လံာ်စီၤၡမူၤအ့လးခံဘ့ၣ်တဘ့ၣ် 17:23 - Sgaw Karen Common Bible

²³ ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 16:23

ကယဲၢ်တၢ်ဟ့ၣ်ကူၣ်ဟ့ၣ်ဖးလၢ စီၤအဃံသဖ့ၤလးဟ့ၣ်တ့ၢ်ဝဲလၢမုၢ်နံၤတဖၣ်အပူၤန့ၣ်, ဘၣ်တၢ်တူၢ်လိာ်အီၤဒ်ကစၢ်ယွၤအကစၢ်ဒၣ် ဝဲအတၢ်ကတိၤအသိးဒီးစီၤဒၤဝံးဒီးစီၤအးဘၡါလိၣ်မၤထွဲဝဲဒၣ်ခံဂၤလိာ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:22

လၢတၢ်န့ၣ်အဃိ, စီၤဒၤဝံးဒီးအပှၤတဖၣ်စးထီၣ်ခီဂာ် ထံကျိယၢ်ဒ့ၣ်ဒီးတုၤမုၢ်ဆ့ၣ်ထီၣ်န့ၣ်အဝဲသ့ၣ်ခဲလၢာ်တုၤဝဲဆူထံကျိဘးခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:18

တုၤစီၤစံၣ်ရံၤထံၣ်ဝဲဒၣ်လၢဝ့ၢ်ဘၣ်တၢ်မၤန့ၢ်ကွံာ်အီၤလံ န့ၣ်အဝဲလဲၤနုာ်ဆူနီအသးကံၢ်ပူၤ, ဆိၣ်ကဲၤထီၣ်နီလၢမ့ၣ်အူဒီးသံဝဲလၢမ့ၣ်အူလၣ်အကျါန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်စီၤယိၤဘး 31:3

အဝဲဒုးလီၤဘၣ်တၢ်တတၢးတနါဒီးတၢ်ဟးဂူာ်ဟးဂီၤဆူပှၤ မၤတၢ်ကမၣ်တၢ်တဖၣ်အလိၤန့ၣ်လီၤ.

စံးထီၣ်ပတြၢၤ 109:20

ယွၤဧၢ, စံၣ်ညီၣ်ယဒုၣ်ယဒါတဖၣ်လၢကျဲဒ်န့ၣ်, ပှၤတဖၣ်လၢအစံးအၢထီဒါယၤ ဒ်သိးန့ၣ်တက့ၢ်.

စံးထီၣ်ပတြၢၤ 5:10

ကစၢ်ယွၤဧၢ, စံၣ်ညီၣ်ဒီးသိၣ်ဃီၣ်အဝဲသ့ၣ်န့ၣ်တက့ၢ်. မ်အတၢ်ကူၣ်အၢဒၣ်ဝဲ ကမၤဟးဂီၤက့ၤအဝဲသ့ၣ်န့ၣ်တက့ၢ်. မ့ၢ်လၢအတၢ်ဒဲးဘးအါဝဲဒီးအတၢ်ပူထီၣ်နၤအဃိ, နီၣ်ထီၣ်ကွံာ်အဝဲသ့ၣ်လၢနမဲာ်ညါန့ၣ်တက့ၢ်.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 19:3

ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.

လံာ်ယၡါယၤ 38:1

ဖဲတၢ်ဆၢကတီၢ်အံၤအဘၢၣ်ကဝီၤန့ၣ်, စီၤပၤဃံးစကံယၤဆါထီၣ် ဘူးတ့ၢ်မးကသံဝဲလီၤ. စီၤအၤမိာ်အဖိခွါဝံယၡါယၤလဲၤဆူအ အိၣ်ဒီးစံးဘၣ်အီၤ, “ယွၤစံးဘၣ်နၤဒ်သိးနကကတဲာ်ကတီၤတၢ်ခဲ လၢာ်လၢအဂ့ၢ်အဝီဒၣ်ဝဲလီၤ. အဂ့ၢ်ဒ်အံၤ, နတအိၣ်ဆူၣ်အိၣ်ချ့ထီၣ်က့ၤလၢၤဘၣ်. ကတဲာ်ကတီၤနသးလၢ နကသံတက့ၢ်.”

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.