လံာ်စီၤၡမူၤအ့လးခံဘ့ၣ်တဘ့ၣ် 16:22 - Sgaw Karen Common Bible

²² လၢတၢ်န့ၣ်အဃိ, အဝဲသ့ၣ်ဘှီထီၣ်ဝဲဒဲတဖျၢၣ်လၢ စီၤအးဘၡါလိၣ်အဂီၢ်လၢစီၤပၤအနူၢ်အစီၤအခိၣ်ဒုးဖီခိၣ်, ဒီးလၢကယဲၢ်ပှၤကိးဂၤဒဲးအမဲာ်ညါန့ၣ်, စီၤအးဘၡါလိၣ်လဲၤ နုာ်ဝဲဆူဒဲပူၤဒီးမံဃုာ်ဂဲၤဃုာ်ဒီးအပၢ်အသံၣ်မါတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:22 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:16

လၢတၢ်န့ၣ်အဃိစီၤပၤဟးထီၣ်ကွံာ်ဝဲဃုာ်ဒီးအဟံၣ်ဖိဃီဖိခဲ လၢာ်ဒီးအပဒိၣ်ပပှၢ်တဖၣ်, အိၣ်တ့ၢ်ထဲအသံၣ်မါအဂၤတဆံ, လၢအဝဲပာ်လီၤတဲာ်တ့ၢ်ဝဲဒ်သိးကအံးထွဲကွၢ်ထွဲစီၤပၤအနူၢ်အစီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:3

ဖဲစီၤဒၤဝံးက့ၤတုၤဝဲဆူအနူၢ်အစီၤလၢဝ့ၢ်ယရူၤၡလ့ၣ်အပူၤန့ၣ်, အဝဲကိးဃီၤအသံၣ်မါအဂၤတဆံလၢအပာ်တ့ၢ်ဝဲလၢကကွၢ်ထွဲအနူၢ်အစီၤန့ၣ်, ဒီးပာ်အီၤလၢတၢ်ပၢၤဃာ်အပူၤန့ၣ်လီၤ. အဝဲဟ့ၣ်လီၤတၢ်လၢအဝဲ သ့ၣ်လိၣ်ဘၣ်ဝဲတဖၣ်, ဘၣ်ဆၣ်ဒီးတမံဃုာ်ဘၣ်ဒီးအဝဲသ့ၣ်ဘၣ်. လၢအဝဲသ့ၣ်အတၢ်အိၣ်မူအိၣ်လီၤတဲာ်အပူၤန့ၣ်, အဝဲသ့ၣ်ဘၣ်တၢ်ပာ်အီၤဒ်အအိၣ်လၢတၢ်စၢဃာ်အပူၤအသိးဒီးအိၣ် ဆိးဝဲဒ်မုၣ်ကမဲတဖၣ်အသိးန့ၣ်လီၤ.

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 24:7

တၢ်မၤသံအိၣ်ဝဲလၢဝ့ၢ်ပူၤ, ဘၣ်ဆၣ်တၢ်သွံၣ်တလီၤဂၢ်ဘၣ်လၢဟီၣ် ခိၣ်လိၤ, တၢ်လီၢ်ဖဲဖၣ်ကမူၣ်မၤဘၢအီၤသ့ဝဲန့ၣ်ဘၣ်. တၢ်သွံၣ်န့ၣ်လီၤဂၢ်လၢလၢၢ်လ့ၤကဒိတဖျၢၣ်အလိၤန့ၣ်လီၤ.

လံာ်တၢ်ဂံၢ် 25:6

ပှၤအံၣ်စရ့လးဖိတဖၣ်အကျါတဂၤကိးနုာ်ပှၤမံးဒယၣ်ပိာ်မုၣ်တဂၤ ဆူဒဲပူၤလၢစီၤမိၤၡ့ဒီးပှၤကမျၢၣ်ခဲလၢာ်အမဲာ်ညါဖဲ အဝဲသ့ၣ်ဟီၣ်ဝဲယၢၤဝဲလၢယွၤအိၣ်ဝဲဆိးဝဲအဒဲစီဆှံ အကျဲစၢၤအခါန့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.