လံာ်စီၤၡမူၤအ့လးခံဘ့ၣ်တဘ့ၣ် 17:27 - Sgaw Karen Common Bible

²⁷ ဖဲစီၤဒၤဝံးဟဲတုၤဝဲဆူဝ့ၢ်မၤဃန့ၤန့ၣ်, အဝဲဘၣ်တၢ်ဟဲသဂၢၢ်အီၤလၢပှၤဧၣ်မိၣ်ဖိလၢဝ့ၢ်ရးဘးစီၤနၤဃၣ် အဖိခွါစီၤၡိဘံၤ, စီၤဧမံၤအ့လးအဖိခွါစီၤမၤကံၢ်အိၣ်လၢဝ့ၢ်လိဒဘၢ်, ဒီးစီၤဘၢ်စံးလဲလၢကီၢ်ကံးလဧးအဝ့ၢ်ရိကလံၣ်, သ့ၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:26

စီၤအးဘၡါလိၣ်ဒီးအပှၤတဖၣ်သူၣ်ဒဲဖဲကီၢ်ကံးလဧးအပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 9:4

စီၤပၤသံကွၢ်ဝဲ, “အဝဲအိၣ်ဖဲလဲၣ်.” စီၤစံဘၤစံးဆၢဝဲဒၣ်, “အိၣ်လၢဝ့ၢ်လိဒဘၢ်လၢစီၤဧမံၤအ့လးအဖိခွါစီၤမၤကံၢ် အဟံၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:7

ဘၣ်ဆၣ်ဒီးဒုးနဲၣ်တၢ်သူၣ်ကညီၤသးကညီၤဆူစီၤဘၢ်စံးလဲ အဖိခွါတဖၣ်လၢအအိၣ်လၢဝ့ၢ်ကံးလဧးဒီးအံးထွဲကွၢ်ထွဲအဝဲ သ့ၣ်, မ့ၢ်လၢအဝဲသ့ၣ်မ့ၢ်ပှၤသူၣ်ကညီၤသးကညီၤယၤဖဲယဘၣ်ဃ့ၢ်ပူၤ ဖျဲးကွံာ်ယသးလၢနဒီပုၢ်ဝဲၢ်ခွါစီၤအးဘၡါလိၣ်အအိၣ်အကတီၢ် အဃိန့ၣ်တက့ၢ်.

လံာ်စီၤဧ့စြၤ 2:61

ပှၤလုၢ်တၢ်အခိၣ်အဒူၣ်အထၢတဖၣ်လၢတထံၣ်န့ၢ်ဘၣ်တၢ်ကွဲးနီၣ်လၢ ကအုၣ်အသးလၢအဝဲသ့ၣ်အတၢ်လီၤစၢၤလီၤသွဲၣ်အဂ့ၢ်မ့ၢ်ဝဲ, ပှၤဃဘါယၤဖိ, ပှၤကိစးဖိဒီးပှၤဘၢ်စံးလဲဖိန့ၣ်လီၤ. (လၢပှၤဘၢ်စံးလဲဖိအဒူၣ်အထၢအကျါ, အပၢ်လၢပျၢၤတဂၤဒိးတ့ ဒိးဖျီတ့ၢ်အသးဒီးပိာ်မုၣ်တဂၤလၢပှၤဘၢ်စံးလဲအဒူၣ်အထၢလၢ ကီၢ်ကံးလဧးဒီးဟံးန့ၢ်အမံၤပှၢ်ပိာ်ခွါအဒူၣ်အထၢအမံၤန့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 11:1

လၢခံပူၤကွံာ်တလါဃၣ်ဃၣ်န့ၣ်, ကီၢ်ဧၣ်မိၣ်အစီၤပၤစီၤနၤဃၣ် ဆှၢထီၣ်အသုးမုၢ်ထီဒါဝ့ၢ်ယၤဘ့ၣ်အိၣ်လၢကီၢ်ကံးလဧးအလီၢ် ကဝီၤအပူၤန့ၣ်ဒီးကဝီၤဃးအီၤန့ၣ်လီၤ. ပှၤပိာ်ခွါတဖၣ်လၢအအိၣ်လၢဝ့ၢ်ယၤဘ့ၣ်အပူၤစံးဘၣ်စီၤနၤဃၣ်, “မၤတၢ်အၢၣ်လီၤအီလီၤတမံၤဒီးပှၤတက့ၢ်. ဒီးပကတူၢ်လိာ်နၤဒ်ပှၤတဂၤလၢအပၢဘၣ်ပှၤအသိးန့ၣ်လီၤ.”