လံာ်စီၤၡမူၤအ့လးခံဘ့ၣ်တဘ့ၣ် 16:20 - Sgaw Karen Common Bible

²⁰ အန့ၣ်ဝံၤဒီး, စီၤအးဘၡါလိၣ်ဃၣ်ဃီၤအသးဆူ စီၤအဃံသဖ့ၤလးအအိၣ်ဒီးစံးဝဲဒၣ်, “ခဲကနံၣ်အံၤမ့ၢ်လၢပအိၣ်ဖဲအံၤလံအဃိ, နကဟ့ၣ်ကူၣ်ပှၤလၢပကဘၣ်မၤတၢ်မနုၤန့ၣ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 16:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:12

ဒီးဖဲအဝဲလုၢ်ထီၣ်တၢ်လုၢ်တၢ်ပာ်တဖၣ်အခါနၣ်, စီၤအးဘၡါလိၣ်မၢပှၤလဲၤကိးန့ၢ်အီၤစီၤအဃံၤသဖ့လးလၢအမ့ၢ် စီၤပၤဒၤဝံးအပှၤဟ့ၣ်ကူၣ်ဟ့ၣ်ဖးတၢ်တဖၣ်အကျါတဂၤ, လၢအအိၣ်ဝဲလၢဝ့ၢ်ကံလိၤန့ၣ်လီၤ. တၢ်ကူၣ်အၢထီဒါစီၤပၤန့ၣ်, အဂံၢ်အဘါဆူၣ်ထီၣ်ဝဲ, ဒီးပှၤပိာ်စီၤအးဘၡါလိၣ်အခံန့ၣ်အနီၣ်ဂံၢ်အါထီၣ်ဝဲဒၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:19

မၤကဒီးတစုမ့တမ့ၢ်ဘၣ်လၢယကစၢ်အဖိခွါအဂီၢ်ဘၣ်န့ၣ်, ယကမၤမတၤတဂၤအတၢ်န့ၣ်လဲၣ်. ဒ်ယမၤတ့ၢ်တၢ်လၢနပၢ်အဂီၢ်အသိးန့ၣ်, ခဲကနံၣ်အံၤယကမၤတၢ်လၢနဂီၢ်န့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 16:21

စီၤအဃံသဖ့ၤလးစံးဆၢဝဲဒၣ်, “လဲၤဒီးမံဃုာ်ဂဲၤဃုာ်ဒီး နပၢ်အသံၣ်မါတဖၣ်လၢအပာ်လီၤတဲာ်တ့ၢ်ဝဲဒ်သိးအကကွၢ်ထွဲ စီၤလိၣ်စီၤပၤအနူၢ်အစီၤအဂီၢ်န့ၣ်တက့ၢ်. တုၤနုၤတစု, ပှၤကိးဂၤဒဲးလၢကီၢ်အံၣ်စရ့လးအပူၤကသ့ၣ်ညါဝဲလၢ နပၢ်ပာ်နၤဒ်အဒုၣ်အဒါတဂၤအသိးဒီးပှၤပိာ်နခံတဖၣ်အသး အဂံၢ်အဘါကဆူၣ်ထီၣ်ဝဲလီၤ.”

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

လံာ်တၢ်ဟးထီၣ်ကွံာ် 1:10

ဒီးတၢ်ဒုးတၢ်ယၤမ့ၢ်အိၣ်ထီၣ်ဘၣ်ဖုးန့ၣ်, အဝဲသ့ၣ်ကပာ်ဖှိၣ် အသးဒီးပဒုၣ်ပဒါတဖၣ်ဒ်သိးကဒုးတၢ်ဒီးပှၤ, ဒီးဃ့ၢ်ပူၤဖျဲး ကွံာ်လၢထံကီၢ်အပူၤလီၤ. ပကဘၣ်ဃုကျဲလၢတၢ်တြီဆၢပှၤအံၣ်စရ့လးဖိတဖၣ် အါထီၣ်ဂီၢ်ထီၣ်အဂ့ၢ်န့ၣ်လီၤ.”

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ယၡါယၤ 29:15

ပှၤတဖၣ်လၢအကျဲးစၢးပာ်ခူသူၣ်အတၢ်တိာ်ကျဲၤတဖၣ်လၢ ယွၤန့ၣ်, ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်မၤထွဲအတၢ်ကူၣ်တဖၣ် လၢတၢ်ခူသူၣ်အပူၤဒီးဆိကမိၣ်ဝဲလၢပှၤတထံၣ်ဒီးတသ့ၣ်ညါတၢ် လၢအဝဲသ့ၣ်မၤန့ၣ်နီတဂၤဘၣ်န့ၣ်လီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.