢ်မၤပူၤဖျဲးပှၤဂီၢ်မုၢ်အိၣ်လီၤတဲာ်အဂၤတဖၣ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:4

တၢ်အံၤလီၤဂာ်ဒ်တၢ်ဟ့ၣ်ကူၣ်အဂ့ၤလၢစီၤအးဘၡါလိၣ် ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်အဂီၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 3:21

စီၤအဘံန့ၢ်စံးဘၣ်စီၤဒၤဝံး, “ယကလဲၤခဲအံၤဒီးမၤန့ၢ် ကီၢ်အံၣ်စရ့လးဒီဘ့ၣ်လၢတၢ်ဒိၣ်ကစၢ်စီၤပၤအဂီၢ်လီၤ. အဝဲသ့ၣ်ကတူၢ်လိာ်နၤဒ်စီၤပၤအသိး, ဒီးနကဒိးန့ၢ်တၢ်လၢနသးလီတ့ၢ်အီၤဒီးနကပၢဘၣ်ကီၢ်ဒီဘ့ၣ်ညါန့ၣ်လီၤ.” စီၤဒၤဝံးဟ့ၣ်ဝဲစီၤအဘံန့ၢ်တၢ်အုၣ်ခီၣ်သးတမံၤလၢအတၢ်ပူၤ ဖျဲးအဂီၢ်ဒီးပျဲအက့ၤဆူအကျဲဒၣ်ဝဲန့ၣ်လီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.

လံာ်ယံးရမံယၤ 6:14

အဝဲသ့ၣ်ပာ်ဒၣ်ယပှၤဂီၢ်မုၢ်အပူၤလီၢ်ပူၤကျဲတဖၣ်ဒ်တၢ်ဘၣ်ကွး တဆံးတက့ၢ်အသိးန့ၣ်လီၤ. တၢ်ခဲလၢာ်န့ၣ်ဂ့ၤဝဲလီၤ,’ အဝဲသ့ၣ်စံးဝဲ, ဖဲနီၢ်နီၢ်တခီ, တၢ်ခဲလၢာ်န့ၣ်တဂ့ၤဝဲဘၣ်န့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.