လံာ်စီၤၡမူၤအ့လးခံဘ့ၣ်တဘ့ၣ် 17:29 - Sgaw Karen Common Bible

²⁹ တၢ်အီၣ်တၢ်အီလၢအဝဲသ့ၣ်ဟဲစိာ်န့ၣ်မ့ၢ်ဝဲဘုကၠူၣ်, ဘုမုယီၤ, ဘုဝဲာ်အသး, ပထိး, သဘ့, ကနဲစီ, တၢ်နုၢ်ထံ ကိၢ်လိၣ်, တၢ်နုၢ်ထံလီၤသကၤဒီးသိဖိတနီၤန့ၣ်လီၤ. အဝဲသ့ၣ်, သ့ၣ်ညါဝဲလၢစီၤဒၤဝံးဒီးအပှၤတဖၣ်သၣ်ဝံၤသၣ်စ့ၤ, အသးသူထံဒီးလီၤဘှံးလီၤတီၤဝဲလၢပှၢ်မုၢ်ကနၢအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:14

စီၤပၤဒီးအပှၤခဲလၢာ်န့ၣ်လီၤဘှံးလီၤတီၤဝဲဖဲအဝဲသ့ၣ်လဲၤ တုၤဝဲဆူထံကျိယၢ်ဒ့ၣ်ဒီးဖဲန့ၣ်, အဝဲသ့ၣ်အိၣ်ဘှံးအိၣ်သါဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:2

စီၤပၤစီၤဒၤဝံးသံကွၢ်အီၤ, “တၢ်ခဲလၢာ်အံၤနကမၤတၢ်မနုၤန့ၣ်လဲၣ်.” စီၤစံဘၤစံးဆၢဝဲဒၣ်, “ကသ့ၣ်ယီၤတဖၣ်မ့ၢ်လၢနဲဒၣ်, တၢ်ဒိၣ်ကစၢ်စီၤပၤအဟံၣ်ဖိဃီဖိတဖၣ်ကဒိးဝဲအဂီၢ်, ကိၣ်ဒီးသ့ၣ်သၣ်တဖၣ်မ့ၢ်လၢပှၤပိာ်ခွါတဖၣ်ကအီၣ်ဝဲအဂီၢ်ဒီး စပံးထံန့ၣ်မ့ၢ်လၢအဝဲသ့ၣ်ကအီဝဲဖဲအဝဲသ့ၣ်လီၤဘှံးလီၤ တီၤလၢပှၢ်မုၢ်ကနၢအပူၤအခါအဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 17:2

ယကလဲၤဒုးအီၤဖဲအဝဲလီၤဘှံးလီၤတီၤဒီးအသးဟးဂီၤအဖၢမုၢ်န့ၣ်လီၤ. အဝဲကပျံၤတၢ်ဖုးတၢ်ဒီးကယဲၢ်အပှၤခဲလၢာ်က ဃ့ၢ်ကွံာ်ဝဲဒၣ်န့ၣ်လီၤ. ယကမၤသံထဲစီၤပၤတဂၤဧိၤ,

စံးထီၣ်ပတြၢၤ 107:5

အဝဲသ့ၣ်တၢ်သၣ်ဝံၤသၣ်စ့ၤအသး ဒီးတၢ်သူအသးလၢထံ ဒီးအသးလီၤဘှါဝဲလၢအပူၤလီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

တၢ်ကတိၤဒိ. 21:26

ကယဲၢ်တၢ်လၢအမၤဝဲခဲလၢာ်န့ၣ်, မ့ၢ်တၢ်ဆိကမိၣ်ထီၣ်တၢ်လၢအဝဲသးအိၣ်မၤန့ၢ်ဝဲတဖၣ်န့ၣ်လီၤ. မ့မ့ၢ်ပှၤအတီအလိၤတဂၤန့ၣ်, ဟ့ၣ်တၢ်သ့, ဒီးကဟ့ၣ်ဝဲလၢတၢ်သူၣ်အိၣ်သးအိၣ်အပူၤန့ၣ်လီၤ.

လံာ်ယၡါယၤ 21:14

ပှၤလၢတၢ်သူအသးလၢထံဒီးဟဲဆူသုအိၣ်တဖၣ်န့ၣ်, ဟ့ၣ်အီအီၤလၢထံတက့ၢ်. သုဝဲပှၤကီၢ်တ့မၤဖိသ့ၣ်ဧၢ, ဟ့ၣ်လီၤတၢ်အီၣ်လၢပှၤဘၣ်ဃ့ၢ်မှံဟးဖျိးတဖၣ်အဂီၢ်တက့ၢ်.

လံာ်ယၡါယၤ 58:7

နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

ရိမ့ၤ 12:13

နီၤဟ့ၣ်တၢ်လၢအအိၣ်ဒီးသုတဖၣ်လၢသုဒီပုၢ်ဝဲၢ်လၢ အလိၣ်ဘၣ်တၢ်တဖၣ်, ဒီးတူၢ်လိာ်ပှၤသမှံၤတဖၣ်လၢသုဟံၣ်သုဃီတဖၣ်အပူၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 17:18

ဒီးလဲၤစိာ်တၢ်နုၢ်ထံလီၤသကၤအလိၣ်တဆံအံၤဆူသုးခိၣ်ဖးဒိၣ် အအိၣ်တက့ၢ်. ဃုသ့ၣ်ညါနဝဲၢ်တဖၣ်မ့ၢ်အအိၣ်မၤသးဒ်လဲၣ်ဒီးဟဲက့ၤစိာ်တၢ် တမံၤလၢကဒုးနဲၣ်တၢ်လၢနထံၣ်တ့ၢ်အဝဲသ့ၣ်ဒီးလၢအဝဲသ့ၣ်အိၣ် ဆူၣ်အိၣ်ချ့အဂ့ၢ်န့ၣ်တက့ၢ်.