လံာ်စီၤၡမူၤအ့လးခံဘ့ၣ်တဘ့ၣ် 16:4 - Sgaw Karen Common Bible

⁴ စီၤပၤစံးဘၣ်စီၤစံဘၤ, “ကယဲၢ်တၢ်ကိးမံၤဒဲးလၢအဘၣ်ဃး ဒီးစီၤမဖံဘိၤၡ့းန့ၣ်မ့ၢ်နတၢ်လီၤ.” စီၤစံဘၤစံးဆၢဝဲဒၣ်, “ယမ့ၢ်နခ့နပှၤလီၤ. မ်ထီဘိယဒိးန့ၣ်ဘၣ်တၢ်ဒိၣ်ကစၢ်စီၤပၤအတၢ်ကွၢ်မဲာ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 16:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:22

စီၤယိၤအာ်ထိၣ်လီၤပှီၤအသးဆူဟီၣ်ခိၣ်လိၤလၢစီၤဒၤဝံးအမဲာ် ညါလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ကစၢ်ယွၤဆိၣ်ဂ့ၤနၤလီၤ. ခဲကနံၣ်အံၤ, ယသ့ၣ်ညါယဲလၢယဘၣ်ဘျုးဘၣ်ဖှိၣ်လၢနမဲာ်ညါန့ၣ်လီၤ. အဂ့ၢ်ဒ်အံၤ, နဟ့ၣ်လီၤယၤတၢ်လၢယဃ့ ကညးအီၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:4

ပိာ်မုၣ်န့ၣ်လဲၤဆူစီၤပၤအအိၣ်, ထိၣ်လီၤပှီၤအသး, ဆုးလီၤအခိၣ်ဆူဟီၣ်ခိၣ်လိၤလၢတၢ်ယူးယီၣ်အပူၤဒီးစံးဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, မၤစၢၤယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:8

စီၤပၤစံးဝဲဒၣ်, “က့ၤက့ၤဆူနဟံၣ်တက့ၢ်. ယကကွၢ်သုးကျဲၤတၢ်ဂ့ၢ်အံၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:3

စီၤပၤသံကွၢ်အီၤ, “နကစၢ်စီၤစီလူးအလံၤခွါစီၤမဖံဘိၤၡ့းအိၣ်ဖဲလဲၣ်.” စီၤစံဘၤစံးဆၢအီၤ, “အဝဲအိၣ်ဒံးဒၣ်လၢဝ့ၢ်ယရူၤၡလ့ၣ်အပူၤမ့ၢ်လၢအဝဲနာ်ဝဲလၢ, ခဲအံၤပှၤအံၣ်စရ့လးဖိတဖၣ်န့ၣ်ကဟ့ၣ်ကဒါက့ၤအီၤအဖု စီၤစီလူးအဘီအမုၢ်အဃိန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:5

ဖဲစီၤပၤစီၤဒၤဝံးဟဲတုၤဝဲလၢဝ့ၢ်ဘၤဃူရံၣ်န့ၣ်, ပှၤလၢစီၤစီလူးအဘူးအတံၢ်အကျါတဂၤ, လၢအမ့ၢ်စီၤကရၤအဖိခွါ စီၤၡံမံၤဟဲထီၣ်လၢသဂၢၢ်အီၤအဂီၢ်ဒီးဆိၣ်အၢအီၤဖဲအဟဲ ထီၣ်ဝဲအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:27

အဝဲတဲတၢ်တတီတလိၤဘၣ်ဃးယဂ့ၢ်လၢနဲဒၣ်တၢ်ဒိၣ်ကစၢ်စီၤပၤအမဲာ်ညါလီၤ. ဘၣ်ဆၣ်ဒီးနလီၤဂာ်မးဒ်ကစၢ်ယွၤအကလူးအသိး, အဃိဒီးမၤနဲဒ်နဆိကမိၣ်ဘၣ်ဝဲတီဝဲန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 9:6

ဖဲစီၤစီလူးအလံၤခွါ, စီၤယိနၤသၣ်အဖိခွါ, စီၤမဖံဘိၤၡ့းဟဲတုၤဝဲန့ၣ်, အဝဲတီၤလီၤလၢစီၤဒၤဝံး အမဲာ်ညါလၢတၢ်ယူးယီၣ်အပူၤလီၤ. စီၤဒၤဝံးစံးဝဲဒၣ်, “စီၤမဖံဘိၤၡ့းဧၢ,” ဒီးအဝဲဒၣ်စံးဆၢဝဲဒၣ်, “ကစၢ်ဧၢ, နကုၢ်နပှၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 9:9

အန့ၣ်ဝံၤဒီးစီၤပၤကိးဃီၤစီၤစီလူးအခ့အပှၤစီၤစံဘၤ, ဒီးစံးဝဲဒၣ်, “ယဟ့ၣ်လီၤနကစၢ်အလံၤခွါစီၤမဖံဘိၤၡ့းလၢကယဲၢ်တၢ်ကိးမံၤ လၢအဘၣ်ဃးတ့ၢ်ဝဲဒီးစီၤစီလူးဒီးအဟံၣ်ဖိဃီဖိန့ၣ်လီၤ.

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

တၢ်ကတိၤဒိ. 18:13

တချုးနစံးဆၢဒံးတၢ်ဒီး, ဒိကနၣ်တၢ်တက့ၢ်. နမ့ၢ်တမၤဒ်န့ၣ်ဘၣ်ဒီးနမ့ၢ်ဒၣ်ပှၤလၢအသးတဆးဒီးဒုၣ်ဒွဲၣ်ပှၤ ဂၤန့ၣ်လီၤ.

တၢ်ကတိၤဒိ. 18:17

တချုးဒံးလၢပှၤလၢအထီဒါအီၤတဂၤဟဲဝဲဒီးစးထီၣ်သံကွၢ်သံဒိး အီၤတၢ်န့ၣ်ထီဘိပှၤတဂၤလၢအစးထီၣ်ကတိၤတၢ်လၢကွီၢ်ဘျီၣ်ပူၤ, အတၢ်ကဖျါဘၣ်လီၤ.

တၢ်ကတိၤဒိ. 19:2

တၢ်သးဆူၣ်လၢတအိၣ်ဒီးတၢ်သ့ၣ်ညါန့ၣ်တဂ့ၤဘၣ်. ဒီးတၢ်သးတစူၤန့ၣ်ကဆှၢနၤဆူတၢ်ကီတၢ်ခဲအပူၤလီၤ.

လံာ်သိၣ်လီၤသီလီၤတၢ် 19:15

လၢတၢ်ကစံၣ်ညီၣ်ပှၤတဂၤအတၢ်မၤကမၣ်တမံၤအဂီၢ်န့ၣ်, ပှၤအုၣ်အသးတဂၤတမ့ၢ်တၢ်လၢတၢ်ပှဲၤဘၣ်. အစှၤကတၢၢ်ပှၤအုၣ်အသးကဘၣ်အိၣ်ခံဂၤလၢကအုၣ်အသးလၢ ပှၤတဂၤန့ၣ်အတၢ်ကမၣ်အိၣ်ဝဲအဂ့ၢ်န့ၣ်လီၤ.