လံာ်စီၤၡမူၤအ့လးခံဘ့ၣ်တဘ့ၣ် 16:16 - Sgaw Karen Common Bible

¹⁶ ဖဲစီၤဒၤဝံးအတံၤသကိးလၢအနာ်န့ၢ်ဝဲစီၤဃူၡဲၤဘၣ်သဂၢၢ်ဒီး စီၤအးဘၡါလိၣ်န့ၣ်အဝဲကိးပသူထီၣ်, “မ်စီၤပၤမူဝဲတက့ၢ်. မ်စီၤပၤမူဝဲတက့ၢ်,” န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 16:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:32

ဖဲစီၤဒၤဝံးလဲၤထီၣ်တုၤဆူတၢ်လူၢ်ဒီခိၣ်, ဖဲတၢ်ဘူၣ်ထီၣ်ဘါထီၣ်ယွၤအလီၢ်တပူၤန့ၣ်, အဝဲအတံၤသကိးလၢအနာ် န့ၢ်ဝဲပှၤအၤကးဖိစီၤဃူၤၡဲဟဲသဂၢၢ်အီၤဃုာ်ဒီးအတၢ်ကူ တၢ်သိးယာ်မုၢ်ယာ်ဖျ့ဒီးဖၣ်ကမူၣ်ဖၣ်ဆါအိၣ်လၢအခိၣ်လိၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:34

ဘၣ်ဆၣ်ဒီးနမ့ၢ်က့ၤကဒါက့ၤဆူဝ့ၢ်ပူၤန့ၣ်, နမၤစၢၤယၤသ့ဝဲခီဖျိတၢ်တဲဘၣ်စီၤအးဘၡါလိၣ်လၢခဲအံၤ နကမၤအခ့အပှၤအတၢ်မၤလၢတၢ်သူၣ်တီသးရၤအပူၤဒ်နမၤတ့ၢ်တၢ် အခ့အပှၤအတၢ်မၤလၢအဝဲအပၢ်အဂီၢ်အသိးန့ၣ်လီၤ. ဒီးမၤတၢ်လၢနမၤအီၤသ့ခဲလၢာ်လၢနကကတိၤထီဒါစီၤအဃံသဖ့ၤ လးအတၢ်ဟ့ၣ်ကူၣ်ဟ့ၣ်ဖးတမံၤလၢ်လၢ်န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 15:37

မၤသးဒ်န့ၣ်ဒီး, စီၤဒၤဝံးအတံၤသကိးစီၤဃူၤၡဲက့ၤကဒါက့ၤ ဆူဝ့ၢ်ပူၤဖဲစီၤအးဘၡါလိၣ်ဟဲတုၤဝဲအကတီၢ်ဖိန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:25

အအံၤတနံၤအံၤဒၣ်လဲာ်န့ၣ်အဝဲလဲၤတ့ၢ်ဝဲဒီးလုၢ်ထီၣ်တ့ၢ်တၢ် လုၢ်တၢ်ပာ်လၢအမ့ၢ်ဂီၤဖံးဖါအါအါကလဲာ်, သိဒီးဂီၤဖံးအဘီၣ်တဖၣ်အါအါကလဲာ်န့ၣ်လီၤ. အဝဲကွဲမုာ်နဖိခွါခဲလၢာ်, နပှၤသုးမုၢ်အခိၣ်စီၤယိၤအာ်, ဒီးပှၤလုၢ်တၢ်အခိၣ်စီၤအ့ဘယၤသၢ်, ဒီးခဲကနံၣ်အံၤအဝဲသ့ၣ်အီၣ်တၢ်အီတၢ်ဒီးအီၤဒီးကိးပသူထီၣ်ဝဲ, မ်စီၤပၤအဒိနံၤယၤအိၣ်မူဝဲအါနံၣ်အါလါတက့ၢ်, န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:34

ဒီးဖဲန့ၣ်, စီၤစၤဒိး, ဒီးစီၤနၤသၣ်ကဘၣ်ဖှူအီၤဒ်ကီၢ်အံၣ် စရ့လးအစီၤပၤအသိးန့ၣ်လီၤ. အန့ၣ်ဝံၤဒီး, အူထီၣ်ကွဲၤဒီးကိးပသူထီၣ်, မ်စီၤပၤၡလိၤမိၤမူဝဲအါနံၣ်အါလါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်စီၤပၤခံဘ့ၣ်တဘ့ၣ် 11:12

ဝံၤဒီးစီၤယဟိယဒါဆှၢထီၣ်စီၤယိၤအၣ်ဆူတၢ်ချၢ, ဒီးပာ်ထီၣ်ခိၣ်သလုးလၢအဝဲအခိၣ်လိၤ, ဒီးဟ့ၣ်လီၤအီၤစီၤပၤအတၢ်ပၢအတၢ်သိၣ်တၢ်သီတဖၣ်အလံာ်တဘ့ၣ် န့ၣ်လီၤ. ဝံၤဒီးစီၤယိၤအၣ်ဘၣ်တၢ်ဖှူအီၤဒီးဘၣ်တၢ်ဘိးဘၣ်သ့ၣ်ညါအီၤ ဒ်စီၤပၤအသိးန့ၣ်လီၤ. ပှၤဂီၢ်မုၢ်ဒဲအစုတဖၣ်ဒီးကိးထီၣ်ဝဲ, “မ်စီၤပၤမူဝဲလီၤစိၤလီၤထီတက့ၢ်.”

လံာ်ဒၤနံးယ့လး 2:4

ဒီးအဝဲသ့ၣ်စံးဆၢက့ၤစီၤပၤလၢပှၤအၤရၣ်ဖိအကျိာ်, “မ်စီၤပၤမူဝဲလီၤထူလီၤယိာ်တက့ၢ်. စံးဘၣ်ပှၤလၢနတၢ်မံ မီၢ်တက့ၢ်. ဒီးပကဖးဖျါထီၣ်အခီပညီလၢနဂီၢ်လီၤ.”

လံာ်ဒၤနံးယ့လး 5:10

စီၤပၤအမိၢ်နၢ်ဟူဘၣ်စီၤပၤဒီးအပဒိၣ်ပပှၢ်တဖၣ်အကလုၢ်သီၣ်သဲ သတးဒီးဟဲနုာ်ဃီၤဆူတၢ်အီၣ်တၢ်အီအမူးအဒၢးပူၤလီၤ. ဒီးပိာ်မုၣ်န့ၣ်စံးဝဲဒၣ်, “မ်စီၤပၤမူဝဲအထူအယိာ်တက့ၢ်. ပျဲနတၢ်ဆိကမိၣ်မၤပျံၤမၤဖုးနၤတဂ့ၤဒီးမ်နမဲာ်သၣ် အသုတလီၤဝါတဂ့ၤ.

လံာ်ဒၤနံးယ့လး 6:21

ဒီးစီၤဒၤနံးယ့လးစံးဆၢဝဲဒၣ်, “မ်နဲဒၣ်စီၤပၤမူဝဲ အစိၤစိၤအဃၣ်ဃၣ်တက့ၢ်.

လံာ်ဒၤနံးယ့လး 6:6

လၢတၢ်န့ၣ်အဃိအဝဲသ့ၣ်လဲၤဆူစီၤပၤအအိၣ်ဒီးစံး, “စီၤပၤဒၤရယါဝ့ၣ်ဧၢ, မ်နမူနဲလီၤထူလီၤယိာ်တက့ၢ်.

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်စီၤၡမူၤအ့လးအခီၣ်ထံးတဘ့ၣ် 10:24

စီၤၡမူၤအ့လးစံးဘၣ်ပှၤဂီၢ်မုၢ်, “အဝဲအံၤ, မ့ၢ်ပှၤတဂၤလၢယွၤဃုထၢထီၣ်အီၤန့ၣ်လီၤ. လၢပဝဲဒၣ်ခဲလၢာ်အကျါပှၤလီၤဂာ်ဒီးအီၤတအိၣ်ဘၣ်နီတဂၤဘၣ်.” ဒီးကယဲၢ်ပှၤဂီၢ်မုၢ်ခဲလၢာ်ကိးထီၣ်ဝဲ, “မ်ပကစၢ်စီၤပၤအိၣ်ကၢအိၣ်ခိးတက့ၢ်.”