လံာ်စီၤၡမူၤအ့လးခံဘ့ၣ်တဘ့ၣ် 17:17 - Sgaw Karen Common Bible

¹⁷ စီၤအ့ဘယၤသၢ်အဖိခွါစီၤယိၤနၤသၣ်ဒီးစီၤစၤဒိးအဖိခွါ စီၤအဃံမ့ၤဧးတဖၣ်အိၣ်ခိးတၢ်ဖဲထံထီၣ်ပၢၢ်ဧ့ၢ်ရိၤက့လးလၢ ဝ့ၢ်ယရူၤၡလ့ၣ်အချၢတဘူးတယံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဒိးဖျါအသးဒီးလဲၤနုာ်ဆူဝ့ၢ်ပူၤတဘူၣ်ဘၣ်. တဘျီဘၣ်တဘျီကုၢ်ပိာ်မုၣ်ဖိတဂၤဘၣ်လဲၤဒီးတဲဘၣ်အဝဲသ့ၣ်လၢ တၢ်မနုၤမၤအသးဒီးတၢ်န့ၣ်ဝံၤအလီၢ်ခံအဝဲသ့ၣ်ကဘၣ်လဲၤတဲစီၤ ပၤစီၤဒၤဝံးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:27

ဒီးအဝဲစံးဘၣ်အါထီၣ်ကဒီးစီၤစၤဒိး, “ကွၢ်ကွၢ်, နၤဒီးစီၤအဘ့ဘယၤသၢ်န့ၣ်က့ၤကဒါက့ၤမုာ်မုာ်ဆူဝ့ၢ်ပူၤ, ဒီးက့ၤကိးစ့ၢ်ကီးနဖိခွါစီၤအဃံမ့ၤဧးဒီးစီၤအ့ဘယၤသၢ် အဖိခွါ, စီၤယိၤနၤသၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:35

ပှၤလုၢ်တၢ်အခိၣ်စီၤစၤဒိးဒီးစီၤအ့ဘယၤသၢ်ကအိၣ်ဖဲန့ၣ်လီၤ. တဲဘၣ်အဝဲသ့ၣ်ကယဲၢ်တၢ်ကိးမံၤဒဲးလၢနနၢ်ဟူလၢစီၤပၤအနူၢ်ပူၤစီၤပၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:36

အဝဲသ့ၣ်အိၣ်ဒီးအဖိခွါတဖၣ်လၢအမ့ၢ်, စီၤအဃံမ့ၤဧးဒီးစီၤယိၤနၤသၣ်လၢအသကိးန့ၣ်လီၤ. ဒီးနဆှၢလီၤအဝဲသ့ၣ်ဆူယအိၣ်ဃုာ်ဒီးတၢ်ကစီၣ်လၢနဃုသ့ၣ်ညါပာ်ဖှိၣ်အီၤသ့ဝဲန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:42

တချုးလၢအကတိၤတၢ်ဝံၤဒံးဘၣ်န့ၣ်, စီၤယိၤနၤသၣ်လၢအမ့ၢ်ပှၤလုၢ်တၢ်အခိၣ်စီၤအ့ဘယၤသၢ်အဖိခွါ ဟဲတုၤဝဲဒၣ်န့ၣ်လီၤ. စီၤအဒိနံၤယၤစံးဘၣ်အီၤ, “ဟဲနုာ်တက့ၢ်. နမ့ၢ်ပှၤအဂ့ၤတဂၤလီၤ. လီၤဂာ်လၢနဟဲစိာ်တၢ်ကစီၣ်လၢအဂ့ၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 1:9

ဘၣ်မုၢ်တနံၤ, စီၤအဒိနံၤယၤလုၢ်ထီၣ်တၢ်လုၢ်တၢ်ပာ်လၢအမ့ၢ် သိ, ဂီၤဖံးဖါတဖၣ်, ဒီးဂီၤဖံးဖိအဘီၣ်တဖၣ်လၢလၢၢ်စိၤဃ့လ့းဖဲ ဧ့ၣ်ရိၤက့လးအထံထီၣ်ပၢၢ်အဃၢၤန့ၣ်လီၤ. ဒီးအဝဲကွဲဃီၤစီၤဒၤဝံးအဖိခွါအဂၤတဖၣ်, ဒီးစီၤပၤအပဒိၣ်ပပှၢ်တဖၣ်လၢအအိၣ်လၢကီၢ်ယူဒၤ, ဒ်သိးကဟဲဆူတၢ်လုၢ်ထီၣ်ပာ်ထီၣ်အမူးအံၤ,

လံာ်စီၤယိၤၡူ 15:7

ဒီးကီၢ်အဆၢန့ၣ်လဲၤထီၣ်ဆူဝ့ၢ်ဒဘံၢ်လၢကစၢၢ် ကဆူးဧၤကိၢ်ဒီးဆူကလံၤစိးဝံၤတရံး အသးဆူဝ့ၢ်ကံၤလကၤလးလၢအအိၣ်တခီတကပၤဒီးအဒူမံၣ်အတၢ်စိခိၣ်လၢအအိၣ်လၢကစၢၢ်ကဆူး ကလံၤထံးဒီးကီၢ်ဆၢန့ၣ်လဲၤ တၢ်တုၤလၢဧၣ်ၡ့မ့ၣ်အထံထီၣ်ပၢၢ်ဒီးကတၢၢ်ဝဲဖဲဧ့ၣ်ရိၤက့လး အထံထီၣ်ပၢၢ်န့ၣ်လီၤ.

လံာ်စီၤယိၤၡူ 18:16

ဝံၤဒီးလဲၤဆူကစၢၢ်တဖျၢၣ်အကတၢၢ်လၢအအိၣ်လၢ ပှၤဟံၣ်နိၣ်ဖိအတၢ်ပၢၤခိၣ်လၢကစၢၢ်ကဆူးအမဲာ်ညါ, လၢအအိၣ်လၢပှၤနီၢ်ဒိၣ်ဖိအတၢ်ပၢၤခိၣ်လၢကစၢၢ်ကဆူးလၢကလံၤစိးတခီ, ဒီးလဲၤလီၤဆူဟံၣ်နိၣ်တၢ်ပၢၤခိၣ်လၢကစၢၢ်ကဆူးလၢ ဝ့ၢ်ယဘူၣ်အဃၢၤလၢကလံၤထံးတခီ, ဒီးလဲၤလီၤဆူဧ့ၣ်ရိၤက့လးအထံထီၣ်ပၢၢ်လီၤ.