လံာ်စီၤၡမူၤအ့လးခံဘ့ၣ်တဘ့ၣ် 17:20 - Sgaw Karen Common Bible

²⁰ စီၤအးဘၡါလိၣ်အသုးခိၣ်သုးနၢ်တဖၣ်ဟဲဆူဟံၣ်န့ၣ်ဒီးသံကွၢ် ပှၤပိာ်မုၣ်န့ၣ်, “စီၤယိၤနၤသၣ်ဒီးစီၤအဃံမ့ၤဧးအိၣ်ဖဲလဲၣ်.” ပိာ်မုၣ်န့ၣ်စံးဆၢဝဲ, “အဝဲသ့ၣ်လဲၤခီဂာ်ကွံာ်ထံကျိလံ.” ပှၤတဖၣ်န့ၣ်လူၤဃုအဝဲသ့ၣ်ဘၣ်ဆၣ်ဒီးတထံၣ်ဘၣ်ဝဲဘၣ်. လၢတၢ်န့ၣ်အဃိ, အဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:34

ဘၣ်ဆၣ်ဒီးနမ့ၢ်က့ၤကဒါက့ၤဆူဝ့ၢ်ပူၤန့ၣ်, နမၤစၢၤယၤသ့ဝဲခီဖျိတၢ်တဲဘၣ်စီၤအးဘၡါလိၣ်လၢခဲအံၤ နကမၤအခ့အပှၤအတၢ်မၤလၢတၢ်သူၣ်တီသးရၤအပူၤဒ်နမၤတ့ၢ်တၢ် အခ့အပှၤအတၢ်မၤလၢအဝဲအပၢ်အဂီၢ်အသိးန့ၣ်လီၤ. ဒီးမၤတၢ်လၢနမၤအီၤသ့ခဲလၢာ်လၢနကကတိၤထီဒါစီၤအဃံသဖ့ၤ လးအတၢ်ဟ့ၣ်ကူၣ်ဟ့ၣ်ဖးတမံၤလၢ်လၢ်န့ၣ်တက့ၢ်.

လံာ်တၢ်ဟးထီၣ်ကွံာ် 1:19

ဒီးအဝဲသ့ၣ်စံးဆၢဝဲဒၣ်, “ပှၤဧ့ၤဘြံၤမုၣ်တဖၣ်န့ၣ်တဒ်သိး ဒီးပှၤအဲၤကူပတူးမုၣ်တဖၣ်န့ၣ်ဘၣ်. အဝဲသ့ၣ်ဆံးစၢ်န့ၢ်အဖိညီဝဲ ဒီးတချုးလၢပဝဲတဂၤဂၤလဲၤတုၤဒံးဘၣ်န့ၣ်ဖိသၣ်တဖၣ်အိၣ် ဖျဲၣ်လံန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:11

သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသုတကတိၤကဘျံးကဘျၣ်လိာ်သုသးတဂ့ၤ.

လံာ်ပှၤစံၣ်ညီၣ်ကွီၢ် 4:20

တုၤနုၤတစုအဝဲစံးဘၣ်ပိာ်မုၣ်န့ၣ်, “ဆၢထၢၣ်ဖဲဒဲအကျဲစၢၤ န့ၣ်, ဒီးပှၤတဂၤဂၤမ့ၢ်သံကွၢ်နၤလၢမ့ၢ်ပှၤအိၣ်ဖဲအံၤတဂၤဂၤဧါန့ၣ်, စံးလၢတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 21:2

စီၤဒၤဝံးစံးဆၢဝဲ, “ယဟဲဖဲအံၤလၢစီၤပၤအတၢ်ဖံးတၢ်မၤ အဂ့ၢ်လီၤ. အဝဲတဲယၤဒ်သိးတၢ်လၢအဝဲမၢလီၤယၤလၢယကမၤအံၤ, ယသုတပျဲပှၤသ့ၣ်ညါနီတဂၤတဂ့ၤလီၤ. မ့မ့ၢ်ယပှၤတဖၣ်န့ၣ်ယမၤလိာ်တ့ၢ်အဝဲသ့ၣ်လၢကထံၣ်လိာ်ယၤဖဲ တၢ်လီၢ်လီၤဆီတပူၤန့ၣ်လီၤ.